Yohane 9:26 - BAIBLO ALOO NGMAMI KLƆUKLƆU Ɔ

²⁶ A bi lɛ ekohu ke, “Kɛ e pee mo kɛɛ? Kɛ e pee kɛɛ nɛ e bli o hɛngmɛ ɔmɛ ɔ?”

Somi He Ɔ

²⁶ Nɛ a bi lɛ ekohu ke: “Mɛni e pee mo? Kɛ pee kɛɛ nɛ e bli o hɛngmɛ ɔ?”

Yohane 9:26 ပူးပေါင်းရင်းမြစ်များ

Abɛ Womi 26:5

Ke kuasia tu biɛmi munyu ɔ, ha lɛ heto bɔ nɛ sa lɛ pɛ. Kɛkɛ ɔ, e maa na kaa mamoo e li nɔ́ ko nɔ́ ko fɛɛ.

Yeremia 36:17

A bi Baruk ekohu ke, “Kɛ o pee kɛ ngma munyu nɛ ɔmɛ tsuo kɛɛ? Anɛ Yeremia lɛ tsɛ munyu ɔmɛ kɛ ha mo lo? De wɔ koo!”

Luka 6:7

Mlaa tsɔɔli komɛ, kɛ Farisi bi komɛ huɔ Yesu kaa e ma tsa nɔ Hejɔɔmi ligbi ɔ, konɛ a na nɔ́ ko nɛ a da nɔ kɛ ya po e nya.

Yohane 9:10

A bi lɛ ke, “Kɛ pee kɛɛ loko jehanɛ ɔ lɛɛ o ngɛ nɔ hyɛe ɔ?”

Yohane 9:15

Farisi bi ɔmɛ kpale bi nyumu ɔ ekohu bɔ nɛ pee nɛ e na tsami ɔ. E de mɛ ke, “E pɔtɔ zu kɛ ha ye hɛngmɛ ɔmɛ a nɔ, nɛ i ya fɔ ye he, kɛkɛ nɛ i bɔni nɔ hyɛmi.”

Yohane 9:25

Se nyumu ɔ he nɔ ke, “Yayami peelɔ ji lɛ oo, pi yayami peelɔ ji lɛ oo; imi lɛɛ i li! Nɔ́ kake pɛ i le; be ko nɛ be ɔ, hɛ yuyuilɔ ji mi; se amlɔ nɛ ɔ, i ngɛ nɔ hyɛe.”

Yohane 9:27

E he nɔ ke, “Tse i de nyɛ enɛ ɔ momo nɛ nyɛ bui mi tue. Mɛni nyɛ ngɛ hlae nɛ nyɛɛ nu ekohu. Nyɛ hu nyɛ suɔ kaa nyɛ maa pee e kaseli lo?”