Yohane 9:24 - BAIBLO ALOO NGMAMI KLƆUKLƆU Ɔ

²⁴ Yuda bi ɔmɛ kpale tsɛ nyumu ɔ nɛ a fɔ lɛ hɛ yuyuilɔ ɔ ekohu, nɛ a bi lɛ ke, “Ka wɔ kita ngɛ Mawu hɛ mi ngɛ hiɛmɛ nɛ ɔ kaa o maa tu wɔ anɔkuale! Wɔɔ lɛɛ wa le kaa nɔmlɔ nɛ tsa mo ɔ yayami peelɔ ji lɛ.”

Somi He Ɔ

²⁴ Kɛkɛ nɛ a tsɛ nyumu nɛ sa nɛ e ji hɛ yuyuilɔ ɔ, nɔ́ nɛ ji si enyɔ, nɛ a de lɛ ke: “Ngɔɔ hɛ mi nyami ngɔ ha Mawu; se wɔɔ lɛɛ wa le kaa nɔmlɔ nɔ yayami peelɔ ji lɛ.”

Yohane 9:24 ပူးပေါင်းရင်းမြစ်များ

Yohane 9:16

Farisi bi ɔmɛ a ti ni komɛ de ke, “Nɔmlɔ nɛ pee nɔ́ nɛ ɔ, pi Mawu ngɔ nɛ e je; ejakaa e bui Hejɔɔmi ligbi ɔ.” Se a ti ni komɛ lɛɛ a de ke, “Kɛ nɔmlɔ nɛ peeɔ yayami ma plɛ kɛ to okadihi kaa kikɛ nɛ ɔ kɛɛ?” Kɛkɛ nɛ ni ɔmɛ a mi gba.

Yoshua 7:19

Yoshua de Akan ke, “Ye bi, tu mi anɔkuale, nɛ o de mi nɔ́ nɛ o pee ɔ ngɛ Yawɛ, Israel Mawu ɔ hɛ mi. Mo de mi koo; mɛni o pee? Koo laa mi ba.”

Yohane 19:6

Benɛ osɔfo nikɔtɔma amɛ, kɛ tsɔli ɔmɛ na Yesu ɔ, a kpa ngmlaa ke, “Sɛu lɛ! Sɛu lɛ!” Pilato de mɛ ke, “Nyɛ nitsɛmɛ nyɛɛ ngɔ lɛ nɛ nyɛ ya sɛu mɔ; ejakaa imi lɛɛ i nɛ sane yobu ko ngɛ e he nɛ ma da nɔ kɛ bu lɛ fɔ.”

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

Yohane 18:30

A he nɔ ke, “E pee we yayami ko jinɛ waa kɛ lɛ ba be mo hae.”

Yohane 16:2

A maa fie nyɛ kɛ je kpe he ɔmɛ, nɛ be maa ba nɛ ke nihi ngɛ nyɛ gbee ɔ, a ma susu kaa Mawu lɛ a ngɛ jae.

Yohane 14:30

I kɛ nyɛ be munyu tue be kɛkɛ hu, ejakaa nɔ nɛ yeɔ je nɛ ɔ nɔ matsɛ ɔ ma. E be he wami ko ngɛ imi ye nɔ;

Yohane 8:49

Yesu he nɔ ke, “Mumi yayami be ye mi. Imi lɛɛ Tsaatsɛ hɛ mi nyami i woɔ, se nyɛɛ lɛɛ nyɛ ngɛ ye he guɛ gbee.

Yohane 8:46

Nyɛ ti mɛnɔ ma nyɛ tsɔɔ kaa i pee yayami. Ke anɔkuale i tuɔ ɔ, lɛɛ mɛni he je nyɛ he we mi yi ɔ?

Yohane 5:23

Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.

Luka 19:7

Nihi tsuo nɛ na nɔ́ nɛ ɔ, tu munyu huitihuiti ke, “Nyumu nɛ ɔ ya to yayami peelɔ we mi.”

Luka 15:2

Farisi bi ɔmɛ, kɛ mlaa tsɔɔli ɔmɛ bɔni munyu huitihuiti tumi ke, “Nyumu nɛ ɔ kɛ yayami peeli bɔɔ, nɛ e kɛ mɛ yeɔ ní po.”

Luka 7:39

Benɛ Farisi no ɔ nɛ tsɛ Yesu ní yemi ɔ na a, e de ngɛ e yi mi ke, “Nyumu nɛ ɔ, gbalɔ nitsɛ ji lɛ jinɛ e ko le yo nɛ ngɛ e he tae nɛ ɔ mi tso kaa yayami peelɔ ji lɛ!”

Marko 15:27

A sɛu awi yeli enyɔ hu ngɔ piɛ e he; nɔ kake ngɛ e hiɔ nɔ, nɛ nɔ kake ngɛ e muɔ nɔ. [

Yesaya 66:5

Nyɛ ni nɛmɛ nɛ nyɛ yeɔ Yawɛ gbeye, nɛ nyɛ buɔ lɛ, nyɛ ta tue, “Akɛnɛ nyɛ yeɔ mi anɔkuale ɔ, nyɛ ma mi bi ɔmɛ ekomɛ nyɛɔ nyɛ, nɛ a kɛ nyɛ pee we nɔ́ ko nɔ́ ko, se nyɛ he fɛu mohu a yeɔ. A deɔ ke, ‘Yawɛ nɛ je e he wami kpo nɛ e he nyɛ yi wami, konɛ waa na bɔ nɛ nyɛ ma nya ha.’ Se mɛ nitsɛmɛ a hɛ mi si mohu a ma pue!

Ezra 10:11

Lɔ ɔ he ɔ, nyɛɛ jaje nyɛ he yayami ɔmɛ kɛ ha Yawɛ, nyɛ nɛmɛ a Mawu ɔ, nɛ nyɛɛ pee nɔ́ nɛ sa e hɛ mi. Nyɛ tsɔ nyɛ he kɛ je nibwɔ ɔmɛ nɛ ngɛ wa zugba a nɔ ɔ a he; nyɛɛ ngmɛɛ nyɛ ma se yi ɔmɛ a he.”

Yohane 9:25

Se nyumu ɔ he nɔ ke, “Yayami peelɔ ji lɛ oo, pi yayami peelɔ ji lɛ oo; imi lɛɛ i li! Nɔ́ kake pɛ i le; be ko nɛ be ɔ, hɛ yuyuilɔ ji mi; se amlɔ nɛ ɔ, i ngɛ nɔ hyɛe.”

Kpojemi 11:13

Jamɛ a be ɔ nɔuu ɔ, zugba mimiɛ wawɛɛ; ma a mi dlami nyɔngma mi kake hɛ mi kpata, nimli akpe kpaago gbo, nɛ ni nɛmɛ nɛ piɛ ɔ ye gbeye, nɛ a wo Mawu nɛ ngɛ hiɔwe ɔ hɛ mi nyami.