Yohane 9:7 - BAIBLO ALOO NGMAMI KLƆUKLƆU Ɔ

⁷ Yesu de lɛ ke, “Yaa Siloam pa a mi nɛ o ya fɔ o he.” (Siloam sisi ji a tsɔ lɛ.) Kɛkɛ nɛ nyumu ɔ pue nɔ kɛ ho, nɛ e ya fɔ e he; nɛ benɛ e kpale kɛ ma a, e bɔni nɔ́ hyɛmi.

Somi He Ɔ

⁷ nɛ e de lɛ ke: “Yaa du ngɛ Siloam (e sisi ji: nɔ nɛ a tsɔ lɛ) taku ɔ mi.” Kɛkɛ nɛ e ho nɛ e ya du, nɛ e ba nɛ e ngɛ nɔ hyɛe.

Yohane 9:7 ပူးပေါင်းရင်းမြစ်များ

Nehemia 3:15

Kolhoze binyumu Shalum, Mizpa zugba a nɔ yelɔ ɔ dla Nyu Vu Agbo ɔ. E fia ekohu, nɛ e tsi e yi mi ɔ. E ma sinya amɛ, nɛ e wo a nya dadehi kɛ a se lami níhi. Gbogbo ɔ nɛ tsa matsɛ abɔɔ ɔ nɔ ngɛ Shela Taku ɔ he ɔ, lɛ kɛ̃ nɛ e fia jamɛ a gbogbo ɔ kɛ ya su kpoku ɔmɛ nɛ a kɛ kpleɔ si kɛ jee David ma a mi ɔ a he.

La 146:8

Yawɛ bliɔ hɛ yuyuili a hɛngmɛ; Yawɛ woɔ ni nɛmɛ nɛ nɔ si a nɔ; Yawɛ suɔ ni nɛmɛ nɛ peeɔ nɔ́ nɛ da.

Mose II, 4:11

Kɛkɛ nɛ Yawɛ de lɛ ke, “Mɛnɔ nɛ haa nɔmlɔ tuɔ munyu, loo e tui munyu? Mɛnɔ nɛ haa nɔmlɔ hyɛɛ nɔ́, loo e hyɛ we nɔ́? Mɛnɔ nɛ haa nɔmlɔ nuɔ nɔ, loo e nui nɔ́? Anɛ pi imi, Yawɛ lo?

Yesaya 32:3

Jamɛ a be ɔ mi ɔ, nɔ tsuaa nɔ hɛngmɛ maa hyɛ nɔ́ paa, nɛ e tue hu maa nu nɔ́ saminya.

Yesaya 35:5

Hɛ yuyuili maa hyɛ nɔ́ ekohu, nɛ tuekpokutsɛmɛ maa nu nɔ́.

Yesaya 42:7

O ma bli hɛ yuyuili a hɛngmɛ, nɛ nihi nɛ a wo mɛ tsu, nɛ a hii si ngɛ diblii mi ɔ, o ma ha a maa ye a he.

Yesaya 43:8

Mawu ke, “Tsɛ ye ma a kɛ ba nɛ waa kpe. A ngɛ hɛngmɛ, se a hyɛ we nɔ́, a ngɛ tue hulɔ, se a nui nɔ́!

Yesaya 8:6

E ke, “Akɛnɛ ma nɛ ɔ sume Shiloa pa a nɛ mi nyu ɔ bee dii ɔ, se Matsɛ Rezin kɛ Matsɛ Peka mohu he a he ngɛ doe ngɛ ɔ,

Mateo 11:5

Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Luka 13:4

Ni nyɔngma kɛ kpaanyɔ ɔmɛ nɛ mɔ ɔ ku pue a nɔ ngɛ Siloam nɛ a gbo ɔ, mɛ nɛɛ? Anɛ nyɛ susu kaa lɔ ɔ tsɔɔ kaa mɛ kɛkɛ ji yayami peeli pe nihi tsuo nɛ ngɛ Yerusalem ɔ lo?

Luka 2:32

Lɛ ji la nɛ maa tsɔɔ ma je li ɔmɛ blɔ kɛ ba o ngɔ; nɛ e maa wo o ma Israel hɛ mi nyami.”

Yohane 10:36

Lɛɛ imi nɛ Tsɛ ɔ hla mi, nɛ e tsɔ mi je ɔ mi ɔ, kɛ peeɔ kɛɛ nɛ ke i de ke Mawu Bi ji mi nɛ́ nyɛ deɔ ke i bɔ musu ɔ?

Yohane 11:37

Se ni komɛ de ke, “Pi lɛ nɛ e bli hɛ yuyuilɔ ɔ hɛngmɛ ɔ! Anɛ e ko nyɛ we nɛ e pee nɛ Lazaro kó gbo we lo?”

Yohane 9:11

E de mɛ ke, “Nyumu ɔ nɛ a tsɛɛ lɛ Yesu ɔ nɛ pɔtɔ zu, nɛ e ngɔ ha ye hɛngmɛ ɔmɛ a nɔ. Lɔ ɔ se ɔ, e de mi ke ma ya fɔ ye he ngɛ Siloam pa a mi. Benɛ i ya fɔ ye he pɛ nɛ i bɔni nɔ hyɛmi.”

Yohane 9:39

Yesu de ke, “I ba je nɛ ɔ mi nɛ ma ba kojo, konɛ hɛ yuyuili nɛ hyɛ nɔ; nɛ nihi nɛ susuɔ kaa a ngɛ nɔ hyɛe ɔ, a hɛ nɛ yu.”

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

Galatabi 4:4

Se Mawu tsɔ lɛ nitsɛ e bi ɔ kɛ ba ngɛ be nɛ sa mi; yo nɛ fɔ lɛ, nɛ e ye Yuda bi a mlaa a hu nɔ.