Yona 2:10 - BAIBLO ALOO NGMAMI KLƆUKLƆU Ɔ

¹⁰ Kɛkɛ nɛ Yawɛ fa lo ɔ ke e ya vie Yona ngɔ fɔ wo ɔ nya; nɛ e pee ja.

Yona 2:10 ပူးပေါင်းရင်းမြစ်များ

Mose I, 1:11

Jehanɛ Mawu fa ke, “Tso slɔɔtoslɔɔtohi nɛ a puɛ ngɛ zugba a nɔ: tsohi nɛ woɔ ngma loo wu, kɛ ní nɛmɛ nɛ woɔ yiblii.” Nɛ e ba mi ja.

Mose I, 1:14

Enɛ ɔ se ɔ Mawu fa ke, “Kanehi nɛ a ba hiɔwe konɛ a kɛ na slɔɔto ngɛ piani kɛ nyɔ a kpɛti, nɛ́ a tsɔɔ jeha mi gbamihi jehahi, kɛ be nɛ a kɛ yeɔ nyami ligbihi pɔtɛɛ komɛ.

Mose I, 1:3

Kɛkɛ nɛ Mawu fa ke, “La nɛ ba”; nɛ la ba.

Mose I, 1:9

Enɛ ɔ se ɔ, Mawu fa ke, “Nyu ɔ nɛ ngɛ hiɔwe ɔ sisi ɔ nɛ bua e he nya ngɛ he kake, konɛ zugba gbigbli nɛ je kpo.” Nɛ e ba mi ja.

La 105:31

Mawu tu munyu, nɛ pwɔlwɔɛ munomunohi babauu ba zugba a tsuo nɔ.

La 105:34

E tu munyu, nɛ baalɛhi ba babauu, baalɛ nguahi kɛ wawi nɛ hí kanemi.

La 22:26

Ohiatsɛmɛ maa ye ní nɛ a maa tɔ. Nihi nɛ hlaa Yawɛ se blɔ ɔ ma je e yi; a bua maa jɔ a he kɛ maa ya neneene.

La 33:9

Ejakaa munyu kɛkɛ lɛ e tu nɛ e kɛ bɔ je ɔ. Fami kɛkɛ lɛ e fa nɛ níhi tsuo ba.

Yesaya 38:20

Yawɛ, o he ye yi wami; lɔ ɔ he ɔ, wa wami ligbihi tsuo ɔ, wa ma la, nɛ wa maa fia kpa saku kɛ to he kɛ je mo, Yawɛ o yi, ngɛ o we ɔ.

Yesaya 43:11

“Imi nɔ kake pɛ ji Yawɛ, imi pɛ ji nɔ nɛ ma nyɛ ma he o yi wami.

Yesaya 50:2

“Mɛni he je lɛ benɛ i ba a, nɔ ko be lejɛ ɔ? Benɛ i tsɛ nyɛ ɔ, mɛni he je nɔ ko pui mi ɔ? Anɛ nyɛ susuɔ kaa ye nine ngɛ kuku nɛ i be nyɛe ma kpɔ nyɛ kɛ je he nyɛlɔ ɔ dɛ mi lo? Ke i wo gbi ɔ, wo miiɔ, nɛ pahi plɛɔ peeɔ nga kplanaa. Ke nyu ɔ mii ta a, lo gboɔ nɛ e saa.

Hosea 13:4

Yawɛ ke, “Imi ji Yawɛ, nyɛ Mawu ɔ nɛ je nyɛ kɛ je Egipt ɔ nɛ. Imi pɛ ji nyɛ Mawu. Imi nɔ kake too pɛ ji nyɛ kpɔlɔ.

Hosea 14:3

Asiria be nyɛe ma he wa yi wami. Wa be wa he ngɔe kɛ fɔ ta okpɔngɔhi a nɔ. Wa be wa amaga amɛ dee hu ke mɛ ji wa Mawu. Yawɛ, mo nɛ o naa awusahi mɔbɔ.”

Yona 1:17

Ngɛ Yawɛ fami nya a, lo agbo ko ba mi Yona, nɛ e hi lo ɔ muklii mi nyɔ kɛ pia nyɔ kɛ pia ligbi etɛ.

Yona 3:1

Yawɛ kɛ Yona tu munyu ekohu,