Yona 1:5 - BAIBLO ALOO NGMAMI KLƆUKLƆU Ɔ

⁵ Lɛ hluili ɔmɛ ye gbeye, nɛ nɔ tsuaa nɔ kpa ngmlaa kɛ tsɛ e mawu. A je tlomi ɔmɛ kɛ wo wo ɔ mi konɛ lɛ ɔ nɛ pee huyɛhuyɛ ha mɛ. Se Yona lɛɛ e kple si kɛ ho lɛ ɔ sisi ya tɔɔ, nɛ e ya hwɔ si nɛ e hwɔ mahe vii.

Yona 1:5 ပူးပေါင်းရင်းမြစ်များ

Matsɛmɛ I, 18:26

A nu na ku ɔ nɛ a ha mɛ ɔ, nɛ a pee lɛ kaa bɔ nɛ Eliya de mɛ ɔ; a fa kue ha Baal kɛ je mɔtu kɛ ya si piani. A kpa huhui ke, “Baal lee, moo bu wɔ tue oo!” Jamɛ a be ɔ mi ɔ, a ngɛ hlue kɛ ngɛ bɔ sami la tɛ ɔ nɛ a puɛ ɔ bɔlee. Se nɔ ko he we nɔ.

Hiob 2:4

Satan he nɔ ke, “Nɔ́ tsuaa nɔ́ nɛ ngɛ nɔ ko dɛ ɔ, e ma nyɛ ngɔ kɛ ha, ke e yi ma na wami kɛkɛ ɔ.

La 107:25

E fa nɛ ahumi fia, nɛ wo oslɔkehi te si.

La 148:8

La, gbiɛ ngo ngu, snoo, bɔ nɛ fi, kɛ ahumi nɛ nyɛ ngɛ Yawɛ tsɔmi nɔ, nyɛ je e yi!

Fiɛlɔ 3:6

Be ngɛ nɛ a hlaa nɔ́, nɛ be ngɛ nɛ nɔ́ laa. Be ngɛ nɛ a baa nɔ́ yi, nɛ be ngɛ nɛ a sakee nɔ́ kɛ fɔɔ he.

Yesaya 45:20

Yawɛ ke, “Nyɛ je ma amɛ tsuo, nyɛ nihi nɛ nyɛ yi na wami ɔ, nyɛ bua nyɛ he nya kɛ ba! Nyɛ nihi nɛ hɛɛɔ tso amagahi kɛ hii nyɛɛe, nɛ nyɛ hii sɔlee ha mawuhi nɛ be yi wami nyɛe ma he, nyɛ li nɔ́ ko nɔ́ ko fɛɛ!

Yeremia 2:28

“Mawu ɔmɛ nɛ nyɛ pee ngɔ ha nyɛ he ɔ, jije a ngɛ? Ke haomi ba nyɛ nɔ ɔ, nyɛ ha nɛ a he nyɛ yi wami ke a ma nyɛ ɔ! Yuda, bɔ nɛ o ma amɛ hiɛ babauu ɔ, ja nɔuu lɛ o mawu ɔmɛ hu hiɛ.

Hosea 7:14

Ke a ngɛ kue fae ha mi ɔ, e ji a tsui mi; awe sɔuu a hii nyae ngɛ sa mi. Ke a ngɛ sɔlee nɛ ma ha mɛ blɛfo kɛ dã a, a kɛ nɔ́ poɔ a he basabasa kaa wɔ jali. Atuã tsɔli!

Yona 1:14

Lɔ ɔ he ɔ, a kpa huhui nɛ a de Yawɛ ke, “Yawɛ lee, wa ngɛ mo pɛɛ kpae, ko ha wa hɛ mi nɛ kpata ngɛ nyumu nɛ ɔ wami he, nɛ ko ha waa gbe nɔ ko nɛ yi fɔ, ejakaa wɔɔ lɛɛ wa li he nɔ́ ko! Ejakaa mo Yawɛ lɛɛ nɔ́ nɛ sa o hɛ mi nɛ o peeɔ.”

Yona 1:16

Nɔ́ nɛ ɔ ha lɛ mi bi ɔmɛ ye Yawɛ gbeye wawɛɛ; lɔ ɔ he ɔ, a sã bɔ ha lɛ, nɛ a wo si kaa a ma sɔmɔ lɛ.

Yona 1:6

Lɛtsɛ ɔ ba e ngɔ nɛ e ba de lɛ ke, “Kɛ o ngɛ tsɔɔe kɛɛ; mahe lɛ o ngɛ hwɔe? Tee si nɛ o tsɛ o mawu ɔ, kaa alini wa ní maa pee lɛ mɔbɔ nɛ e ma he wa yi wami lo.”

Mateo 25:5

Se ayɛflo huno ɔ ya bɛ mla, nɛ kɔnɛɛ de yihewi ɔmɛ, nɛ a hwɔ mahe.

Mateo 26:43

E kpale kɛ ba kaseli ɔmɛ a ngɔ ekohu, nɛ e ba na kaa a hwɔ mahe, ejakaa nyɔ gbe mɛ.

Mateo 26:45

Jehanɛ ɔ lɛɛ e kpale kɛ ba e kaseli ɔmɛ a ngɔ, nɛ e ba de mɛ ke, “Nyɛ he mi jɔ nyɛ nɛ nyɛ ngɛ mahe hwɔe kɛ mwɔɔ? Hyɛ! Ngmlɛfia a su ta, nɛ a maa ngɔ Nɔmlɔ Bi ɔ kɛ wo yayami peeli a dɛ mi.

Ni Tsumi 27:38

Benɛ a ti nɔ tsuaa nɔ ye ní bɔ nɛ e ma nyɛ ɔ, a je ngma a tsuo ngɔ wo wo ɔ mi, konɛ lɛ ɔ nɛ pee huyɛhuyɛ.

Manyadali 16:19

Delila fiɛ Samson he kɛ ya si e hwɔ mahe ngɛ e tɛ nɔ. Benɛ Samson hwɔ mahe ɔ, Delila tsɛ nyumu ko nɛ e ba sã Samson yi bwɔmi kuukuu kpaago ɔmɛ. Lɔ ɔ se ɔ, Delila bɔni lɛ kongomi, ejakaa Samson he wami ɔ si lɛ.

Samuel I, 24:3

Benɛ Saul su to tsu komɛ a he ngɛ blɔ ɔ nɔ ɔ, e gba ya sɛ tɛ puɔ ko mi, nɛ e ya nane nɔ ngɛ lejɛ ɔ. David kɛ e we bi ɔmɛ hu laa a he ngɛ jamɛ a tɛ puɔ ɔ nɔuu mi ngɛ se blɔ.