Yoshua 1:5 - BAIBLO ALOO NGMAMI KLƆUKLƆU Ɔ

⁵ Nɔ ko nɔ ko be mo nyɛe o wami be ɔ tsuo. Bɔ nɛ i kɛ Mose hi si ɔ, jã kɛ̃ i kɛ mo, Yoshua hu maa hi si. I be mo sie, nɛ i be mo kuae hulɔ.

Yoshua 1:5 ပူးပေါင်းရင်းမြစ်များ

Mose I, 39:2

Yawɛ gbaa Yosef nɛ e ya nɔ ngɛ nɔ́ tsuaa nɔ́ mi; nɛ e sɔmɔ ngɛ e we Egipt nyɔmtsɛ ɔ we ɔ mi.

Matsɛmɛ I, 1:37

Kaa bɔ nɛ Yawɛ kɛ mo, ye nyɔmtsɛ matsɛ hi si ɔ, e kɛ Salomo nɛ hi si ja nɔuu; nɛ e ha e yi nɔ nɛ jɔ po pe o nɔ́ ɔ.”

Matsɛmɛ I, 11:38

Ke o maa bu mi tue kɛ pi si, nɛ o maa ye ye mlaa amɛ a nɔ, nɛ o maa pee ye suɔmi nya ní kaa bɔ nɛ ye tsɔlɔ David pee ɔ, lɛɛ i kɛ mo maa hi si daa. Ma wo mo tsɛ ngɛ Israel, nɛ ma ha nɛ o nina maa ye tsɛ ngɛ o se kaa bɔ nɛ i pee ha David ɔ.

Matsɛmɛ I, 6:13

I kɛ ye ma Israel maa hi si, nɛ i be a he jee.”

Matsɛmɛ I, 8:57

Yawɛ, wa Mawu ɔ kɛ wɔ nɛ hi si kaa bɔ nɛ e kɛ wa nɛmɛ ɔmɛ hi si ɔ; e ko si wɔ, nɛ e ko kua wɔ hulɔ.

Kronika I, 28:20

Nyagbe ɔ, Matsɛ David de e bi Salomo ke, “Wlua mo, nɛ o pee kã, nɛ o tsu ní ɔ. Koo ye gbeye, nɛ o tsui ko po; ejakaa Yawɛ Mawu ɔ nɛ i sɔmɔɔ lɛ ɔ kɛ mo ngɛ. E be mo kuae, nɛ e be mo sie kɛ yaa si o maa gbe e we ɔ he ní tsumi ɔmɛ tsuo nya.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

Mose II, 3:12

Mawu ha lɛ heto ke, “Ma piɛ o he. Ke o ya jé ma a kɛ je Egipt kɛ ba a, nyɛ ma ba ja mi ngɛ yo nɛ ɔ nɔ. Jamɛ a be ɔ loko o maa le niinɛ kaa imi nɛ i tsɔ mo.”

Yesaya 42:16

“Ma ngɔ ye hɛ yuyuili ɔmɛ kɛ gu hehi nɛ a nyɛɛ we hyɛ. Ma ha a diblii ɔ ma plɛ pee la; nɛ ma ha zugba nɛ nɔ ngɛ googagooga a nɔ maa sɔ tɛtlɛɛ ha mɛ. Níhi nɛ i ngɛ si woe kaa ma pee ji nɛ ɔmɛ nɛ; ma ha a maa ba mi pɛpɛɛpɛ.

Yeremia 1:8

Koo ye mɛ gbeye, ejakaa i kɛ mo ngɛ, nɛ ma bu o he. Imi, Yawɛ lɛ i de.”

Daniel 11:16

Siria matsɛ ɔ maa pee mɛ nɔ́ nɛ e suɔ, nɛ nɔ ko be nyɛe maa te si kɛ wo lɛ. E ma ya da si ngɛ zugba a nɛ a wo he si ɔ nɔ, nɛ zugba a tsuo maa pee e nɔ.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Romabi 8:37

Dɛbi! Ngɛ enɛ ɔmɛ tsuo a mi ɔ, nɔ nɛ suɔ wɔ ɔ haa wa yeɔ kunimi babauu.

Mose V, 20:1

“Ke o hia ta, nɛ o kɛ o he nyɛli yaa hwu, nɛ o na kaa he nyɛli ɔmɛ ngɛ zugba ta lɛhi, okpɔngɔhi, kɛ ta buli babauu pe mo ɔ, koo ye mɛ gbeye. Yawɛ, o Mawu ɔ nɛ kpɔ mo kɛ je Egipt zugba a nɔ ɔ kɛ mo ngɛ.

