Yona 1:9 - BAIBLO ALOO NGMAMI KLƆUKLƆU Ɔ

⁹ Yona ha mɛ heto ke, “Hebri no ji mi, nɛ i jaa Yawɛ, hiɔwe Mawu ɔ, nɔ nɛ pee wo kɛ zugba a.”

Yona 1:9 ပူးပေါင်းရင်းမြစ်များ

Mose I, 1:10

Mawu wo he nɛ gbli ɔ biɛ ke “Zugba”, nɛ nyu ɔ nɛ bua e he nya a, e tsɛ lɛ ke “Wo”. Mawu na, nɛ e muɔ e hɛ.

Mose I, 14:13

Se nyumu ko nɛ tu fo kɛ je ta a mi ba bɔ Abram, Hebri no ɔ amaniɛ ngɛ e sihi he ɔ, ngɛ Amor no ɔ nɛ a tsɛɛ lɛ Mamre ɔ e tso ngua amɛ a kasa nya. Mamre kɛ e nyɛminyumuhi Eshkol kɛ Aner ɔ, huɛ bɔmi ko ngɛ a kɛ Abram a kpɛti.

Mose I, 24:7

Yawɛ Mawu nɛ ngɛ hiɔwe ɔ, ngɔ mi kɛ je tsaatsɛ we mi, kɛ ye weku li a zugba nɔ, nɛ e wo mi si ke e kɛ zugba nɛ ɔ ma ha ye nina. Yawɛ nitsɛ maa tsɔ e bɔfo ɔ kɛ nyɛɛ o hɛ mi nɛ o ma ya hla yo ngɛ lejɛ ɔ ba ha ye bi ɔ.

Mose I, 39:14

e tsɛ tsɔli ɔmɛ nɛ tsuɔ ní ngɛ we ɔ mi ɔ, nɛ e de mɛ ke, “Nyɛɛ hyɛ! Ye huno ya ngɔ kikɛmɛ a Hebri no nɛ ɔ kɛ ba futu wɔ, konɛ e ba ye wa he fɛu. Nyumu nɛ ɔ ba ye ngɔ konɛ e ba tua mi, se i kpa bubuubui.

Matsɛmɛ II, 17:25

Benɛ a ba lejɛ ɔ kekleekle ɔ, a ja we Yawɛ, lɔ ɔ he ɔ, Yawɛ ha nɛ jatahi ba sɛ a kpɛti, nɛ jata amɛ gbe a ti ni komɛ.

Matsɛmɛ II, 17:28

Kɛkɛ nɛ a wo Israel osɔfo kake blɔ kɛ je Samaria kɛ ho Betel ya, nɛ e ya tsɔɔ ni ɔmɛ bɔ nɛ a ma ja Yawɛ ha.

Ezra 1:2

“Bɔ nɛ Persia matsɛ, Sirus de ji nɛ ɔ nɛ: Yawɛ, Mawu nɛ ngɛ hiɔwe ɔ wo mi nɔ yelɔ ngɛ je ɔ tsuo nɔ, nɛ e ngɔ tsumi nɛ he hia nɛ ɔ ngɔ ha mi. E ke ma ma we ha lɛ ngɛ Yerusalem ngɛ Yuda zugba a nɔ.

Ezra 5:11

“Heto nɛ a ha wɔ ji, ‘Hiɔwe kɛ zugba Mawu ɔ tsɔli ji wɔ. We nɛ Israel matsɛ nguaa ko ma nɛ e gbe nya blema lokoo ɔ, lɔ ɔ wa ngɛ mae ekohu.

Nehemia 1:4

Benɛ i nu amaniɛ nɛ ɔ, i hi si nɛ i fo ya. I ye kɔmɔ ligbi babauu, nɛ i ha hwɔ. I sɔle nɛ i tsɛ Mawu ke,

Nehemia 2:4

Matsɛ ɔ bi mi ke, “Mɛni ji nɔ́ nɛ o ngɛ hlae?” I sɔle nɛ i bi Mawunɛ ngɛ hiɔwe ɔ gbi,

Nehemia 9:6

Nɛ a sɔle ke, “Yawɛ, mo nɔ kake pɛ ji Yawɛ, mo nɛ o pee hiɔwe ɔ, kɛ dodoe ɔmɛ ngɛ kɔɔhiɔ mi. Mo nɛ o pee zugba kɛ wo, kɛ nɔ́ tsuaa nɔ́ nɛ ngɛ a mi, nɛ o ha mɛ tsuo wami. Hiɔwe ta a kplaa si haa mo, nɛ a jaa mo.

Hiob 1:9

Satan he nɔ ke, “O susuɔ kaa yaka gu lɛ Hiob yeɔ mo gbeye ɔ?

La 136:26

Nyɛɛ na Mawu nɛ ngɛ hiɔwe ɔ si; ejakaa e suɔmi ɔ ngɛ kɛ yaa neneene!

Mose II, 1:15

Kɛkɛ nɛ Egipt matsɛ ɔ kɛ Hebri fɔliyi ɔmɛ tu, nɛ e de mɛ ke, “Ke nyɛ ngɛ Hebri yi ɔmɛ fɔe ɔ, nyɛɛ to bi ɔ he hɛ. Ke nyumu ɔ, nyɛɛ gbe lɛ, se ke yo ɔ, lɛɛ e hi je mi.” Hebri fɔliyi ɔmɛ a ti nɔ kake biɛ ji Shifra, nɛ nɔ kake hu biɛ ji Pua.

Mose II, 2:13

E nɔ jena a, benɛ Mose je kpo ekohu ɔ, e ya na Hebri bi enyɔ nɛ a ngɛ kunɔ nɔe. E bi nɔ nɛ nɔ́ dɛ ɔ ke, “Mɛni he je nɛ o ngɛ o nyɛmi ɔ nɔ fiae?”

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Ni Tsumi 14:15

“Tsaatsɛmɛ, mɛni nyɛ ngɛ pee nɛ ɔ? Wɔ hu nimli adesahi kɛkɛ ji wɔ kaa nyɛ nɔuu. Wa ngɛ sane kpakpa a fiɛe kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a ní nɛ ɔmɛ nɛ a he be se nami ɔ a he kɛ ba Mawu hɛ kalɔ ɔ ngɔ. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi ɔ.

Ni Tsumi 27:23

Ejakaa nyɔ nɛ ɔ mi ɔ, Mawu, nɔ nɛ nɔ́ ji mi, nɛ lɛ nɔuu nɛ i jaa bɔfo ba da ye kasa nya,

Filipibi 3:5

I ye otsi pɛ nɛ a po mi. Israel fɔfɔɛ ji mi; i je Benyamin wɛtso ɔ mi; Hebri no mi Hebri no ji mi; mlaa a nya a, Farisi no kpanaa hulɔ.

Kpojemi 11:13

Jamɛ a be ɔ nɔuu ɔ, zugba mimiɛ wawɛɛ; ma a mi dlami nyɔngma mi kake hɛ mi kpata, nimli akpe kpaago gbo, nɛ ni nɛmɛ nɛ piɛ ɔ ye gbeye, nɛ a wo Mawu nɛ ngɛ hiɔwe ɔ hɛ mi nyami.

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Kpojemi 16:11

A tu musu bɔmi munyuhi kɛ si Mawu nɛ ngɛ hiɔwe ɔ ngɛ nɔ́ nɛ a ngɛ nae, kɛ pa nɛ a hia a he. Se ní yayahi nɛ a pee ɔ, lɔ ɔmɛ lɛɛ a tsakee we a tsui ngɛ he.