Yoshua 1:17 - BAIBLO ALOO NGMAMI KLƆUKLƆU Ɔ

¹⁷ Bɔ nɛ wa bu Mose tue ngɛ nɔ́ tsuaa nɔ́ mi ɔ, jã kɛ̃ wa maa bu mo hu tue. Yawɛ, o Mawu ɔ kɛ mo nɛ hi si kaa bɔ nɛ e kɛ Mose hi si ɔ.

Yoshua 1:17 ပူးပေါင်းရင်းမြစ်များ

Samuel II, 14:17

I heɔ yeɔ kaa munyu nɛ nɛnɛ maa tu ɔ maa jɔɔ ye bua; ejakaa mo nɛnɛ ɔ, o ngɛ kaa Mawu bɔfo; o le slɔɔto nɛ ngɛ kpakpa kɛ yayami a kpɛti. Yawɛ, o Mawu ɔ nɛ e gbaa mo.”

Matsɛmɛ I, 1:37

Kaa bɔ nɛ Yawɛ kɛ mo, ye nyɔmtsɛ matsɛ hi si ɔ, e kɛ Salomo nɛ hi si ja nɔuu; nɛ e ha e yi nɔ nɛ jɔ po pe o nɔ́ ɔ.”

Kronika I, 28:20

Nyagbe ɔ, Matsɛ David de e bi Salomo ke, “Wlua mo, nɛ o pee kã, nɛ o tsu ní ɔ. Koo ye gbeye, nɛ o tsui ko po; ejakaa Yawɛ Mawu ɔ nɛ i sɔmɔɔ lɛ ɔ kɛ mo ngɛ. E be mo kuae, nɛ e be mo sie kɛ yaa si o maa gbe e we ɔ he ní tsumi ɔmɛ tsuo nya.

La 20:1

Ke o ngɛ haomi mi, nɛ o tsɛ Yawɛ ɔ, Yawɛ nɛ bu mo tue. Yakob Mawu ɔ nɛ bu o he.

La 20:4

E ma ha mo níhi nɛ o ngɛ hlae ɔ, nɛ níhi tsuo nɛ o to ke o maa pee ɔ maa ba mi.

La 20:9

Yawɛ, mo he matsɛ ɔ yi wami; ke wa tsɛ mo ɔ, bu wɔ tue.

Mose IV, 27:18

Yawɛ de Mose ke, “Yaa ngɔ Nun binyumu Yoshua, nɛ o kɛ o nine pue e yi mi. Nɔmlɔ nɛ ɔ, ye mumi ɔ ngɛ e mi, nɛ e ma nyɛ ma tsu ní ɔ.

Mose IV, 27:20

Lɔ ɔ se ɔ, ngɔɔ mo nitsɛ o he wami ɔ eko ngɔ wo e dɛ, konɛ ma kpekpemi ɔ tsuo nɛ bu lɛ.

Mateo 21:9

Kɛkɛ nɛ nihi nɛ nyɛɛ hɛ mi, kɛ ni nɛmɛ nɛ nyɛɛ se ɔ tsuo hwɔ lele ke, “Mo kpɔ wɔ, David Bi! A gbaa nɔ nɛ ma ngɛ Nyɔmtsɛ ɔ biɛ mi ɔ! Mo kpɔ wɔ, mo Hiɔwe No!”

Mose V, 34:9

Nun bi, Yoshua nile nya ba bli, ejakaa Mose to lɛ si kaa nɔ nɛ ma ba ye e se. Israel ma a bu Yoshua tue, nɛ a ye mlaa amɛ nɛ Yawɛ wo mɛ kɛ gu Mose nɔ ɔ a nɔ.

Yoshua 1:16

A ha Yoshua heto ke, “Nɔ́ tsuaa nɔ́ nɛ o fa wɔ ke waa pee ɔ, wa maa pee, nɛ he tsuaa he nɛ o tsɔ wɔ ɔ, wa maa ya.

Yoshua 1:18

Nɔ tsuaa nɔ nɛ ma tsɔ o hɛ mi atuã, nɛ e be mo tue bue ɔ, a gbe lɛ. Moo lɛɛ o he nɛ wa, nɛ o pee kã saminya kɛkɛ.”

Yoshua 1:5

Nɔ ko nɔ ko be mo nyɛe o wami be ɔ tsuo. Bɔ nɛ i kɛ Mose hi si ɔ, jã kɛ̃ i kɛ mo, Yoshua hu maa hi si. I be mo sie, nɛ i be mo kuae hulɔ.

Yoshua 1:9

Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

Yoshua 4:14

Jamɛ a ligbi ɔ, Yawɛ wo Yoshua hɛ mi nyami ngɛ Israel bi ɔmɛ tsuo kulaa a hɛ mi; nɛ a ye lɛ gbeye e wami ligbi ɔmɛ tsuo, kaa bɔ nɛ a ye Mose gbeye ɔ.

Samuel I, 17:37

David ya nɔ nɛ e de ke, “Yawɛ nɛ́ je mi kɛ je jatahi kɛ osisiblisihi a dɛ mi ɔ ma je mi kɛ je Filisti no nɛ ɔ dɛ mi.” Kɛkɛ nɛ Saul de David ke, “Yaa, Yawɛ maa piɛ o he.”

Samuel I, 20:13

Se ke tsaatsɛ to kaa e maa pee mo yayami, nɛ i wo we o tue nɔ nɛ ma wo mo blɔ nɛ ó ya ngɛ he jɔmi mi ɔ, lɛɛ Yawɛ kɛ imi, Yonatan nɛ e ye sisiisi. Yawɛ kɛ mo nɛ e hi si kaa bɔ nɛ e kɛ tsaatsɛ hi si ɔ.