Yona 1:3 - BAIBLO ALOO NGMAMI KLƆUKLƆU Ɔ

³ Se Yona pue he kpa blɔ mohu, konɛ e tu fo kɛ je Yawɛ hɛ mi. E ho Yopa ya nɛ e ya na lɛ ko nɛ yaa Spania. E wo hiɔ, nɛ e sɛ lɛ ɔ mi konɛ e kɛ ni ɔmɛ nɛ ya Spania, nɛ e laa Yawɛ.

Yona 1:3 ပူးပေါင်းရင်းမြစ်များ

Yoshua 19:46

Meyarkon, Rakon, kɛ zugba a nɛ bɔle Yopa a.

Mose I, 4:16

Enɛ ɔ se ɔ, Kain je Yawɛ hɛ mi nɛ e ya hi Nod zugba a nɔ, ngɛ Eden beleku je.

Ni Tsumi 9:36

Yo ko hu ngɛ Yopa nɛ ji Yesu se nyɛɛlɔ. A tsɛɛ lɛ Tabita, aloo ngɛ Hela gbi mi ɔ, Dorka. Biɛ nɛ ɔ sisi ji Odabɔ. Daa nɛ ɔ, kpakpa sɔuu e peeɔ, titli ɔ, e hyɛɔ dɛgutsɛmɛ a nɔ.

Ni Tsumi 9:43

Petro hi Yopa be saii ngɛ lohwe he womi tsopa wolɔ ko nɛ a tsɛɛ lɛ Simon ngɔ.

Yona 4:2

Lɔ ɔ he ɔ, e kɛ hɛdɔ fa kue ha Yawɛ nɛ e de ke, “Yawɛ, benɛ i na we ma je ye zugba a nɔ lokoo ɔ, enɛ ɔ nɛ i na nɛ i de ɔ nɛ. Enɛ ɔ he je nɛ i tu fo kɛ ho Spania ya a nɛ. Ejakaa mo Mawu ɔ, i le kaa o mi mi jɔ, o naa mɔbɔ, o toɔ o tsui si, o suɔmi tsakee we; nɛ o kɛ nɔ he yayami paa nɔ.

Yesaya 23:6

Nyɛ Fonisia bi, nyɛɛ tu fo kɛ ya Spania!

Yesaya 23:1

Sɛ gbi nɛ kɔɔ Tiro he ji nɛ ɔ nɛ. Nyɛ akua hluili ngɛ wo nɔ, nyɛ nya awe nɛ nyɛɛ ye kɔmɔ. Ejakaa nyɛ lɛsimuɔ he ngɛ Tiro ɔ, a kpata e hɛ mi pɛsɛpɛsɛ; we ɔmɛ, kɛ lɛ dami he ɔ tsuo hɛ mi kpata. Benɛ nyɛ lɛ ɔmɛ kpale kɛ je Kipro kɛ ma a nɛ nyɛ nu sane nɛ ɔ.

Matsɛmɛ I, 19:3

Eliya tsui po, nɛ e kɛ gbenɔ kɛ kã tu fo kɛ ho Beersheba ya ngɛ Yuda. E kɛ e tsɔlɔ ɔ ho. E ya si e tsɔlɔ ɔ ngɛ lejɛ ɔ.

2 Tesalonikabi 1:9

A maa gbla a tue, nɛ a hɛ mi ma kpata pɛsɛpɛsɛ kɛ maa ya neneene. A ma je mɛ kɛ je Nyɔmtsɛ ɔ hɛ mi. A be Nyɔmtsɛ ɔ hɛ mi nyami ɔ, kɛ e he wami ɔ nae

1 Korintobi 9:16

Niinɛ, sane kpakpa a nɛ i fiɛɛ ɔ, lɔ ɔ kɛkɛ ha we mi he blɔ kaa ma fĩa, ejakaa Mawu nitsɛ nɛ fa mi ke ma pee jã. Kaa i fiɛ we sane kpakpa a, jinɛ musu tloo mi pɛ!

Ni Tsumi 26:19

“Matsɛ Agripa, lɔ ɔ he ɔ, nina nɛ a je tsɔɔ mi kɛ je hiɔwe ɔ, i ye nɔ saminya.

Ezekiel 27:12

“Spania kɛ mo ye jua, ejakaa o ngɛ guɛ ní babauu, nɛ a kɛ sika hiɔ, dade, sanylaa, kɛ sumui ba tsakee o guɛ ní ɔmɛ.

Yesaya 23:10

Nyɛ Spania bi, nyɛɛ ho nɛ nyɛ ya hu. Ejakaa lɛsimuɔ he ko be hiɛmɛ nɛ ɔ hu.

Hiob 1:12

Yawɛ de Satan ke, “Saminya! Nɔ́ tsuaa nɔ́ nɛ ngɛ Hiob dɛ ɔ, i ngɔ kɛ wo o dɛ. Se lɛ nitsɛ e nɔmlɔ tso ɔ lɛɛ o nine ko ta he.” Kɛkɛ nɛ Satan je Mawu he.

Kronika II, 2:16

Wa maa hɛ seda tsuo nɛ o ngɛ hlae ɔ ngɛ Lebanon yo ɔmɛ a nɔ. Wa maa fi mɛ kɛ bla, nɛ waa kɛ maa gu wo nɔ kɛ ya pue Yopa, konɛ o ha nɛ a ya muɔ ngɛ lejɛ ɔ kɛ ya Yerusalem.”

