Yohane 9:16 - BAIBLO ALOO NGMAMI KLƆUKLƆU Ɔ

¹⁶ Farisi bi ɔmɛ a ti ni komɛ de ke, “Nɔmlɔ nɛ pee nɔ́ nɛ ɔ, pi Mawu ngɔ nɛ e je; ejakaa e bui Hejɔɔmi ligbi ɔ.” Se a ti ni komɛ lɛɛ a de ke, “Kɛ nɔmlɔ nɛ peeɔ yayami ma plɛ kɛ to okadihi kaa kikɛ nɛ ɔ kɛɛ?” Kɛkɛ nɛ ni ɔmɛ a mi gba.

Somi He Ɔ

¹⁶ Lɔ ɔ he ɔ Farisifo ɔmɛ a ti ni komɛ de ke: “Nyumu nɛ ɔ ji Mawu ngɔ, ejakaa e yi Hejɔɔmi Ligbi ɔ.” Ni komɛ hu ke: “Kɛ nɔmlɔ ko nɛ ji yayami peelɔ maa pee kɛɛ nɛ e ma nyɛ okadihi kaa enɛ ɔmɛ pee?” Nɛ migbami ba a kpɛti.

Yohane 9:16 ပူးပေါင်းရင်းမြစ်များ

Mateo 12:10

nɛ e na nyumu ko nɛ e nine kake gbo. Ni komɛ ngɛ lejɛ ɔ nɛ a ngɛ hlae nɛ a po Yesu nya kaa e ngɛ nɔ́ nɛ dɛ blɔ pee. Lɔ ɔ he ɔ, a bi lɛ ke, “Ke a tsa nɔ Hejɔɔmi ligbi ɔ, anɛ a tɔ mlaa a lo?”

Mateo 12:2

Benɛ Farisi bi ɔmɛ na a, a de Yesu ke, “Hyɛ, nɔ́ nɛ o kaseli ɔmɛ ngɛ pee nɛ ɔ, mlaa a ngmɛ́ blɔ kaa a peeɔ Hejɔɔmi ligbi ɔ.”

Luka 13:14

Kpe he nɔkɔtɔma a mi mi wo la kaa Yesu tsa nɔ Hejɔɔmi ligbi ɔ. Lɔ ɔ he ɔ, e wo e nya nɔ nɛ e de ma kpekpemi ɔ ke, “Ligbi ekpa lɛ sa kaa a kɛ tsuɔ ní. Lɔ ɔ he ɔ, nyɛɛ ba jamɛ a be ɔ, konɛ a tsa nyɛ; se pi Hejɔɔmi ligbi ɔ!”

Yohane 10:19

Munyu nɛ ɔmɛ hu ha nɛ Yuda bi ɔmɛ a mi gba ekohu.

Yohane 14:11

Ke i de ke i ngɛ Tsɛ ɔ mi, nɛ Tsɛ ɔ ngɛ ye mi ɔ, nyɛ he ye munyu ɔ nyɛɛ ye. Ke nɔ́ nɛ i de ɔ nɛ nyɛ he we yi pohu ɔ, lɛɛ ní nɛ ɔmɛ nɛ i tsu ɔ a he ɔ, nyɛ he ye mɔ.

Yohane 15:24

Kaa i ba tsu we ní nguanguahi nɛ nɔ ko tsu we hyɛ ɔ ngɛ a kpɛti ɔ, jinɛ a ko yi fɔ kaa a pee yayami. Jehanɛ ɔ, i tsu ní nɛ ɔmɛ nɛ a na paa; se kɛ̃ ɔ, a ngɛ i kɛ Tsaatsɛ tsuo nyɛe.

Yohane 2:11

Enɛ ɔ ji kekleekle nyakpɛ nɔ́ nɛ Yesu pee ngɛ Kana ngɛ Galilea kɛ to okadi kaa Mawu ha lɛ he wami; nɛ e kaseli ɔmɛ he lɛ ye.

Yohane 3:2

Nyumu nɛ ɔ ba Yesu ngɔ nyɔ mi, nɛ e ba de lɛ ke, “Tsɔɔlɔ, wa le kaa tsɔɔlɔ nɛ Mawu tsɔ kɛ ba ji mo. Níhi tsuo nɛ o peeɔ ɔ kɛ toɔ okadi ɔ, nɔ ko nɔ ko be nyɛe maa pee, ja Mawu piɛ e he.”

Yohane 5:10

Lɔ ɔ he ɔ, Yuda ma nimeli ɔmɛ de nɔ nɛ a tsa lɛ ɔ ke, “Mwɔnɛ ɔ, Hejɔɔmi ligbi; wa mlaa a ngmɛ́ blɔ kaa o hɛɛɔ o sa.”

Yohane 5:36

Imi lɛɛ i ngɛ odase nɛ pe Yohane nɔ́ ɔ, ejakaa ní tsumihi nɛ Tsaatsɛ ngɔ ha mi kaa ma tsu ɔ, jamɛ a ní tsumi ɔmɛ nɛ́ i tsuɔ ɔ nɔuu yeɔ ye he odase kaa Tsɛ ɔ lɛ tsɔ mi.

Yohane 6:52

Jehanɛ Yuda bi ɔmɛ sɔuu bɔni nya sami, nɛ a bi ke, “Kɛ nɔmlɔ nɛ ɔ maa ngɔ e he lo ha wɔ nɛ waa ye kɛɛ?”

Yohane 7:12

Ma a tsuo tu Yesu he munyu kusikusi. Benɛ ni komɛ de ke, “Nɔmlɔ kpakpa ji lɛ” ɔ, ni komɛ hu de ke, “Dɛbi, e ngɛ ma a nane tɔtɔe”.

Yohane 7:23

Ke Hejɔɔmi ligbi ɔ, nyɛ poɔ nɔ, konɛ a ko tɔ Mose mlaa a, mɛni he je nyɛ mi mi fuɔ mi kaa i tsa hiɔtsɛ Hejɔɔmi ligbi ɔ?

Yohane 7:43

Benɛ a de nɔ́ nɛ ɔ, kɛkɛ nɛ ni ɔmɛ a mi gba enyɔ ngɛ Yesu he.

Yohane 9:24

Yuda bi ɔmɛ kpale tsɛ nyumu ɔ nɛ a fɔ lɛ hɛ yuyuilɔ ɔ ekohu, nɛ a bi lɛ ke, “Ka wɔ kita ngɛ Mawu hɛ mi ngɛ hiɛmɛ nɛ ɔ kaa o maa tu wɔ anɔkuale! Wɔɔ lɛɛ wa le kaa nɔmlɔ nɛ tsa mo ɔ yayami peelɔ ji lɛ.”

Ni Tsumi 14:4

Ma a mi bi ɔmɛ a mi gba enyɔ; ni fa ngɛ Yuda bi ɔmɛ a se, nɛ fa hu ngɛ bɔfo ɔmɛ a se.