Yoshua 1:16 - BAIBLO ALOO NGMAMI KLƆUKLƆU Ɔ

¹⁶ A ha Yoshua heto ke, “Nɔ́ tsuaa nɔ́ nɛ o fa wɔ ke waa pee ɔ, wa maa pee, nɛ he tsuaa he nɛ o tsɔ wɔ ɔ, wa maa ya.

Yoshua 1:16 ပူးပေါင်းရင်းမြစ်များ

Ezra 10:4

Tee si; o ní tsumi ji nɛ ɔ nɛ; wa ngɛ o se kpɛii. Pee kã, nɛ o tsu.”

Mose IV, 32:25

Gad bi ɔmɛ, kɛ Ruben bi ɔmɛ de Mose ke, “Wa nyɔmtsɛ, wa maa pee kaa bɔ nɛ o fa wɔ ɔ.

Mose IV, 32:31

Gad bi ɔmɛ, kɛ Ruben bi ɔmɛ he nɔ nɛ a de ke, “Wa maa pee kaa bɔ nɛ Yawɛ fa wɔ ɔ.

Mose V, 34:9

Nun bi, Yoshua nile nya ba bli, ejakaa Mose to lɛ si kaa nɔ nɛ ma ba ye e se. Israel ma a bu Yoshua tue, nɛ a ye mlaa amɛ nɛ Yawɛ wo mɛ kɛ gu Mose nɔ ɔ a nɔ.

Mose V, 5:27

Mose, moo kpale kɛ ho nɛ o ya bu nɔ́ tsuaa nɔ́ nɛ Yawɛ ma de mo ɔ tue, konɛ o ba de wɔ nɔ́ nɛ e de mo ɔ. Wa maa bu mo tue, nɛ wa maa ye nɔ.’

Tito 3:1

Mo kai o we bi ɔmɛ, nɛ a ba a he si ngɔ ha ma nɔ yeli, kɛ ni nɛmɛ nɛ hɛɛ blɔ nya. Á bu mɛ, nɛ a pee klaalo kaa a ma tsu ní tsumi kpakpa be tsuaa be.

Yoshua 1:15

kɛ yaa su be nɛ mɛ hu a nine maa su zugba a nɛ ngɛ Yordan bonyoku je ɔ nɔ. Zugba nɛ ɔ ji nɔ́ nɛ Yawɛ, nyɛ Mawu ɔ ngɔ ha mɛ ɔ nɛ. Lɔ ɔ se ɔ, nyɛɛ kpale kɛ ba nyɛ nitsɛmɛ nyɛ hi he nɛ ji zugba a nɛ ngɛ Yordan beleku je, nɛ́ Yawɛ tsɔlɔ Mose ngɔ ha nyɛ ɔ nɔ.”

Yoshua 1:17

Bɔ nɛ wa bu Mose tue ngɛ nɔ́ tsuaa nɔ́ mi ɔ, jã kɛ̃ wa maa bu mo hu tue. Yawɛ, o Mawu ɔ kɛ mo nɛ hi si kaa bɔ nɛ e kɛ Mose hi si ɔ.