Yona 1:12 - BAIBLO ALOO NGMAMI KLƆUKLƆU Ɔ

¹² Yona he nɔ ke, “Nyɛ sake mi ngɔ fɔ wo ɔ mi, kɛkɛ wo ɔ he maa jɔ ha nyɛ; ejakaa i le kaa ye tɔmi he nɛ wo kɔɔhiɔ nɛ nya wa nɛ ɔ ngɛ nyɛ haoe ɔ nɛ.”

Yona 1:12 ပူးပေါင်းရင်းမြစ်များ

Samuel II, 24:17

David na bɔfo ɔ nɛ ngɛ ma a nɔ́ fiae, nɛ e de Yawɛ ke, “O nɛ, imi lɛ i pee yayami ɔ nɛ; imi lɛ i tɔ̃. Nimli nɛ ɔmɛ nɛ a ngɛ kpoo kaa jijɔ ɔ, mɛɛ lɛɛ mɛni a pee? I kpa mo pɛɛ nɛ o gbla i kɛ ye weku li kɛkɛ wa tue.”

Kronika I, 21:17

David sɔle ke, “Mawu lee, imi lɛ i pee yayami ɔ nɛ; imi lɛ i tɔ̃. Imi ji nɔ nɛ fa ke a kane ma a nɛ. Nimli nɛ ɔmɛ nɛ a ngɛ kaa jijɔhi ɔ lɛɛ mɛni a pee? Yawɛ, ye Mawu, i kpa mo pɛɛ nɛ o gbla i kɛ ye tsɛ we ɔ kɛkɛ wa tue; o ma a lɛɛ ha nɛ a ye a he.”

Hiob 35:8

Ke o pee yayami ɔ, o nyɛmi nɔmlɔ adesa lɛ naa nɔ́; ke o pee kpakpa a, o nyɛmi nɔmlɔ adesa lɛ naa he se.

Fiɛlɔ 9:18

Nile hi pe ta hwumi níhi. Se yayami peelɔ kake kpataa ní kpakpahi babauu a hɛ mi.

Yona 1:11

Se wo kɔɔhiɔ ɔ nya ngɛ wae pe kekle ɔ. Lɔ ɔ he ɔ, a bi lɛ ke, “Kɛ wa maa pee mo kɛɛ nɛ wo ɔ he nɛ jɔ ha wɔ?”

Yona 1:13

Se kɛ̃ ɔ, lɛ mi bi ɔmɛ bɔ mɔde hlui lɛ ɔ wawɛɛ kɛ a he wami tsuo kaa a maa su kpo he lo; se a nyɛ we; ejakaa si abɔ nɛ a ngɛ hluie ɔ, si abɔ nɛ wo kɔɔhiɔ ɔ nya ngɛ wae kɛ ngɛ mɛ kpee.

Yohane 11:50

Anɛ nyɛ li kaa ke nyɛ ha nɔ kake mohu gbo ngɛ ma a tsuo nane mi ɔ, e hi pe nɛ a ma kpata ma a tsuo hɛ mi lo?”

Ni Tsumi 27:24

nɛ e de mi ke, ‘Paulo, koo ye gbeye! Ja a kɛ mo ya da Kaisare ɔ hɛ mi kokooko. Mawu na mo mɔbɔ saminya, nɛ e he o kɛ nihi tsuo nɛ ngɛ lɛ ɔ mi ɔ nyɛ yi wami.’

Yoshua 7:12

Enɛ ɔ he je nɛ Israel bi ɔmɛ nyɛ we a he nyɛli ɔmɛ nɛ; a ngɛ fo tue ngɛ a nya, ejakaa mɛ nitsɛmɛ hu a plɛ pee níhi nɛ sa nɛ a kpata a hɛ mi! I kɛ nyɛ be si hie hu; ja nyɛ kpata níhi nɛ i wo nyɛ mlaa ke nyɛ ko ta he ɔ a hɛ mi!