Yohane 9:31 - BAIBLO ALOO NGMAMI KLƆUKLƆU Ɔ

³¹ Wa le kaa Mawu bui yayami peeli tue, se nɔ nɛ yeɔ lɛ gbeye, nɛ e peeɔ Mawu suɔmi nya ní ɔ, Mawu buɔ lɛ tue.

Somi He Ɔ

³¹ Wa le kaa Mawu bui yayami peeli tue; se ke nɔ ko yee lɛ gbeye nɛ e peɔ e suɔmi nya ni ɔ, e buɔ lɛ tue.

Yohane 9:31 ပူးပေါင်းရင်းမြစ်များ

Mose I, 19:29

Lɔ ɔ he ɔ, benɛ Mawu kpata ma amɛ nɛ ngɛ kɔ̃ ɔ mi ɔ a hɛ mi ɔ, e kai Abraham, nɛ e ha nɛ Lot tu fo kɛ je ma amɛ a mi he nɛ e ngɛ ɔ, nɛ e kɛ he e yi wami.

Mose I, 20:7

Se jehanɛ lɛɛ, ngɔɔ yo ɔ kɛ ya ha e huno. E huno ɔ, gbalɔ ji lɛ; e ma kpa pɛɛ ha mo, konɛ o ko gbo. Se ke o kpale we yo ɔ kɛ ya ha we e huno ɔ, lɛɛ i ngɛ mo dee ke, o kɛ o weku li tsuo nyɛ ma gbo!”

Hiob 35:12

A kpaa ngmlaa kɛ tsɛɔ balɔ, se Mawu bui mɛ tue; ejakaa he nɔ woli, kɛ yayami peeli ji mɛ.

Hiob 35:13

Niinɛ, Mawu bui yaka ngmlaa tue; Mawu Ope ɔ bui he akɔtaa.

Hiob 42:8

Enɛ ɔ he je ɔ, nyɛɛ ngɔ na ku kpaago, kɛ agbosu kpaago kɛ ya ye tsɔlɔ Hiob ngɔ, nɛ nyɛ ya sã sami bɔ ha nyɛ he ngɛ lejɛ ɔ. Hiob maa fa kue ha nyɛ. Ma bu e kue fami ɔ tue, nɛ i be nyɛ tue gblae bɔ nɛ sa nyɛ kaa nyɛ je kuasia. Ee, nyɛ tu we ye he anɔkuale munyu kaa bɔ nɛ ye tsɔlɔ Hiob pee ɔ.”

La 106:23

Benɛ Mawu de ke e ma kpata e ma a hɛ mi ɔ, e tsɔlɔ Mose nɛ e hla a nɛ da mi ha ma a. Mose lɛ jɔɔ Mawu abofu ɔ he, loko e kpataa we ma a hɛ mi ɔ nɛ.

La 143:10

Moo tsɔɔ mi nɛ ma pee nɔ́ nɛ o suɔ; ejakaa mo ji ye Mawu. Ha nɛ o mumi kpakpa a nɛ tsɔɔ mi blɔ nɛ hi, nɛ e nɔ jɔ.

La 145:19

Nihi nɛ yee lɛ gbeye ɔ, e peeɔ a hiami ní kɛ haa mɛ. E buu a kue fami ɔmɛ hu tue, nɛ e heɔ a yi wami.

La 18:41

A kpa ngmlaa kaa nɔ ko ma ba piɛ a he lo, se nɔ ko ji ngmlaa ha mɛ. A tsɛ Yawɛ, se e pui a nya mi.

La 40:8

Ye Mawu, i suɔ kaa ma pee o suɔmi nya ní; o mlaa a, a ngma ngɛ ye tsui mi.”

La 99:6

E we osɔfohi ji Mose, kɛ Aaron. Nihi nɛ fa kue ha lɛ ɔ, Samuel piɛ a he. Mɛ tsuo a fa kue ha lɛ, nɛ e bu mɛ tue.

Abɛ Womi 15:29

Yawɛ kɛ yayami peeli a kpɛti kɛ; se e buɔ dali a kue fami tue.

Abɛ Womi 21:13

Nɔ nɛ tsiɔ e tue, konɛ e ko nu ohiatsɛ ngmlaa a, lɛ hu ke e kpa ngmlaa a, a be lɛ tue bue.

