Yona 3:6 - BAIBLO ALOO NGMAMI KLƆUKLƆU Ɔ

⁶ Benɛ Nineve matsɛ ɔ nu he ɔ, e te si ngɛ e sɛ ɔ nɔ. E kpa e he ablade bo ɔ, nɛ lɛ hu e bu kpekpe ya bo, nɛ e hi si ngɛ la zu mi ngɛ zugba.

Yona 3:6 ပူးပေါင်းရင်းမြစ်များ

Daniel 9:3

Enɛ ɔ he je ɔ, i fa kue wawɛɛ ha Nyɔmtsɛ Mawu, nɛ i kpa lɛ pɛɛ ha ma a. I ha hwɔ, nɛ i ha kpekpe ya bo, nɛ i kɛ la zu pue ye nɔ.

Hiob 2:8

Hiob ho ya hi la zu mi, nɛ e ngɔ ngɛyu kɛ ngɛ e he hluae.

Luka 10:13

“Musu tloo mo, Korazin! Mo Betsaida hu, musu tloo mo! Nyakpɛ níhi nɛ a pee ngɛ nyɛ mi ɔ, Tiro, kɛ Sidon nɛ a tsu ngɛ jinɛ nihi nɛ ngɛ ma nɛ ɔmɛ a mi ɔ ko bu kpekpe ya bo momoomo kɛ hi si ngɛ la zu mi kɛ tsɔɔ kaa a tsake a tsui!

Mateo 11:21

“Korazin, musu tloo mo! Betsaida, mo hu musu tloo mo! Nyakpɛ ní babauu nɛ a pee ngɛ nyɛ mi ɔ, a ya pee ngɛ Tiro, kɛ Sidon mohu jinɛ a tsake a tsui momoomo. Jinɛ Tiro, kɛ Sidon bi ma bu kpekpe ya bo, nɛ a maa ngɔ a he kɛ wuwlua la zu mi kɛ tsɔɔ kaa a tsake a tsui niinɛ.

Yeremia 6:26

Yawɛ de e ma a ke, “Nyɛ bu kpekpe ya bo, nɛ nyɛɛ ngɔ nyɛ he kɛ wuwlua si ngɛ la zu mi. Nyɛɛ wo yana nɛ nyɛɛ ye kɔmɔ kaa a yeɔ kɔmɔ kɛ haa bi kake too nɛ gbo, ejakaa ta a nɛ ma nyɛ hɛ mi kpatami ɔ ma ba tua nyɛ tlukaa.

Yeremia 13:18

Yawɛ de mi ke, “De matsɛ ɔ kɛ e nyɛ ɔ ke, a ba a he si, ejakaa a jlasi saminyawiiwi ɔmɛ je a yi nɔ si.

Mika 1:10

Nyɛ ko sɛɛ ngɛ Gat nɛ wa he nyɛli ɔmɛ ba nu; nyɛ ko wo yana nɛ a ba na. Bet Leafra bi, nyɛɛ kɛ nyɛ he nɛ wuwlua si!

Kɔmɔ Yemi 3:29

Waa ba wa he si, ejakaa ke wa pee ja a, e be yaka pee.

Hiob 42:6

Nɔ́ nɛ i pee ɔ dɔ mi. Lɔ ɔ he ɔ, i kɛ tabo zu kɛ la zu to okadi kaa i pia ye he niinɛ.

Yesaya 15:3

A bu kpekpe ya bo kɛ nyɛɛ gbɛjegbɛ ɔmɛ a nɔ, nɛ a wo yana ngɛ ma kpe he ɔmɛ kɛ a tsu ɔmɛ a yi mi.

Yeremia 36:24

Se matsɛ ɔ jio, ma nimeli ɔmɛ nɛ nu sane nɛ ɔ jio, nɔ ko nɔ ko yi gbeye; nɔ ko nɔ ko hu hía we e tade kɛ tsɔɔ kaa nɔ́ ɔ hao lɛ.

Kɔmɔ Yemi 2:10

Yerusalem nimeli ɔmɛ hii si dii ngɛ zugba. A ngɔ bunyuku ngɔ pue a yi mi, nɛ a ha kpekpe ya bo kɛ tsɔɔ kaa a pia a he. Yihewi ɔmɛ ngɔ a hɛ mi kɛ bu si.

Ezekiel 26:16

Ganɔ ɔmɛ tsuo nɛ ngɛ wo nya ma amɛ a mi ɔ ma kple si kɛ je a sɛ ɔmɛ a nɔ. A ma kpa a he bo ngɔ fɔ si; nɛ a ma je a tade ɔmɛ nɛ a lo ní ngɔ wo a mi ɔ ngɛ a he. A maa hi si ngɛ zugba, nɛ a he maa do blibliibli. Gbeye ma ha a he maa hi doe blibliibli be ɔ tsuo ngɛ nɔ́ nɛ ba o nɔ ɔ he.

Matsɛmɛ I, 21:27

Benɛ Ahab nu munyu nɛ ɔmɛ ɔ, e hía e tade ɔmɛ, nɛ e bu kpekpe ya bo. E ha hwɔ, nɛ e kɛ kpekpe ya bo ɔ hwɔɔ si; nɛ ke e ngɛ nyɛɛe ɔ, e peeɔ kaa nɔ ko nɛ e nini je e nɔ.

Yeremia 36:13

Mikaya bɔ mɛ níhi tsuo nɛ e nu nɛ Baruk kane kɛ je womi kpo ɔ mi kɛ ha ma a.