Yona 1:2 - BAIBLO ALOO NGMAMI KLƆUKLƆU Ɔ

² “Yaa Nineve ma nguaa a mi nɛ o ya kuɛ wo ma mi bi ɔmɛ, nɛ o de mɛ ke, i na paa kaa a yi mi wami ɔ su he ko jehanɛ.”

Yona 1:2 ပူးပေါင်းရင်းမြစ်များ

Mose I, 10:11

Se e je lejɛ ɔ kɛ ya Asiria, nɛ e ya po mahi ngɛ Nineve, Rehobot Ir, Kala,

Matsɛmɛ II, 19:36

Kɛkɛ nɛ Asiria matsɛ, Senakerib hia kɛ je lejɛ ɔ, nɛ e kpale kɛ ho Nineve ya.

Kronika II, 28:9

Yawɛ gbalɔ ko nɛ a tsɛɛ lɛ Oded ngɛ Samaria jamɛ a be ɔ mi. Benɛ Israel tabo ɔ kpale a se kɛ ma Samaria a, Oded ya kpee mɛ, nɛ e de mɛ ke, “Yawɛ, nyɛ nɛmɛ a Mawu ɔ mi mi fu Yuda, nɛ e ngɔ mɛ ngɔ wo nyɛ dɛ mi. Se nyɛ gbe mɛ basabasa nɛ mɔbɔ nami ko be mi; nɛ Yawɛ nu nɔ́ nɛ ɔ he.

Ezra 9:6

I fa kue ke, “Ye Mawu lee, ye hɛ mi pue si; e ngɛ mi zo pee kaa ma wo ye yi nɔ nɛ ma hyɛ mo. Wa he yayami pee kaa tlomi nɛ a to glegleegle kɛ be wa yi he kɛ ya su hiɔwe lokoo.

Yesaya 37:37

Kɛkɛ nɛ Asiria matsɛ Senakerib hia kɛ je lejɛ ɔ, nɛ e kpale kɛ ho Nineve ya.

Yesaya 58:1

Yawɛ ke, “Kpa ngmlaa boboobo bɔ nɛ o ma nyɛ; ha nɛ o nya nɛ wa wawɛɛ kaa titimati! Jaje ye ma Israel tɔmi ɔmɛ kɛ tsɔɔ mɛ!

Yeremia 20:9

Se ke i de ke, “I be Yawɛ biɛ ta woe hu, nɛ i be fiɛe ngɛ e biɛ mi hu” ɔ, o sɛ gbi ɔ peeɔ kaa la nɛ ngɛ tsoe ngɛ ye tsui mi, kɛ ye wuhi a mi. I bɔɔ mɔde saminya kaa ma tsi nya, se jehanɛ lɛɛ, i pa nyɛ we hu.

Ezekiel 2:7

A bu mo tue jio, a bui mo tue jio, moo lɛɛ de mɛ nɔ́ tsuaa nɔ́ nɛ ma de mo ke o de mɛ ɔ. Ejakaa tue gboli ji mɛ.

Hosea 7:2

E bɛ a juɛmi mi gblee kaa bɔ tsuaa bɔ nɛ pee ɔ, a he yayami nɛ ɔmɛ tsuo fɔɔ si paa ngɛ ye hɛ mi nɛ i ngɛ hyɛe.”

Yona 3:2

nɛ e de lɛ ke, “Yaa Nineve ma nguaa a mi, nɛ o ya de ni ɔmɛ sɛ nɛ i kɛ ha mo ɔ.”

Yona 3:3

Yona bu Yawɛ tue, nɛ e ho Nineve ya. A tsɔɔ kaa Nineve ma a kle saminya, nɛ ligbi etɛ a kɛ ma nyɛ nyɛɛ kɛ po ma a mi.

Yona 4:11

Nɛ imi lɛɛ e sɛ kaa Nineve sane dɔɔ mi lo? Nineve ɔ, ma ngua, kɛ e mi nimli babauu, maa pee 120,000 kɛ se, nɛ a li kpakpa kɛ yayami a kpɛti slɔɔto. Lohwehi babauu hu ngɛ ma a mi.”

Mika 3:8

Se imi lɛɛ Yawɛ ngɔ e mumi ɔ kɛ wo ye mi tɔ. E ha mi he wami, kɛ dami sane yemi, kɛ kã nɛ ma kɛ jaje Israel ma a he yayami ɔ kɛ tsɔɔ mɛ.

Nahum 1:1

Sɛ gbi nɛ kɔɔ Nineve ma a he ji nɛ ɔ nɛ. Nina nɛ Nahum nɛ je Elkosh ɔ na ngɛ Nineve he ji nɛ ɔ nɛ.

Nahum 3:19

Tsa ba ko be ha o plaami ɔmɛ, nɛ o pa a kle. Nihi tsuo nɛ maa nu o hɛ mi kpatami ɔ he ɔ, a bua maa jɔ, nɛ a maa fia a dɛ. Yi wu tso níhi babauu nɛ o pee ɔ, anɛ nɔ ko ngɛ nɛ e he je mi lo?

Mateo 10:18

Ye he ɔ, a maa ngɔ nyɛ kɛ ya ganɔhi, kɛ matsɛmɛ a hɛ mi. A ma ha nɛ nyɛɛ ye sane kpakpa a he odase ngɔ tsɔɔ mɛ, kɛ ma je li tsuo.

Mateo 12:41

Kojomi ligbi ɔ, Nineve bi ɔmɛ maa te si nɛ a maa po nyɛ nya; ejakaa benɛ a nu nɛ Yona ngɛ fiɛe ɔ, a tsake a tsui. Se i ngɛ nyɛ dee ke nɔ́ ko ngɛ hiɛ ɔ nɛ pe Yona.

Yakobo 5:4

Apaa yeli nɛ hu nyɛ ngmɔ ɔmɛ ha nyɛ ɔ, nyɛ wui mɛ hiɔ. Nyɛɛ hyɛ bɔ nɛ a ngɛ ngmlaa kpae boboobo ha! Ní kpali nɛ bua nyɛ ngmɔ ní nya a a ngmlaa a ya su Nyɔmtsɛ Tabohiatsɛ ɔ tue mi tɔɔ.

Kpojemi 18:5

Ejakaa a to e yayami ɔmɛ kɛ ya si hiɔwe tɔɔ. Nɛ Mawu miɔ nɛ e maa gbla ma a tue ngɛ e yayami ɔmɛ a he.