Mose V, 20:4

Yawɛ, nyɛ Mawu ɔ nitsɛ kɛ nyɛ yaa, nɛ e ma ha nyɛ maa ye kunimi.’

Mose V, 31:23

Jehanɛ, Yawɛ to Nun bi Yoshua si, nɛ e de lɛ ke, “Pee kã, nɛ o he nɛ wa. Mo nɛ o ma kpaka Israel ma a kɛ ya zugba a nɛ i wo mɛ e he si ɔ nɔ. I kɛ mo maa hi si.”

Mose V, 4:31

Akɛnɛ Yawɛ, nyɛ Mawu ɔ, mɔbɔ nalɔ ji lɛ he je ɔ, e be nyɛ kuae, nɛ e be nyɛ hɛ mi kpatae; e hɛ be somi nɛ e kɛ nyɛ nɛmɛ ɔmɛ so ɔ nɔ jee.

Mose V, 7:24

E maa ngɔ a matsɛmɛ ɔmɛ ngɔ wo nyɛ dɛ. Nyɛɛ gbe mɛ nɛ a biɛ nɛ laa kulaa. Nɔ ko nɔ ko be nyɛ hɛ mi nyɛe maa da; nyɛ ma kpata nɔ tsuaa nɔ hɛ mi.

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

Hebribi 13:5

Nyɛ ko di sika se; nɔ́ tsuaa nɔ́ nɛ nyɛ ngɛ ɔ, nyɛ bua nɛ jɔ he. Ejakaa Mawu de ke, “I be mo sie, nɛ i be mo kuae gblegbleegble.”

Yoshua 1:17

Bɔ nɛ wa bu Mose tue ngɛ nɔ́ tsuaa nɔ́ mi ɔ, jã kɛ̃ wa maa bu mo hu tue. Yawɛ, o Mawu ɔ kɛ mo nɛ hi si kaa bɔ nɛ e kɛ Mose hi si ɔ.

Yoshua 1:9

Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

Yoshua 10:8

Yawɛ de Yoshua ke, “Koo ye mɛ gbeye. I ha o ye a nɔ momo. A ti nɔ ko nɔ ko be mo nyɛe.”

Yoshua 21:44

Yawɛ ha mɛ tue mi jɔmi ngɛ zugba a nɔ tsuo kaa bɔ nɛ e ka a nɛmɛ ɔmɛ kita ke e maa pee ɔ pɛpɛɛpɛ. A he nyɛli ɔmɛ a ti nɔ ko nɔ ko nyɛ we mɛ; ejakaa Yawɛ ha Israel bi ɔmɛ ye mɛ tsuo a nɔ.

Yoshua 3:7

Enɛ ɔ se ɔ, Yawɛ de Yoshua ke, “Mwɔnɛ ligbi nɛ ɔ, ma bɔni o hɛ mi nyami womi ngɛ Israel ma a tsuo a hɛ mi, konɛ a na nɛ a le kaa bɔ nɛ i kɛ Mose hi si ɔ, jã kɛ̃ i kɛ mo hu maa hi si.

Yoshua 6:27

Yawɛ piɛ Yoshua he, nɛ e he biɛ kpakpa ngɛ zugba a nɔ tsuo.

Manyadali 2:18

Be tsuaa be nɛ Yawɛ ma ha Israel manyadalɔ ko ɔ, e piɛɔ e he kɛ kpɔɔ ma a kɛ jeɔ a he nyɛli ɔmɛ a dɛ mi e wami ligbi ɔmɛ tsuo. Ejakaa kɛmɛmi nɛ a hii kɛmɛe ngɛ a yi mi wali, kɛ ni nɛmɛ nɛ haoɔ mɛ ɔ a dɛ mi ɔ peeɔ Yawɛ mɔbɔ.

Manyadali 6:16

Se Yawɛ de lɛ ke, “Ma piɛ o he; o maa fia Midian bi ɔmɛ nɔ nɛ o maa gbe mɛ kaa a gbeɔ nɔ kake.”

Samuel I, 10:7

Ke ní nɛ ɔmɛ tsuo ba mi ɔ, nɔ́ tsuaa nɔ́ nɛ Mawu ma de mo ke o pee ɔ, moo pee; ejakaa e kɛ mo ngɛ.