Yona 2:2 - BAIBLO ALOO NGMAMI KLƆUKLƆU Ɔ

² nɛ e de ke, “Yawɛ, i tsɛ mo ngɛ ye fimi be mi nɛ o bu mi tue. I fa kue ha mo kɛ je gbeje lokoo nɛ o nu ye gbi.

Yona 2:2 ပူးပေါင်းရင်းမြစ်များ

La 120:1

Benɛ i ngɛ haomi mi ɔ, i kpa ngmlaa kɛ tsɛ Yawɛ, nɛ e bu mi tue.

La 34:6

Nɔ́ nalɔ nɛ ɔ fa kue ha Yawɛ; Yawɛ bu lɛ tue, nɛ e je lɛ kɛ je e haomi ɔmɛ tsuo a mi.

La 86:13

O na mi mɔbɔ be babauu; gbeje tete po lɛ o je mi kɛ je.

Hebribi 5:7

Benɛ Yesu ngɛ he lo mi ɔ, ngmlaa, kɛ hɛ mi vo nyu nɛ e kɛ kpa Mawu, nɔ pɛ nɛ ma nyɛ je lɛ kɛ je gbenɔ mi ɔ pɛɛ. Akɛnɛ e yeɔ Mawu gbeye he je ɔ, Mawu hu bu lɛ tue.

Samuel I, 30:6

David hao wawɛɛ nitsɛ; ejakaa e we bi ɔmɛ a hɛ dɔ ngɛ a bimɛ ɔmɛ nɛ a be ɔ a he. Jehanɛ hu a de ke a maa fia lɛ tɛ. Se Yawɛ, David Mawu ɔ wo lɛ he wami.

Mateo 12:40

Bɔ nɛ Yona ye nyɔ kɛ pia ligbi etɛ ngɛ wo mi lo nguaa a muklii mi ɔ, jã Nɔmlɔ Bi ɔ maa ye nyɔ kɛ pia ligbi etɛ ngɛ zu mi.

La 116:3

Gbenɔ klama amɛ bɔle mi kɛ kpe, gbeje nɔ́ nami ɔmɛ wo ye he gbeye; ye ní pee mɔbɔ, nɛ i hao wawɛɛ.

La 22:24

Ejakaa, e kua we nɔ́ nali; e hɛ ji a nɔ hulɔ. Ke a fa kue ha lɛ ɔ, e nuɔ; e laa we mɛ.

La 4:1

Ye Mawu nɛ faa ye he, moo bu ye kue fami ɔ tue koo! Be ko nɛ ye yi fi ɔ, mo lɛ o ba je mi. Naa mi mɔbɔ koo, nɛ o bu ye pɛɛ kpami ɔ tue.

Luka 22:44

E kɛ he hiami sɔle wawɛɛ pe kekle ɔ po, nɛ e he latsa ngɛ tslee kɛ ngɛ si puee kaa muɔloku.]

Yesaya 14:9

“Babilonia matsɛ, gbeje pee klaalo nɛ e ma he mo atuu. Ni nguahi nɛ hi je mi hyɛ ɔ a kpade ɔmɛ ngɛ si poe. Matsɛmɛ ɔmɛ a kpade ɔmɛ ngɛ si tee ngɛ a matsɛ sɛ ɔmɛ a nɔ.

La 65:2

Ee, mo pɛ lɛ o buɔ kue fami tue. O ngɔ adesahi tsuo maa ba,

La 61:2

Ye mumi nya ngɛ tae. I ngɛ mo tsɛe kɛ je tsitsaa lokoo ngɛ je ɔ nyagbe he ɔ tɔɔ. Ngɔɔ mi kɛ ba mo, Mawu ɔ o ngɔ, konɛ ma na he jɔmi.

La 16:10

Ejakaa o maa bu ye he, nɛ gbenɔ he wami be ye he blɔ nae. Nɔ nɛ o suɔ lɛ ɔ, o be e he ngmɛɛe nɛ e hɛ mi nɛ kpata.

Ni Tsumi 2:27

Ejakaa o be mi sie ngɛ gbeje; o be hae nɛ o nɔ klɔuklɔu ɔ nɛ puɛ ngɛ yɔkɔ mi.

Samuel I, 1:16

Koo bu mi kaa yaka nɔ ko, ejakaa ye haomi, kɛ nɔ nami ɔmɛ a he i ngɛ kue fae ngɛ.”

Kɔmɔ Yemi 3:55

“I fa kue ha mo, Yawɛ kɛ je muɔ ɔ sisi tɔɔ.

Ezekiel 26:20

O ma kple si kɛ ya su gbeje nitsɛ, he nɛ blematsɛmɛ ɔmɛ nɛ a be je mi hu ɔ ngɛ ɔ. Lejɛ ɔ o kɛ mɛ maa hi ngɛ blema níhi nɛ a kpata a hɛ mi ɔ a mi ngɛ je ɔ sisi tɔɔ. Kɛkɛ ɔ, o be nyɛe maa pee ma nɛ nɔmlɔ adesa maa hi mi ngɛ je nɛ ɔ mi hu!

Ezekiel 31:14

Lɔ ɔ he ɔ, kɛ je mwɔnɛ ɔ kɛ yaa a, tso nɛ naa nyu saminya a ekoeko be kae kɛ ya hiɔwe ja hu, loo kaa e ma ha e yi mi ma ya su bɔku mi ploplooplo kikɛ nɛ ɔ. Mɛ tsuo a ma gbo kaa bɔ nɛ nɔmlɔ adesa gboɔ ɔ. Mɛ tsuo a ma ya piɛ nihi nɛ ho gbeje ya a a he.”

Kronika II, 33:12

Benɛ e ngɛ haomi mi ɔ, e ba e he si, nɛ e fa kue ha Yawɛ, e nɛmɛ a Mawu ɔ.

Luka 11:10

Ejakaa nɔ tsuaa nɔ nɛ biɔ ɔ, a haa lɛ; nɔ tsuaa nɔ nɛ hlaa a, e naa, nɛ nɔ tsuaa nɔ nɛ ma si sinya a, a ma bli ha lɛ.