Yona 1:4 - BAIBLO ALOO NGMAMI KLƆUKLƆU Ɔ

⁴ Se Yawɛ ha kɔɔhiɔ nɛ nya wa ko hia ngɛ wo ɔ nɔ, nɛ wo kɔɔhiɔ nɛ ɔ he wami ɔ miɔ nɛ e maa ywia lɛ ɔ.

Yona 1:4 ပူးပေါင်းရင်းမြစ်များ

La 135:6

Hiɔwe ɔ jio, zugba a nɔ jio, wo ɔ mi jio, muɔ voovoo ɔmɛ a mi jio, nɔ́ tsuaa nɔ́ nɛ́ Yawɛ suɔ ɔ, lɔ ɔ e peeɔ.

La 135:7

Lɛ nɛ e haa bɔku teɔ si ngɛ je ɔ nyagbe he; e pee oslabai kɛ ha hiɔmi, nɛ e jeɔ kɔɔhiɔ kpo kɛ jee e to he ɔmɛ.

La 148:8

La, gbiɛ ngo ngu, snoo, bɔ nɛ fi, kɛ ahumi nɛ nyɛ ngɛ Yawɛ tsɔmi nɔ, nyɛ je e yi!

Mose II, 10:13

Kɛkɛ nɛ Mose wo e tso ɔ nɔ ngɛ Egipt zugba a nɔ, nɛ Yawɛ ha kɔɔhiɔ bɔni fiami kɛ je beleku jamɛ a ligbi ɔ kulaa nyɔ kɛ pia; nɛ benɛ je na a, beleku kɔɔhiɔ ɔ muɔ baalɛhi kɛ ba.

Mose II, 10:19

Yawɛ tsake beleku kɔɔhiɔ ɔ kɛ pee bonyoku kɔɔhiɔ nɛ nya wa, nɛ kɔɔhiɔ ɔ muɔ baalɛ ɔmɛ kɛ ya pue Wo Tsu ɔ mi; e píɛ kake ngmelu ngɛ Egipt zugba a nɔ.

Mose II, 14:21

Kɛkɛ nɛ Mose wo e nine nɔ ngɛ wo ɔ nɔ, nɛ Yawɛ ha kɔɔhiɔ nguaa ko fia kɛ je beleku jamɛ a nyɔ ɔ mi tsuo kɛ tsɛ̃ wo ɔ kɛ ya se. Nɛ wo ɔ mi gba enyɔ hiɛ kɛ hiɛ, nɛ e kpɛti ɔ plɛ pee zugba gbigbli.

Mose II, 15:10

Se o ha kɔɔhiɔ fia, nɛ wo ɔ ha a nɔ; Egipt bi ɔmɛ mu kaa sumue ngɛ nyu nɛ he ngɛ gbeye ɔ mi.

Yeremia 51:16

Ke e wo gbi kikɛ nɛ ɔ, nyu nɛ ngɛ hiɔwe ɔ keɔ wawɛɛ nitsɛ; Yawɛ haa nɛ afua teɔ si kɛ jeɔ zugba a nyagbe he ɔmɛ. E haa oslabai gbaa, be mi nɛ hiɔmi ngɛ nɛe, nɛ e jeɔ kɔɔhiɔ kpo kɛ jeɔ e nito he ɔ.

Amos 4:13

Mawu lɛ puɛ yo ɔmɛ. Lɛ nɛ e pee kɔɔhiɔ, nɛ e haa nɛ nɔmlɔ adesa leɔ e yi mi tomi; Mawu haa nɛ piani peeɔ nyɔ mi. Lɛ nɛ e yeɔ je ɔ tsuo nɔ. E biɛ ji Yawɛ Tabohiatsɛ!

Mose IV, 11:31

Kɛkɛ nɛ Yawɛ ha kɔɔhiɔ fia, nɛ kɔɔhiɔ nɛ ɔ muɔ bebeehi kɛ je wo ɔ mi ba pue si maa pee ligbi kake blɔ nyɛɛmi kɛ bɔle sito he ɔ tsuo kɛ kpe. Bebee ɔmɛ te kɛ mimla sito he ɔ haa maa pee kaa nine mi blimi eywiɛ kɛ je zugba.