Yona 3:4 - BAIBLO ALOO NGMAMI KLƆUKLƆU Ɔ

⁴ Yona ba su ma a mi, nɛ kekleekle ligbi ɔ nɔ ɔ, e bɔni kpami kɛ ngɛ a tue mi woe ke, “Hiɛmɛ nɛ ɔ ligbi nyingmi eywiɛ se ɔ, a ma kpata Nineve hɛ mi.”

Yona 3:4 ပူးပေါင်းရင်းမြစ်များ

Matsɛmɛ II, 20:1

Jamɛ a be ɔ mi ɔ, Hezekia ba nu hiɔ, nɛ e miɔ nɛ e ma gbo. Kɛkɛ nɛ gbalɔ Yesaya, Amoz binyumu ɔ ya nɛ e ya de lɛ ke, “Bɔ nɛ Yawɛ de ji nɛ ɔ nɛ: ‘Moo to o níhi blɔ nya ngɛ o we ɔ, ejakaa o yi be wami nae; o ma gbo.’ ”

Matsɛmɛ II, 20:6

Ma ngɔ jeha nyɔngma kɛ enuɔ kɛ piɛ o wami ligbi ɔmɛ a he ha mo. Ma je o kɛ ma nɛ ɔ kɛ je Asiria matsɛ ɔ dɛ mi. Jehanɛ, ngɛ ye biɛ ɔ he, kɛ si nɛ i wo ye tsɔlɔ David he je ɔ, ma bu ma nɛ ɔ he.”

Yesaya 30:18

Se kɛ̃ ɔ, Yawɛ ngɛ mlɛe kaa e maa na nyɛ mɔbɔ; ejakaa nɔ́ nɛ da pɛ e peeɔ daa. Nihi nɛ ngɔɔ a hɛ ngɔ fɔɔ Yawɛ nɔ ɔ, a naa bua jɔmi.

Yeremia 42:10

‘Ke nyɛ maa hi zugba nɛ ɔ nɔ ɔ, lɛɛ ma gbaa nyɛ, nɛ i be nyɛ hɛ mi kpatae; ma to nyɛ si, nɛ i be nyɛ hiae hu. E dɔ mi babauu kaa i gbla nyɛ tue kaa kikɛ nɛ ɔ.

Yona 3:10

Benɛ Mawu na nɔ́ nɛ ni ɔmɛ pee, kɛ bɔ nɛ a tsake a je mi babɛ ɔ, e kpale e nya se. Nɛ yi mi nɛ e to kaa e ma kpata a hɛ mi ɔ, e pee we ja hu.

Mateo 12:41

Kojomi ligbi ɔ, Nineve bi ɔmɛ maa te si nɛ a maa po nyɛ nya; ejakaa benɛ a nu nɛ Yona ngɛ fiɛe ɔ, a tsake a tsui. Se i ngɛ nyɛ dee ke nɔ́ ko ngɛ hiɛ ɔ nɛ pe Yona.

Luka 11:30

Bɔ nɛ gbalɔ Yona plɛ okadi ha Nineve bi ɔ, ja Nɔmlɔ Bi ɔ ma plɛ okadi kɛ ha kikɛmɛ a yi nɔ bi nɛ ɔmɛ.

Luka 11:32

Kojomi ligbi ɔ, Nineve bi maa da si, nɛ a maa ye odase ngɔ si nyɛ. Ejakaa benɛ a nu Yona fiɛmi ɔ, a tsake a tsui. Se i ngɛ nyɛ dee ke, nɔ́ ko ngɛ hiɛ ɔ nɛ pe Yona tete!

Mose V, 18:22

Ke gbalɔ ko gba ngɛ Yawɛ biɛ mi, nɛ nɔ́ nɛ e de ɔ bɛ mi ɔ, sɛ gbi ɔ ji Yawɛ ngɔ. Jamɛ a gbalɔ ɔ nitsɛ e nya mi munyu ji lɔ ɔ nɛ; koo ye lɛ gbeye.