Yohane 9:29 - BAIBLO ALOO NGMAMI KLƆUKLƆU Ɔ

²⁹ Wa le kaa Mawu kɛ Mose tu munyu, se kikɛmɛ a nɔmlɔ nɛ ɔ lɛɛ, he nɛ e je po wa li.”

Somi He Ɔ

²⁹ Wa le kaa Mawu kɛ Mose tu munyu; se nɔ nɛ ɔ lɛɛ, wa li he nɛ e je.”

Yohane 9:29 ပူးပေါင်းရင်းမြစ်များ

Matsɛmɛ I, 22:27

De mɛ ke i ke a wo lɛ tsu, nɛ a ha lɛ abolo, kɛ nyu bɔbɔyoo pɛ kɛ yaa si ma kpale kɛ ba kɛ manye.”

Matsɛmɛ II, 9:11

Benɛ Yehu kpale e se kɛ ba e nyɔmtsɛ ɔ tsɔli ɔmɛ a ngɔ ɔ, a bi lɛ ke, “Mɛni kikɛmɛ a godotsɛ nɛ ɔ ba hlami ngɛ o ngɔ? Manye munyu e hɛɛ kɛ ba lo?” E he nɔ ke, “Nyɛ nitsɛmɛ nyɛ le nɔmlɔ ɔ, kɛ bɔ nɛ e munyu tumi ngɛ ha.”

La 103:7

E tsɔɔ Mose e blɔ ɔmɛ, nɛ Israel bi ɔmɛ hu na ní nguanguahi nɛ e pee ɔ.

La 105:26

Kɛkɛ nɛ e tsɔ e tsɔlɔ Mose, kɛ Aaron nɛ e hla mɛ ɔ.

La 106:16

Ngɛ nga a nɔ ɔ, ni ɔmɛ a hɛ kɔ̃ Mose nɔ, kɛ jehanɛ Aaron, Yawɛ tsɔlɔ klɔuklɔu ɔ.

La 22:6

Se imi lɛɛ, pi nɔmlɔ ji mi hu; i ngɛ kaa gɔgɔ. Nihi tsuo pɛpɛɛpɛ hiee mi, nɛ a bɔɔ mi ahlua.

Malaki 4:4

“Mlaa slɔɔtoslɔɔtohi nɛ i ngɔ kɛ ha nyɛ ngɛ Sinai yo ɔ nɔ kɛ gu ye tsɔlɔ Mose nɔ ɔ, nyɛ kai nɛ nyɛɛ ye a nɔ.

Mose IV, 16:28

Mose de ke, “Nɔ́ nɛ nyɛɛ kɛ maa le kaa Yawɛ nitsɛ lɛ tsɔ mi ke ma ba tsu ní nɛ ɔmɛ, se pi imi nitsɛ ye yi mi tomi nya ji

Mateo 12:24

Benɛ Farisi bi ɔmɛ nu he ɔ, a de ke, “Mumi yayamihi a tsɛ Beelzebul ɔ biɛ mi pɛ nyumu nɛ ɔ ngɛ mumi yayami ɔmɛ hiae ngɛ ɔ nɛ.”

Mateo 26:61

nɛ a ba de ke, “Nyumu nɛ ɔ de ke, ‘Ma nyɛ ma ku Mawu sɔlemi we ɔ pue si, nɛ ligbi etɛ se ɔ, ma fia ekohu.’ ”

Luka 23:2

Nɛ a bɔni e nya pomi ke, “Wa nu nyumu nɛ ɔ nɛ e ngɛ wa ma mi bi ɔmɛ a tue puɛe. Wa nu nɛ e ngɛ mɛ dee ke a ko tsu tó ha Kaisare ɔ, se lɛ nitsɛ ji Kristo, matsɛ ɔ nɛ.”

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Yohane 7:27

Kristo ɔ nɛɛ, anɛ nɔ ko maa le he nɛ e maa je lo? Tse wɔ tsuo wa le he nɛ nɔmlɔ nɛ ɔ je.”

Yohane 7:28

Jehanɛ, benɛ Yesu ngɛ ní ɔ tsɔɔe ngɛ sɔlemi we ɔ, e kpa ngmlaa kɛ bi ke, “Anɛ nyɛ le mi tutuutu? He nɛ i je ɔ, nyɛ le? Pi imi nitsɛ ye he wami nya nɛ i ba. Nɔ nɛ tsɔ mi ɔ, anɔkualetsɛ ji lɛ; nyɛɛ nyɛ li lɛ.