Ni Tsumi 15:38

Se Paulo lɛɛ e susu kaa e dɛ kaa a ngɔɔ lɛ kɛ yaa. Ejakaa blɔ ko nɛ a hia be ko ɔ, e kɛ mɛ gbi nya, se mohu benɛ a su Pamfilia a, e kpale ngɛ a se.

Luka 9:62

Se Yesu de lɛ ke, “Nɔ nɛ kɛ e nine pɛtɛɛ na kpakplaa he, nɛ e plɛɛ hyɛɛ e se ɔ, e sɛ Mawu matsɛ yemi ɔ.”

Ezekiel 3:14

Yawɛ he wami ba ye nɔ wawɛɛ nitsɛ; nɛ benɛ mumi ɔ wo mi kɛ yaa a, e dɔ mi, nɛ ye bua jɔɛ kulaa.

Yesaya 60:9

Spania lɛhi nɛ a nyɛɛ hɛ mi kɛ je tsitsaa wo se zugbahi a nɔ kɛ ma a nɛ. A ngɔ bimɛ kɛ ma we. A hɛɛ sika tsu, kɛ sika hiɔ kɛ ma, konɛ a kɛ ba ha Israel Mawu klɔuklɔu ɔ, nɛ a kɛ wo Yawɛ hɛ mi nyami. Ejakaa e wó e ma a nɔ gojoo ngɛ je ma amɛ tsuo a hɛ mi.

Yesaya 2:16

Spania lɛ nguaa amɛ kɛ a he fɛu ɔ tsuo e ma ha a ma mu.

Hiob 2:7

Kɛkɛ nɛ Satan si Yawɛ, nɛ e ya ha nɛ tslɔɔ fuu Hiob nɔmlɔ tso ɔ tsuo, kɛ je e nane sisi kɛ ya si e yi mi.

Matsɛmɛ I, 19:9

E ya sɛ tɛ puɔ ko mi, nɛ e hi lejɛ ɔ. Tlukaa a, Yawɛ kɛ lɛ tu munyu, nɛ e bi lɛ ke, “Eliya, mɛni o ngɛ pee ngɛ hiɛ ɔ?”

Mose I, 3:8

Jamɛ a gbɔkuɛ ɔ, benɛ kɔɔhiɔ yluduu ko ngɛ fiae ɔ, nyumu ɔ kɛ e yo ɔ nu Yawɛ Mawu he nɛ e ngɛ nyɛɛe ngɛ ngmɔ ɔ mi, nɛ a ya laa a he ngɛ tso ɔmɛ a kpɛti.

Ni Tsumi 9:38

Yopa kɛ Lida kɛ we. Lɔ ɔ he ɔ, benɛ Yesu se nyɛɛli nɛ ngɛ Yopa a nu kaa Petro ngɛ Lida a, a tsɔ ni enyɔ kɛ ya de lɛ ke, “Wa kpa mo pɛɛ nɛ o ba su wa ngɔ nɔuu; koo to tsle.”

Ni Tsumi 9:42

Sane nɛ ɔ gbɛ fia Yopa tsuo; nɛ nihi babauu he Nyɔmtsɛ ɔ ye.

Ezra 3:7

Enɛ ɔ he je ɔ, ma a ha sika nɛ a kɛ wo tɛ gbali ɔmɛ, kɛ tso he ní tsuli ɔmɛ hiɔ, nɛ a ha niye ní, dã, kɛ oliv nu, nɛ a kɛ ya he seda tso ngɛ Tiro kɛ Sidon ngɛ Lebanon zugba a nɔ. A kɛ tso ɔmɛ gu wo nɔ kɛ ba Yopa. Persia matsɛ, Sirus lɛ ngmɛ blɔ kaa a pee ní nɛ ɔmɛ tsuo.

La 107:23

Nihi kɛ lɛ ye jua ngɛ wo hɛ mi, nɛ a kɛ na a nya mi ngma.

Yeremia 10:9

A kɛ sika hiɔ nɛ a si nɔ jeɔ Spania, nɛ a kɛ sika tsu hu jeɔ Ufaz kɛ ba haa sika ga ní tsuli, nɛ a kɛ peeɔ amagahi. A buɔ amaga amɛ bo hiɔ, kɛ bo he jua wawɛ nɛ hɛɛ alamua tu su nɛ bo loli kpakpahi lo.

Yona 1:10

Nɔ́ nɛ ɔ ha lɛ mi bi ɔmɛ ye gbeye wawɛɛ nitsɛ, nɛ a bi lɛ ke, “Mɛni o pee nɛ ɔ?” Ejakaa a le kaa e tu fo kɛ je Yawɛ hɛ mi.

Kronika II, 2:15

Lɔ ɔ he ɔ, ngma a, akoko ɔ, wai ɔ, kɛ oliv nu ɔ nɛ o wo ta a, kɛ mane wɔ jehanɛ.

Kronika II, 9:21

Matsɛ Salomo ngɛ jua yemi lɛhi nɛ yaa Spania. Hiram tsɔli ji nihi nɛ tsuɔ ní ngɛ lɛ ɔmɛ a mi. Daa jeha etɛ ɔ, Salomo lɛ ɔmɛ ngɔɔ sika tsu, sika hiɔ, suɔ wu, siato, kɛ anguɛ kɛ baa we.

Ezekiel 2:8

“Se mo nɔmlɔ adesa, bu nɔ́ nɛ ma de mo ɔ tue; koo pee o he tue gbolɔ kaa mɛ. Pãã o nya mi, nɛ o ye nɔ́ nɛ ma ha mo nɛ ɔ.”