Yohane 9:2 - BAIBLO ALOO NGMAMI KLƆUKLƆU Ɔ

² Kaseli ɔmɛ bi Yesu ke, “Tsɔɔlɔ, mɛnɔ lɛ pee yayami nɛ a fɔ nɔmlɔ nɛ ɔ hɛ yuyuilɔ ɔ? Lɛ nitsɛ, aloo e fɔli?”

Somi He Ɔ

² Nɛ e kaseli ɔmɛ bi lɛ ke: “Rabi, mɛnɔ lɛ pee yayami, nɔ nɛ ɔ loo e fɔli, he je nɛ a fɔ lɛ hɛ yuyuilɔ nɛ ɔ?”

Yohane 9:2 ပူးပေါင်းရင်းမြစ်များ

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Mateo 16:14

A he nɔ ke, “Ni komɛ ke Yohane nɔ sɔlelɔ ɔ; ni komɛ ke Eliya, nɛ ni kpa komɛ deɔ ke Yeremia, aloo gbali ɔmɛ a ti nɔ kake.”

Mateo 23:7

a suɔ nɛ a kɛ bumi nɛ nga mɛ ngɛ jua nɔ, nɛ a tsɛ mɛ ke, ‘Tsɔɔlɔ!’

Mateo 23:8

Nyɛɛ lɛɛ, a ko tsɛ nyɛ ‘Tsɔɔlɔ’, ejakaa nyɛ tsuo pɛpɛɛpɛ nyɛmimɛ ji nyɛ, nɛ tsɔɔlɔ kake pɛ nyɛ ngɛ.

Luka 13:2

Yesu bi mɛ ke, “Anɛ nyɛ susu kaa blɔ nɔ nɛ Galilea bi nɛ ɔmɛ gu kɛ gbo ɔ tsɔɔ kaa mɛ ji yayami peeli kpanakuhi pe Galilea bi tsuo lo?

Yohane 4:31

Jamɛ a be ɔ, kaseli ɔmɛ bɔni Yesu pɛɛ kpami ke e ba wo e nya mi nɔ́ ko.

Yohane 9:1

Benɛ Yesu nyɛɛ kɛ yaa a, e na nyumu ko nɛ hɛ yu kɛ je be nɛ a fɔ lɛ.

Yohane 9:34

A he nɔ ke, “Mo nɛ a fɔ mo, nɛ a tsɔse mo ngɛ yayami mi ɔ, o ngɛ hlae nɛ o tsɔɔ wɔ ní?” Kɛkɛ nɛ a fie lɛ kɛ je a jami ɔ mi.

Ni Tsumi 28:4

Benɛ lejɛ ɔ bi ɔmɛ na lohwe ɔ nɛ kplaa si ngɛ Paulo nine he ɔ, a de a he ke, “Nyumu nɛ ɔ, nɔmlɔ gbelɔ ji lɛ. E ná je osla mi ngɛ wo ɔ mi lɛɛ, se loloolo ɔ, e sɛsɛɛ ngmɛ́ lɛ blɔ kaa e hi je mi.”