Yona 2:8 - BAIBLO ALOO NGMAMI KLƆUKLƆU Ɔ

⁸ Nihi nɛ jaa amagahi, nɛ ji níhi nɛ a he be se nami ɔ, a ji nihi nɛ je a Mawu ɔ nɛ sa kaa a ja lɛ ɔ se.

Yona 2:8 ပူးပေါင်းရင်းမြစ်များ

Matsɛmɛ II, 17:15

A kua e blɔ nya tomi ɔmɛ, kɛ somi nɛ e kɛ a nɛmɛ ɔmɛ so ɔ, kɛ slɔmihi nɛ e slɔ mɛ ɔ. A ya nyɛɛ yakayaka amagahi a se, nɛ mɛ nitsɛmɛ a plɛ pee yakayaka nimli. Je ma amɛ nɛ bɔle mɛ kɛ kpe, nɛ Yawɛ wo mɛ mlaa ngɛ a he ke a ko pee a níhi kaa mɛ ɔ, a ya nyɛɛ jamɛatsɛmɛ ɔmɛ mohu a se.

La 142:4

Ke i hyɛ ye hiɔ nɔ ɔ, nɔ ko nɔ ko be nɛ maa je ngmlaa ha mi; wesa he ko kulaa be ha mi, nɔ ko nɔ ko bui ye he akɔtaa.

La 31:6

Yawɛ, o sume nihi nɛ jaa lakpa mawuhi saasaa; se imi lɛɛ i ngɔ ye hɛ kɛ fɔ o nɔ.

La 69:14

Moo lɛɛ o yeɔ anɔkuale daa; jé mi kɛ je mɔsɔ ɔ mi, konɛ ma ko pu ngɛ mi. Kpɔ mi kɛ je ye he nyɛli ɔmɛ a dɛ mi; nɛ o je mi kɛ je nyu nɛ mi kuɔ ɔ mi.

Yeremia 10:8

Mɛ tsuo pɛpɛɛpɛ a biɛ, nɛ a jeɔ kuasia. Amagahi nɛ a kɛ tso pee ɔ, mɛni a ma nyɛ maa kase kɛ je a dɛ?

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Mika 1:2

Nyɛ je mahi tsuo, nyɛɛ bu tue; nyɛ nihi tsuo nɛ ngɛ je ɔ mi, nyɛɛ bu tue! Nyɔmtsɛ Mawu po nyɛ nya. Nyɛɛ bu tue! E ngɛ munyu tue kɛ je e we klɔuklɔu ɔ.

Samuel I, 12:21

Nyɛ ko ya nyɛɛ yaka níhi nɛ a he be se nami, nɛ a be nyɛ yi wami nyɛe ma he ɔ a se; ejakaa yaka níhi kɛkɛ ji mɛ.