Yoshua 1:4 - BAIBLO ALOO NGMAMI KLƆUKLƆU Ɔ

⁴ Nyɛ huzu maa je nga a nɔ ngɛ leneyi je, kɛ ya su Lebanon ngɛ omleyi je; jehanɛ, kɛ je Yufrate pa a nya ngɛ beleku je, kɛ gu Hit bi ɔmɛ a zugba a mi, kɛ ya ta Mediterenia wo ɔ nya ngɛ bonyoku je tɔɔ.

Yoshua 1:4 ပူးပေါင်းရင်းမြစ်များ

Matsɛmɛ I, 10:29

nɛ a ya heɔ ta zugba lɛhi ngɛ Egipt. Mɛ kɛ̃ nɛ a ya heɔ okpɔngɔhi, kɛ ta zugba lɛhi nɛ a ya juaa kɛ haa Hit, kɛ Siria matsɛmɛ ɔmɛ. A juaa ta zugba lɛ kake sika hiɔ yi lafa ekpa, kɛ okpɔngɔ kake sika hiɔ yi lafa kɛ nyingmi enuɔ.

Matsɛmɛ I, 4:21

Nɛ Salomo ye tsɛ ngɛ ma amɛ tsuo a nɔ, kɛ je Yufrate pa a nya kɛ ya si Filisti bi ɔmɛ a zugba a, kɛ ya pue Egipt bi ɔmɛ a huzu ɔ nya tɔɔ. Je ma nɛ ɔmɛ wo tó ha lɛ, nɛ a sɔmɔ lɛ e wami be ɔ tsuo.

Kronika I, 18:3

Jehanɛ, David ye Zoba matsɛ, Hadadezer nɔ kunimi ngɛ Hamat zugba a kasa nya; ejakaa Hadadezer ngɛ hlae nɛ e ya ngɔ zugba a nɛ ngɛ Yufrate pa a he ɔ.

Kronika I, 5:9

A ngɛ lohwe babauu ngɛ Gilead zugba a nɔ; lɔ ɔ he ɔ, a hi Gilead beleku je ɔ kɛ ya si nga a nɔ, kɛ Yufrate pa a nya.

Ezra 4:20

Jehanɛ hu, a na kaa matsɛ nguahi hi Yerusalem sa a, nɛ a ye ma a nɔ kɛ ya pue Yufrate pa a se tsuo; nɛ Yerusalem he tó, kɛ sika kpahi ngɛ ma amɛ a dɛ.

Mose II, 23:31

Ma bli o huzu ɔmɛ a mi kɛ je Wo Tsu ɔ nya kɛ ya su Mediterenia wo ɔ nya; jehanɛ hu, kɛ je nga a nɔ kɛ ya pi Yufrate pa a. Ma ngɔ zugba a nɔ bi ɔmɛ kɛ wo o dɛ mi, nɛ o maa fie mɛ kɛ je o blɔ nɔ.

Mose V, 1:7

nyɛɛ hia nɛ nyɛɛ ya nyɛ hɛ mi. Nyɛɛ ya Amor bi ɔmɛ a yo zugba amɛ, kɛ zugbahi nɛ bɔle mɛ ɔ tsuo a nɔ. Nyɛɛ ya Yordan kɔ̃ ɔ mi, yo nɔ zugba amɛ, zugba kpataa amɛ, kɛ leneyi je zugba a nɔ, kɛ ya su Mediterenia wo ɔ nya. Nyɛɛ ya Kanaan bi ɔmɛ a zugba a nɔ, kɛ Lebanon yo ɔmɛ a nɔ, kɛ ya su pa ngua a nɛ a tsɛɛ Yufrate ɔ nya.

Mose V, 11:24

Zugba a he nɛ nyɛ maa nyɛɛ kɛ gu ɔ tsuo maa pee nyɛ nɔ́. Nyɛ huzu maa je nga kplanaa a nɔ ngɛ leneyi je kɛ yaa su Lebanon yo ɔmɛ a nɔ ngɛ omleyi je; jehanɛ e maa je Yufrate a pa nya ngɛ beleku je kɛ yaa su Mediterenia wo ɔ nya ngɛ bonyoku je.

Mose V, 3:25

Yawɛ, i kpa mo pɛɛ, ha nɛ ma po Yordan pa a, nɛ ma ya na zugba kpakpa nɛ ngɛ pa a se ɔ, yo zugba nɛ ngɛ fɛu ɔ, kɛ Lebanon yo ɔmɛ!’

Kpojemi 9:14

Gbi ɔ de bɔfo ekpane ɔ nɛ hɛɛ titimati ɔ ke, “Bɔfo eywiɛ ɔmɛ nɛ a fi mɛ ngɛ Yufrate pa nguaa a nya a, yaa pɛne mɛ!”