Yona 4:9 - BAIBLO ALOO NGMAMI KLƆUKLƆU Ɔ

⁹ Se Mawu bi Yona ke, “E da ha mo kaa o mi mi fuɔ tso nɛ ɔ lo?” Yona he nɔ ke, “I ngɛ he blɔ kaa ye mi mi fuɔ kɛ ya siɔ gbenɔ mi po.”

Yona 4:9 ပူးပေါင်းရင်းမြစ်များ

Matsɛmɛ I, 21:4

Ahab je kɛ ho we mi ya kɛ mi mi la, kɛ aywilɛho; ejakaa Nabot de lɛ ke e nɛmɛ a gbosi ní ɔ, e be ngɔe kɛ ha lɛ. E ho ya hwɔ si ngɛ e sa nɔ, nɛ e plɛ e hɛ mi ngɔ kpee gbogbo, nɛ e kua ní yemi.

Hiob 18:4

Nɛ o ngɔ abofu kɛ ngɛ mo nitsɛ o he tsɔtslɔɔe ɔ nɛɛ! Ke o mi mi fu ɔ, enɛ ɔ tsɔɔ kaa nihi nɛ a je je ɔ mi lo? Aloo o ngɛ hlae nɛ a hia tɛ sahi kɛ je a blɔ hehi lo?

Hiob 36:18

Hyɛ saminya nɛ o mi mi nɛ fu ɔ kó ha nɛ o ya gbe Mawu he guɛ. Ko ha ní nami nɛ je o juɛmi kɛ je Mawu he.

Hiob 5:2

Niinɛ, mi mi la gbeɔ kuasia. Nɔ nɛ hɛ mi tɛ̃ ɔ, hunga gbeɔ lɛ.

Yona 4:1

Se nɔ́ nɛ ɔ ngɔɛ Yona nya kulaa, nɛ e muklii mi fu wawɛɛ nitsɛ.

Yona 4:10

Yawɛ de lɛ ke, “Nyɔ kake mi tso nɛ ɔ puɛ, nɛ nyɔ kake mi nɔuu e gbo; o gbo we he dengme ko, nɛ pi mo nɛ o ha e puɛ, se kɛ̃ ɔ, e gbenɔ dɔ mo.

Yona 4:8

Benɛ pu te si ɔ, Mawu ha beleku kɔɔhiɔ ko nɛ dɔ la fia, nɛ pu ɔ sãã Yona yi mi, nɛ e miɔ nɛ e maa hɛli. Kɛkɛ nɛ e de ke, “E hi kaa ma gbo mohu pee kaa ma hi je mi.”

Mateo 26:38

nɛ e de mɛ ke, “Aywilɛho nɛ nya wa miɔ nɛ e maa gbe mi; nyɛɛ hi si ngɛ hiɛ ɔ nɛ nyɛɛ kɛ mi nɛ fɔ nyɔ.”

2 Korintobi 7:10

Ejakaa ke o hao bɔ nɛ sa Mawu hɛ mi ɔ, e haa o tsakeɔ o tsui, nɛ a heɔ o yi wami. Enɛ ɔ lɛɛ he piami ko be mi! Se ke o hao ngɛ níhi nɛ sa je ɔ hɛ mi he ɔ, gbenɔ lɛ jeɔ mi.

Kpojemi 9:6

Jamɛ a nyɔhiɔ enuɔ ɔ mi ɔ, nimli ma hla gbenɔ se blɔ, se a be nae; a maa suɔ kaa a gbo, se gbenɔ maa tu a nya fo.

Manyadali 16:16

Bɔ nɛ Delila ngɛ Samson tsui yee nɛ e ngɛ lɛ haoe daa ligbi kɛ e munyu ɔmɛ ɔ, be ko ba su nɛ Samson nyɛ we hu.