Yona 3:8 - BAIBLO ALOO NGMAMI KLƆUKLƆU Ɔ

⁸ Nɔ tsuaa nɔ nɛ bu kpekpe ya bo, konɛ a na he piami ngɛ nimli kɛ lohwehi tsuo a hɛ mi; nɛ nɔ tsuaa nɔ nɛ sɔle wawɛɛ kɛ tsɛ Mawu; nɔ tsuaa nɔ nɛ kpale kɛ je e blɔ yayami ɔmɛ a nɔ, kɛ e yi mi wami ní ɔmɛ a se,

Yona 3:8 ပူးပေါင်းရင်းမြစ်များ

Yona 1:6

Lɛtsɛ ɔ ba e ngɔ nɛ e ba de lɛ ke, “Kɛ o ngɛ tsɔɔe kɛɛ; mahe lɛ o ngɛ hwɔe? Tee si nɛ o tsɛ o mawu ɔ, kaa alini wa ní maa pee lɛ mɔbɔ nɛ e ma he wa yi wami lo.”

Ni Tsumi 3:19

Lɔ ɔ he ɔ, nyɛ tsake nyɛ tsui, nɛ nyɛɛ kpale nyɛ se kɛ ba Mawu ngɔ, konɛ a ngɔ nyɛ he yayami ɔmɛ kɛ pa nyɛ.

Yona 1:14

Lɔ ɔ he ɔ, a kpa huhui nɛ a de Yawɛ ke, “Yawɛ lee, wa ngɛ mo pɛɛ kpae, ko ha wa hɛ mi nɛ kpata ngɛ nyumu nɛ ɔ wami he, nɛ ko ha waa gbe nɔ ko nɛ yi fɔ, ejakaa wɔɔ lɛɛ wa li he nɔ́ ko! Ejakaa mo Yawɛ lɛɛ nɔ́ nɛ sa o hɛ mi nɛ o peeɔ.”

Ni Tsumi 26:20

I fiɛ ha ni ɔmɛ tsuo ke a tsake a tsui, nɛ a kpale kɛ ba Mawu ngɔ, nɛ a pee níhi nɛ tsɔɔ kaa a tsake a tsui niinɛ. I je fiɛmi nɛ ɔ sisi kɛ je Damasko kɛ ya gu Yerusalem kɛ ya muɔ Yudea zugba a, kɛ ya su ma je li ɔmɛ a ngɔ.

Mateo 3:8

Nyɛɛ pee níhi nɛ tsɔɔ kaa nyɛ tsake nyɛ tsui.

Daniel 4:27

Lɔ ɔ he ɔ, nɛnɛ, moo bu ye ga womi tue. Kpa yayami peemi; moo pee nɔ́ nɛ da, nɛ o na ohiatsɛmɛ mɔbɔ. Ke o pee ja a, o maa ya nɔ ma plɔke.”

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?

Yeremia 18:11

Lɔ ɔ he ɔ, de Yuda ma a, kɛ Yerusalem ma mi bi ɔmɛ ke, i ngɛ a yi nɔ soe, nɛ ma gbla a tue. De mɛ ke a jɔɔ yayami peemi, nɛ a dla a blɔ ɔmɛ, nɛ a pee nɔ́ nɛ da.

Yesaya 58:6

“Hwɔ hami nɛ maa sa ye hɛ mi ji nɛ ɔ nɛ. Nyɛ kpa yi wu tso ní peemi, nɛ nyɛɛ ye dami sane. Nyɛ kplɔ kuɛpã tso ngɛ ni nɛmɛ nɛ nyɛ ngɛ mɛ yi mi wae ɔ a kuɛ, nɛ nyɛɛ ku mɛ dukuduku, konɛ ni ɔmɛ nɛ a ye a he.

Kpojemi 11:3

Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”

Hiob 16:17

Se i yi nɔ ko amimi; i faa kue haa Mawu kɛ jeɔ ye tsui mi.

Hiob 36:10

E kaa a hɛ mi saminya, nɛ e deɔ mɛ ke a kpa yayami peemi.

Yeremia 25:5

A de nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛ kpa yayami peemi, konɛ zugba a nɛ Yawɛ ngɔ ha nyɛɛ kɛ nyɛ nɛmɛ ɔmɛ blema kaa nyɛ weto ní ɔ, nyɛɛ hi nɔ daa.

Yeremia 26:3

Alini a maa bu tue nɛ a maa kpale kɛ je a blɔ yayami ɔmɛ a nɔ. Ke a pee ja a, lɛɛ yi mi nɛ i to kaa ma gbla a tue ngɛ a ní yayami ɔmɛ a he ɔ, ma tsake jamɛ a yi mi tomi ɔ.”

Yeremia 36:3

Eko piɔ Yuda bi ɔmɛ maa nu kaa i to ye yi mi kaa ma kpata a hɛ mi, nɛ a maa kpale kɛ je a blɔ yayami ɔmɛ a nɔ. Ke a pee ja a, ma ngɔ a tɔmi ɔmɛ, kɛ a he yayami ɔmɛ kɛ pa mɛ.”

Yoel 1:14

Nyɛɛ wo mlaa nɛ ma a tsuo nɛ ha hwɔ; nɛ a ba bua a he nya. Nyɛ bua Yuda ma nimeli ɔmɛ, kɛ ma a tsuo a nya ngɛ Yawɛ, nyɛ Mawu ɔ we ɔ nɛ nyɛɛ fa kue ha lɛ.