Yona 2:6 - BAIBLO ALOO NGMAMI KLƆUKLƆU Ɔ

⁶ I kple si kɛ ho yo ɔmɛ a sisi tomi he ɔ ya tɔɔ, kɛ ya gbeje, he nɛ a sa ye yi wo kɛ yaa neneene. Se mo Yawɛ, ye Mawu, o je mi kɛ je kikɛmɛ a muɔ nɛ ɔ mi hɛ ngmengmle.

Yona 2:6 ပူးပေါင်းရင်းမြစ်များ

Hiob 33:24

Mawu bɔfo ɔ maa na lɛ mɔbɔ. E ma de ke, “Nyɛɛ ngmɛɛ e he; e be gbeje yae! Nɔ́ nɛ a kɛ ma kpɔ lɛ konɛ e ye e he ji nɛ ɔ nɛ.”

Hiob 33:28

Mawu kplɛɛ we nɛ ma ya gbeje, nɛ i ngɛ je mi kɛ mwɔɔ.”

La 104:6

O ngɔ nyu kɛ ha je ɔ he kaa bo; nyu ha yo ɔmɛ a yi mi tsuo.

La 104:8

Nyu ɔ hia kɛ be ngɛ yo ɔmɛ a nɔ kɛ ya pue kɔ̃ ɔmɛ a mi he nɛ o to ha mɛ ɔ.

La 116:3

Gbenɔ klama amɛ bɔle mi kɛ kpe, gbeje nɔ́ nami ɔmɛ wo ye he gbeye; ye ní pee mɔbɔ, nɛ i hao wawɛɛ.

La 143:7

Yawɛ, he mi nɔ esɔ koo! Ye hɛ kɛ nɔ fɔmi tsuo miɔ nɛ e ta. Koo ngɔ o he kɛ laa mi; ke pi ja a, i kɛ gbogboe ɔmɛ ngɛ gbeje maa sɔ.

La 16:10

Ejakaa o maa bu ye he, nɛ gbenɔ he wami be ye he blɔ nae. Nɔ nɛ o suɔ lɛ ɔ, o be e he ngmɛɛe nɛ e hɛ mi nɛ kpata.

La 18:5

Gbeje kpa amɛ fi mi, nɛ gbenɔ tsɔ mi klama.

La 30:3

O je mi kɛ je gbenɔ dɛ mi. Yawɛ, jinɛ i miɔ nɛ ma gbo, se o ha nɛ i na he wami ekohu.

La 30:9

Ke i gbo nɛ a pu mi ɔ, mɛni se o ma na? Anɛ zu ma nyɛ ma je o yi lo? O we anɔkuale yemi ɔ, anɛ zu ma nyɛ maa ye he odase lo?

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

La 65:6

Mo nɔuu nɛ o ngɔ yo gojogojoo ɔmɛ ngɔ ma si kpɛii ngɛ o he wami kpetekpleenyɛ ɔ nya.

La 69:2

i ngɛ pue ngɛ mɔsɔ nɛ mi kuɔ mi, nɛ si dami he ko kulaa be ha mi. I ya su nyu nɛ mi kuɔ mi, nɛ nyu ɔ miɔ nɛ e laa ye yi.

Yesaya 38:10

I de ngɛ ye yi mi ke ye nihe be mi ma gbo ngɛ. Ee, ye wami be nɛ piɛ ɔ, gbeje ma ye lɛ tsuo ngɛ.

Yesaya 38:17

Niinɛ, kpakpa nɛ o ngɛ hlae ha mi he je nɛ haomi nɛ nya wa nɛ ɔ ba ye nɔ ɔ nɛ; se o je mi kɛ je hɛ mi kpatami mi; ejakaa o kɛ ye he yayami ɔmɛ tsuo pa mi.

Yesaya 40:12

Mɛnɔ lɛ hɛɛ nyu tsuo nɛ ngɛ wo mi ɔ ngɛ e dɛ kɔkɔ mi hyɛ? Mɛnɔ lɛ ngɔ e nine mi blimi kɛ susu hiɔwe hyɛ? Mɛnɔ lɛ ngɔ je nɛ ɔ mi tabo zu tsuo kɛ wo kplu mi hyɛ? Loo e ngmɛ yo ɔmɛ, kɛ yoku ɔmɛ ngɛ sɛni nɔ hyɛ?

Ezekiel 26:20

O ma kple si kɛ ya su gbeje nitsɛ, he nɛ blematsɛmɛ ɔmɛ nɛ a be je mi hu ɔ ngɛ ɔ. Lejɛ ɔ o kɛ mɛ maa hi ngɛ blema níhi nɛ a kpata a hɛ mi ɔ a mi ngɛ je ɔ sisi tɔɔ. Kɛkɛ ɔ, o be nyɛe maa pee ma nɛ nɔmlɔ adesa maa hi mi ngɛ je nɛ ɔ mi hu!

Ezekiel 31:14

Lɔ ɔ he ɔ, kɛ je mwɔnɛ ɔ kɛ yaa a, tso nɛ naa nyu saminya a ekoeko be kae kɛ ya hiɔwe ja hu, loo kaa e ma ha e yi mi ma ya su bɔku mi ploplooplo kikɛ nɛ ɔ. Mɛ tsuo a ma gbo kaa bɔ nɛ nɔmlɔ adesa gboɔ ɔ. Mɛ tsuo a ma ya piɛ nihi nɛ ho gbeje ya a a he.”

Habakuk 3:10

Benɛ yo ɔmɛ na mo ɔ, a he do blibliibli; hiɔmi nɛ pue si piapiaapia. Muɔ voo ɔ wo gbi, nɛ oslɔke fluku.

Habakuk 3:6

Ke e da si ɔ, zugba a mimiɛɔ, ke e wo e hɛ mi nɔ kikɛ nɛ ɔ, ma amɛ a he doɔ blibliibli. E ywia blema yo ɔmɛ; e ba yoku ɔmɛ nɛ ngɛ daa a si; yo nɛ ɔmɛ a nɔ e nyɛɛ blema a nɛ.

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Mose V, 32:22

Ye mi mi fumi nya maa wa wawɛɛ kaa la nɛ ngɛ tsoe; e maa sã nɔ́ tsuaa nɔ́ ngɛ je ɔ mi kɛ ya su gbeje tɔɔ; e maa sã yo ɔmɛ a sisi tomi ɔmɛ hulɔ.