Yona 1:6 - BAIBLO ALOO NGMAMI KLƆUKLƆU Ɔ

⁶ Lɛtsɛ ɔ ba e ngɔ nɛ e ba de lɛ ke, “Kɛ o ngɛ tsɔɔe kɛɛ; mahe lɛ o ngɛ hwɔe? Tee si nɛ o tsɛ o mawu ɔ, kaa alini wa ní maa pee lɛ mɔbɔ nɛ e ma he wa yi wami lo.”

Yona 1:6 ပူးပေါင်းရင်းမြစ်များ

Samuel II, 12:22

David ha mɛ heto ke, “Benɛ jokuɛ ɔ na we nɛ e gbo lolo ɔ, i ha hwɔ nɛ i fo ya; ejakaa i susu kaa, alini Yawɛ maa na mi mɔbɔ nɛ jokuɛ ɔ yi ma na wami.

Ester 4:16

“Yaa bua Yuda bi ɔmɛ tsuo nɛ ngɛ Susa ma a mi ɔ a nya, nɛ nyɛɛ ha hwɔ ha mi. Nyɛ ko ye ní, nɛ nyɛ ko nu nyu hulɔ nyɔ kɛ pia ligbi etɛ. Imi nitsɛ, kɛ ye mawa amɛ hu wa maa pee ja. Lɔ ɔ se ɔ, ma ya matsɛ ɔ ngɔ. E ngɛ mi kaa mlaa a nya a, i be jamɛ a he blɔ ɔ lɛɛ, se ke e hia kaa ma gbo ngɛ enɛ ɔ mi ɔ, ma gbo.”

La 107:6

Kɛkɛ nɛ a kpa ngmlaa kɛ tsɛ Yawɛ, nɛ e je mɛ kɛ je a haomi ɔ mi.

La 78:34

Be tsuaa be nɛ e maa gbe a ti ni komɛ ɔ, ni nɛmɛ nɛ piɛ ɔ ma hla e se blɔ. A ma pia a he, nɛ a maa fa kue ha lɛ.

Yesaya 3:15

Nyɛ be he blɔ kulaa kaa nyɛ waa ye ma a yi mi, loo nyɛ yeɔ ohiatsɛmɛ amimi. Imi Nyɔmtsɛ Tabohiatsɛ Mawu ɔ, lɛ i de.”

Ezekiel 18:2

“Abɛ nɛ ɔ nɛ kɔɔ zugba a he, nɛ Israel bi ɔmɛ ngɛ bue kpamisa ke, ‘Tsɛmɛ ɔmɛ ye wai yiblii ngmlikiti, nɛ bimɛ ɔmɛ mohu a lungu fĩa’ a, kɛ a ngɛ tsɔɔe kɛɛ ɔ?”

Yoel 2:11

Yawɛ maa wo gbi kɛ fa e tabo ɔ he. E ta buli ɔmɛ a he hiɛ babauu; nihi nɛ buɔ Yawɛ tue ɔ, a li a yibɔ. Yawɛ ligbi ɔ maa pee gbeye. Mɛnɔ ma nyɛ nya maa da?

Amos 5:15

Nyɛɛ hie nɔ́ nɛ dɛ blɔ. Nyɛɛ suɔ nɔ́ kpakpa, nɛ nyɛɛ hyɛ nɛ a ye dami sane ngɛ kojomi he ɔmɛ. Alini, Yawɛ Tabohiatsɛ Mawu ɔ maa na Yosef nina nɛ piɛɔ mɔbɔ.

Yona 3:8

Nɔ tsuaa nɔ nɛ bu kpekpe ya bo, konɛ a na he piami ngɛ nimli kɛ lohwehi tsuo a hɛ mi; nɛ nɔ tsuaa nɔ nɛ sɔle wawɛɛ kɛ tsɛ Mawu; nɔ tsuaa nɔ nɛ kpale kɛ je e blɔ yayami ɔmɛ a nɔ, kɛ e yi mi wami ní ɔmɛ a se,

Yona 3:9

kaa alini Mawu ma tsake e yi mi tomi; kaa alini Mawu mi mi fumi ɔ nya maa ba si, nɛ wa hɛ mi be kpatae.”

Ni Tsumi 21:13

Se e he nɔ ke, “Mɛni nyɛ ngɛ pee nɛ ɔ; nyɛ ngɛ ya foe kɛ ma tsɔ ye tsui kpa? Imi lɛɛ, pi fimi nɛ a maa fi mi ngɛ Yerusalem ɔ kɛkɛ nɛ i ngɛ blɔ hyɛe, se mohu i pee klaalo nɛ ma gbo ngɛ Nyɔmtsɛ Yesu he ngɛ lejɛ ɔ.”

Romabi 13:11

Jehanɛ ɔ, nyɛ le be nɔ nɛ mi nɛ wa ngɛ nɛ ɔ, kaa e sa nɛ nyɛ hɛ nɛ tsɛ kɛ je mahe nɛ nyɛ ngɛ hwɔe ɔ mi. Ejakaa be ɔ nɛ Mawu ma he wa yi wami ɔ, amlɔ nɛ ɔ, e na wɔ haa pe kekleekle nɛ wa he ye ɔ.

Efesobi 5:14

ejakaa la lɛ haa nɛ a naa nɔ́ tsuaa nɔ́. Enɛ ɔ he je nɛ a de ke, “Mo nɔ nɛ o ngɛ mahe hwɔe, o hɛ nɛ tsɛ, nɛ o te si kɛ je gbeje. Kɛkɛ Kristo ma kpɛ ha mo ɔ nɛ.”