Yohane 9:10 - BAIBLO ALOO NGMAMI KLƆUKLƆU Ɔ

¹⁰ A bi lɛ ke, “Kɛ pee kɛɛ loko jehanɛ ɔ lɛɛ o ngɛ nɔ hyɛe ɔ?”

Somi He Ɔ

¹⁰ Lɔ ɔ he ɔ a bi lɛ ke: “Kɛ pee kɛɛ nɛ o hɛngmɛ bli ɔ?”

Yohane 9:10 ပူးပေါင်းရင်းမြစ်များ

Fiɛlɔ 11:5

Níhi nɛ Mawu pee ɔ, o juɛmi su a he lo? Ke o juɛmi sui a he ɔ, lɛɛ kɛ o maa pee kɛ le bɔ nɛ wami he jeɔ sisi ngɛ yohɔyo mi mi kɛɛ?

Yeremia 36:17

A bi Baruk ekohu ke, “Kɛ o pee kɛ ngma munyu nɛ ɔmɛ tsuo kɛɛ? Anɛ Yeremia lɛ tsɛ munyu ɔmɛ kɛ ha mo lo? De wɔ koo!”

Marko 4:27

E ya hwɔɔ si nyɔ mi, nɛ ke je na a, e teɔ si. Be nɛ ɔ mi tsuo ɔ, wu ɔmɛ ngɛ puɛe nɛ a ngɛ wae, se kɛ̃ e li nɔ́ nɛ ngɛ nɔ yae.

Yohane 3:9

Nikodemo bi Yesu ekohu ke, “Kɛ e maa pee kɛɛ nɛ enɛ ɔ maa ba mi?”

Yohane 6:1

Enɛ ɔmɛ a se ɔ, Yesu po Galilea taku ɔ nɛ a tsɛɛ Tiberia taku hulɔ ɔ.

Yohane 9:11

E de mɛ ke, “Nyumu ɔ nɛ a tsɛɛ lɛ Yesu ɔ nɛ pɔtɔ zu, nɛ e ngɔ ha ye hɛngmɛ ɔmɛ a nɔ. Lɔ ɔ se ɔ, e de mi ke ma ya fɔ ye he ngɛ Siloam pa a mi. Benɛ i ya fɔ ye he pɛ nɛ i bɔni nɔ hyɛmi.”

Yohane 9:15

Farisi bi ɔmɛ kpale bi nyumu ɔ ekohu bɔ nɛ pee nɛ e na tsami ɔ. E de mɛ ke, “E pɔtɔ zu kɛ ha ye hɛngmɛ ɔmɛ a nɔ, nɛ i ya fɔ ye he, kɛkɛ nɛ i bɔni nɔ hyɛmi.”

Yohane 9:21

Se bɔ nɛ ba nɛ e ngɛ nɔ hyɛe amlɔ nɛ ɔ, lɔ ɔ lɛɛ wa li; nɛ nɔmlɔ nɛ ha nɛ e bɔni nɔ́ hyɛmi ɔ hu wa li lɛ. Nyɛ bi lɛ; e wa nɛ lɛ nitsɛ e ma nyɛ je munyu nya.”

Yohane 9:26

A bi lɛ ekohu ke, “Kɛ e pee mo kɛɛ? Kɛ e pee kɛɛ nɛ e bli o hɛngmɛ ɔmɛ ɔ?”

Yohane 9:9

Ni komɛ de ke, “Nyumu ɔ ji nɛ ɔ nɛ!” Se ni komɛ hu de ke, “Dɛbi, pi lɛ; e je lɛ kɛkɛ.” Kɛkɛ nɛ nyumu ɔ nitsɛ de mɛ ke, “Imi ji lɛ.”

1 Korintobi 15:35

Se nɔ ko ma bi ke, “Kɛ a maa pee kɛ tle ni gbogboehi si kɛ ba wami mi ekohu kɛɛ? Nɛ mɛni nɔmlɔ tso nɛ a maa hɛɛ?”