Yona 1:8 - BAIBLO ALOO NGMAMI KLƆUKLƆU Ɔ

⁸ Lɔ ɔ he ɔ, a bi lɛ ke, “Jehanɛ mo de wɔ! Mɛni kɛ amanehlu nɛ ɔ ba wa nɔ ɔ? Mɛni o ngɛ pee ngɛ hiɛ ɔ? Jije zugba nɔ o je? Nɛ jije no ji mo?”

Yona 1:8 ပူးပေါင်းရင်းမြစ်များ

Mose I, 47:3

Farao ɔ bi Yosef nyɛmimɛ ɔmɛ ke, “Mɛni ní tsumi nyɛ tsuɔ?” A he nɔ ke, “Lohwe lɛli ji wɔ; wa nɛmɛ ɔmɛ hu kikɛmɛ a ní tsumi nɛ ɔ nɔuu a tsu.

Yakobo 5:16

Lɔ ɔ he ɔ, nyɛɛ jaje nyɛ he yayami ɔmɛ kɛ tsɔɔ nyɛ sibi; nyɛɛ sɔle ha nyɛ sibi konɛ a tsa nyɛ. Ke nɔ nɛ peeɔ nɔ́ nɛ da fa kue ha Mawu ɔ, e tsuɔ ní saminya.

Yoshua 7:19

Yoshua de Akan ke, “Ye bi, tu mi anɔkuale, nɛ o de mi nɔ́ nɛ o pee ɔ ngɛ Yawɛ, Israel Mawu ɔ hɛ mi. Mo de mi koo; mɛni o pee? Koo laa mi ba.”

Samuel I, 14:43

Kɛkɛ nɛ Saul de Yonatan ke, “De mi nɔ́ nɛ o pee ɔ.” Yonatan de lɛ ke, “I ngɔ tso ɔ nɛ i hɛɛ ɔ nya kɛ sɔ hwo mi nɛ i lɔ. Imi ji nɛ ɔ nɛ; i dla ye he kɛ ha gbenɔ.”

Samuel I, 30:13

David bi lɛ ke, “Mɛnɔ ngɔ bi ji mo? Nɛ jije o je?” Niheyo ɔ he nɔ ke, “Egipt no ji mi, se ye nyɔmtsɛ ɔ lɛɛ Amalek no ji lɛ. Ye nyɔmtsɛ ɔ je ye he ngɛ hiɛ ɔ mwɔnɛ ɔ ji ligbi etɛ; ejakaa i be he wami.