Yona 2:4 - BAIBLO ALOO NGMAMI KLƆUKLƆU Ɔ

⁴ E pee mi kaa nɔ́ nɛ a je mi we nɛ i be o sɔlemi we klɔuklɔu ɔ nae hu.

Yona 2:4 ပူးပေါင်းရင်းမြစ်များ

Matsɛmɛ I, 8:48

Ke a tsake a tsui niinɛ ngɛ jamɛ a zugba a nɔ, nɛ a plɛ a hɛ mi ngɔ kpee zugba nɛ ɔ nɛ o ngɔ ha wa nɛmɛ ɔmɛ, kɛ ma nɛ ɔ nɛ o hla ngɔ to, kɛ we nɛ ɔ nɛ i po ngɔ ha mo ɔ, nɛ a fa kue ha mo ɔ,

Matsɛmɛ I, 9:7

lɛɛ ma je ye ma, Israel kɛ je zugba a nɛ i ha mɛ ɔ nɔ. We nɛ ɔ hu nɛ i pee klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa wo Israel la, nɛ a maa ye e he fɛu.

Kronika II, 6:38

Ke a tsake a tsui niinɛ ngɛ jamɛ a zugba a nɔ, nɛ a plɛ a hɛ mi ngɔ kpee zugba nɛ ɔ nɛ o ngɔ ha wa nɛmɛ ɔmɛ, kɛ ma nɛ ɔ nɛ o hla ngɔ to, kɛ we nɛ ɔ nɛ i po ngɔ ha mo ɔ, nɛ a fa kue ha mo ɔ,

La 31:22

Ye tsui po, nɛ i susu kaa e je e juɛmi kɛ je ye nɔ. Se benɛ i fa kue ha lɛ ɔ, e bu mi tue.

La 42:8

Piani ɔ, Yawɛ maa na mi mɔbɔ, konɛ nyɔ mi ɔ, ma la nɛ ma fa kue ha lɛ Mawu, ye yi baalɔ ɔ.

La 5:7

Se imi lɛɛ, o mɔbɔ nami, kɛ o dloomi ɔ he je ɔ, ma nyɛ ma ba o we klɔuklɔu ɔ; ma ja mo ngɛ lejɛ ɔ kɛ gbeye yemi.

La 88:6

O sake mi kɛ fɔ yɔkɔ ɔ mi he nɛ kuɔ pe kulaa a. O sake mi kɛ fɔ muɔ voo kɛ e mi diblii kpii ɔ mi.

La 88:7

O we abofu ɔ nya wa tsɔ ha mi; e ngɛ kaa oslɔke nɛ ngɛ kue kɛ ngɛ ye nɔ puee kpamisa.

Yesaya 38:17

Niinɛ, kpakpa nɛ o ngɛ hlae ha mi he je nɛ haomi nɛ nya wa nɛ ɔ ba ye nɔ ɔ nɛ; se o je mi kɛ je hɛ mi kpatami mi; ejakaa o kɛ ye he yayami ɔmɛ tsuo pa mi.

Yesaya 49:14

Se bɔ nɛ Yerusalem ngɛ dee ji, “Yawɛ ngmɛɛ ye he ngɔ fɔ si! E hɛ po je ye nɔ.”

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Yeremia 7:15

Ma fie nyɛ kɛ je hiɛ ɔ kaa bɔ nɛ i fie nyɛ nyɛmimɛ ɔmɛ tsuo, nɛ ji Efraim nina a. Imi, Yawɛ lɛ i de.”

Kɔmɔ Yemi 3:54

I ho nyu sisi ya, nɛ i de ke, ‘Ye yi ta pɛ!’

Ezekiel 37:11

Nyɔmtsɛ Yawɛ de mi ke, “Nɔmlɔ adesa, Israel ma a tsuo ngɛ kaa wu nɛ ɔmɛ. A ngɛ dee ke a gbli kadokado, nɛ a be hɛ nɔ kami ko kulaa; a kpata a hɛ mi pɛsɛpɛsɛ.

Daniel 6:10

Benɛ Daniel nu kaa matsɛ ɔ ngɔ e nine kɛ wo mlaa a sisi ɔ, e je kɛ ho e we mi ya. Daniel ngɛ hiɔwe tsu ko ngɛ e we ɔ mi, nɛ o ma nyɛ maa hyɛ Yerusalem kɛ gu saflɛ ɔmɛ a mi ngɛ lejɛ ɔ. Kɛkɛ nɛ Daniel kpla si ngɛ e nakutso nya, ngɛ saflɛ nɛ bli kɛ fɔɔ si ɔ nya, nɛ e sɔle nɛ e na e Mawu ɔ si si etɛ kaa bɔ nɛ e peeɔ daa a.

Yona 2:7

Benɛ ye mumi ngɛ ye mi jee ɔ, i fa kue ha mo Yawɛ ngɛ o we klɔuklɔu ɔ, nɛ o bu mi tue.