Yohane 8:14

Yesu he nɔ ke, “E ngɛ mi mohu kaa imi nitsɛ i ngɛ ye he odase yee lɛɛ, se ye odase ɔ ngɛ mi, ejakaa i le he nɛ i je, kɛ he nɛ i yaa. Nyɛɛ lɛɛ nyɛ li he nɛ i je kɛ ba; nɛ he nɛ i yaa hu nyɛ li.

Yohane 9:16

Farisi bi ɔmɛ a ti ni komɛ de ke, “Nɔmlɔ nɛ pee nɔ́ nɛ ɔ, pi Mawu ngɔ nɛ e je; ejakaa e bui Hejɔɔmi ligbi ɔ.” Se a ti ni komɛ lɛɛ a de ke, “Kɛ nɔmlɔ nɛ peeɔ yayami ma plɛ kɛ to okadihi kaa kikɛ nɛ ɔ kɛɛ?” Kɛkɛ nɛ ni ɔmɛ a mi gba.

Yohane 9:24

Yuda bi ɔmɛ kpale tsɛ nyumu ɔ nɛ a fɔ lɛ hɛ yuyuilɔ ɔ ekohu, nɛ a bi lɛ ke, “Ka wɔ kita ngɛ Mawu hɛ mi ngɛ hiɛmɛ nɛ ɔ kaa o maa tu wɔ anɔkuale! Wɔɔ lɛɛ wa le kaa nɔmlɔ nɛ tsa mo ɔ yayami peelɔ ji lɛ.”

Yohane 9:30

Nyumu ɔ de mɛ ke, “Mɛni nyakpɛ sane ji nɛ ɔ! Nɔmlɔ nɛ bli ye hɛngmɛ ɔ, nyɛɛ lɛɛ nyɛ ke nyɛ li he nɛ e je!

Ni Tsumi 22:22

Ni ɔmɛ bu Paulo tue hluu kɛ ba si e wo munyu nɛ ɔ ta, kɛkɛ nɛ a bɔni ngmlaa kpami wawɛɛ ke, “A kɛ lɛ nɛ ho! A gbe lɛ! E sɛ kaa e hii je mi!”

Ni Tsumi 26:22

Se Mawu piɛ ye he kɛ ba su mwɔnɛ ligbi nɛ ɔ, nɛ i daa si ngɛ nyɛ hɛ mi kɛ ngɛ odase yee kɛ ngɛ nimli tsuo tsɔɔe, nimli wawi kɛ nimli nguahi tsuo. Nɔ́ nɛ Mose kɛ gbali ɔmɛ de to kaa e maa ba mi ɔ, lɔ ɔ nɔuu nɛ i ngɛ dee.

Ni Tsumi 7:35

“Kikɛmɛ a Mose nɛ ɔ nɔuu nɛ Israel ma a ke a hla we lɛ, nɛ a bi ke, ‘Mɛnɔ lɛ wo mo wa nɔ matsɛ kɛ kojolɔ?’ ɔ, Mawu gu bɔfo ɔ nɛ je e he kpo tsɔɔ lɛ ngɛ pú ɔ mi ɔ nɔ, nɛ e tsɔ lɛ kaa e ba ye a nɔ nɛ e kpɔ mɛ.

Mose V, 34:10

Gbalɔ ko ti si hu ngɛ Israel kaa Mose, nɛ́ e kɛ Mawu tu munyu hɛ mi kɛ hɛ mi.

Hebribi 1:1

Blema a, Mawu kɛ wa nɛmɛ ɔmɛ tu munyu si abɔ kɛ gu gbali ɔmɛ a nɔ ngɛ blɔ slɔɔtohi babauu a nɔ;

Hebribi 1:2

se mwɔnɛmwɔnɛ ɔ lɛɛ e Bi ɔ nɔ e gu nɛ e kɛ wɔ tu munyu. Lɛ nɔuu e nɔ Mawu gu kɛ bɔ je ɔ kɛ e mi ní tsuo, nɛ lɛ nɛ Mawu hla kaa e ye e ní tsuo.