Abɛ Womi 28:9

Nɔ nɛ sume kaa e yeɔ mlaa nɔ ɔ, ke e fa kue ha Mawu po, e bɔ musu.

Yesaya 1:15

“Ke nyɛ wo nyɛ nine nɔ, nɛ nyɛ ngɛ sɔlee ɔ, i be nyɛ hyɛe; nyɛ nine he pee kɛ muɔ.

Yesaya 58:9

Ke nyɛ fa kue ha mi ɔ, ma he nɔ. Ke nyɛ tsɛ mi ɔ, nyɛ maa nu ye he. “Ke nyɛ kpa yi wu tso ní peemi, ke nyɛ kpa nɔ nya pomi yaka gu, kɛ munyu yaya tumi;

Yeremia 11:11

Lɔ ɔ he ɔ, imi Yawɛ, i ngɛ mɛ dee ke, ma ha nɛ haomi maa ba a nɔ nɛ a he be mi jee. Ke a fa kue ha mi po, i be mɛ tue bue.

Yeremia 14:12

Ke a ha hwɔ tete po, i be a kue fami ɔ tue bue; nɛ ke a sã sami bɔ, kɛ niye ní bɔ ha mi hu, i be hee. Se mohu ɔ, níhi nɛ i kɛ ma kpata a hɛ mi ji ta, hwɔ, kɛ gbenɔ hiɔ.”

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Ezekiel 8:18

Lɔ ɔ he ɔ, i kɛ abofu nɛ nya wa ma kple a nɔ. A be mɔbɔ nami ko kulaa nae ngɛ ye hɛngmɛ mi, nɛ i be a yi bae hulɔ. A maa fa kue boboobo kɛ tsɛ mi, se i be mɛ tue bue.”

Mika 3:4

Be ma nɛ nyɛ ma kpa ngmlaa kɛ tsɛ Yawɛ, se e be nyɛ nya mi poe. E be nyɛ kue fami ɔ tue bue, ejakaa nyɛ pee yayami.

Zakaria 7:13

Akɛnɛ ke i de nɔ́ ko nɛ a bui tue he je ɔ, ke a fa kue ɔ, i he we nɔ.

Yohane 11:22

Se amlɔ nɛ ɔ hu, i le kaa nɔ́ tsuaa nɔ́ he pɛɛ nɛ o ma kpa Mawu ɔ, e maa pee ha mo.”

Yohane 15:16

Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

Yohane 4:34

Yesu de mɛ ke, “Ye niye ní ji kaa ma pee nɔ nɛ tsɔ mi ɔ suɔmi nya ní; nɛ́ nɔ́ nɛ e tsɔ mi tsumi ɔ, ma gbe nya.

Yohane 7:17

Nɔ tsuaa nɔ nɛ suɔ kaa e maa pee Mawu suɔmi nya ní ɔ, e maa na kaa nɔ́ nɛ i ngɛ tsɔɔe ɔ je Mawu ngɔ, se pi imi nitsɛ ye he wami nya.

Yohane 9:30

Nyumu ɔ de mɛ ke, “Mɛni nyakpɛ sane ji nɛ ɔ! Nɔmlɔ nɛ bli ye hɛngmɛ ɔ, nyɛɛ lɛɛ nyɛ ke nyɛ li he nɛ e je!

Yohane 9:32

Kɛ je benɛ a bɔ je ɔ, nɔ ko nɔ ko nui hyɛ kaa a bli nɔ ko nɛ a fɔ lɛ hɛ yuyuilɔ hɛngmɛ?

Mose V, 1:45

Nyɛ kpale kɛ ba nɛ nyɛ ba wo yana ngɛ Yawɛ hɛ mi; se Yawɛ bui nyɛ tue, nɛ e he we nyɛ nɔ hulɔ.

Hebribi 10:7

Kɛkɛ nɛ i de ke, ‘Mawu, ne mi! I ba konɛ ma ba pee o suɔmi nya ní kaa bɔ nɛ ngmami ɔ deɔ ngɛ ye he ngɛ mlaa womi ɔ mi ɔ.’ ”