8 Moo kane mlaa womi nɛ ɔ daa. Mo susu he nyɔ kɛ pia; nɛ o ye nɔ́ tsuaa nɔ́ nɛ a ngma ngɛ mi ɔ nɔ; ja jã loko níhi a mi maa hi ha mo, nɛ o maa ye manye.
Kikɛmɛ a yi wami hemi munyu nɛ ɔ, i ngɔɛ kɛ to we imi nɔ kake too ye yi mi. Daa nɛ ɔ, i jajeɔ ke o yeɔ anɔkuale; i deɔ ke o heɔ nɔ yi wami. O suɔmi, kɛ o we anɔkuale yemi ɔ, i ngɔɛ kɛ laa we o ma kpekpemi ɔ.
I kɛ nyɛ maa so somi. I ngɔ ye he wami ɔ ngɔ ha nyɛ, nɛ ye mlaa amɛ hu maa pee nyɛ nɔ́ kɛ maa ya neneene. Kɛ je mwɔnɛ ɔ kɛ yaa a, nyɛ maa bu mi tue, nɛ nyɛ maa tsɔɔ nyɛ bimɛ, kɛ nyɛ nina tsuo, konɛ a bu mi tue kɛ ya neneene.”
“Nɔ tsuaa nɔ nɛ ngɔɔ ye mlaa amɛ nɛ e yeɔ a nɔ ɔ, e suɔ mi; nɛ nɔ tsuaa nɔ nɛ suɔ mi ɔ, Tsaatsɛ maa suɔ lɛ. Jehanɛ imi hu ma suɔ lɛ, nɛ ma ha nɛ e le mi saminya.”
Munyu nɛ maa je nyɛ ti nɔ ko nya a, e ko pee nɔ́ nɛ ma puɛ nɔ, se mohu nɔ́ nɛ hi, nɛ e he hia, nɛ nɔ́ kpakpa ko maa je mi kɛ wo nɔ he wami. Kɛkɛ ɔ, e maa pee dloomi kɛ ha nihi nɛ ngɛ nyɛ tue bue ɔ.
Mose bua Israel ma a tsuo nya, nɛ e de mɛ ke, “Israel bi, nyɛɛ bu mlaa nɛ ɔmɛ tsuo nɛ i ngɛ nyɛ woe mwɔnɛ ligbi nɛ ɔ tue. Nyɛɛ kase mɛ nɛ nyɛɛ hyɛ nɛ nyɛɛ ye a nɔ.
I ná nɛ ma a na juɛmi daa kikɛ nɛ ɔ, nɛ a wo ye hɛ mi nyami be tsuaa be, nɛ a ye ye mlaa amɛ tsuo a nɔ, konɛ nɔ́ tsuaa nɔ́ nɛ hi ha mɛ kɛ a nina kɛ ya neneene!’
Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.
Kaa bɔ nɛ i ngɛ dee ɔ, moo lɛɛ o he nɛ wa, nɛ o pee kã kɛkɛ; lɔ ɔ ji kaa, o maa ye mlaa a tsuo nɛ ye tsɔlɔ Mose wo mo ɔ nɔ sisiisi. Kó si ekoeko, nɛ he tsuaa he nɛ o maa ya a, o maa ye manye.