Yohane 8:9 - BAIBLO ALOO NGMAMI KLƆUKLƆU Ɔ

⁹ Se mɛɛ lɛɛ benɛ a nu munyu nɛ ɔ, a bɔni jemi kakaaka, kɛ je nɔkɔtɔma a nɔ kɛ ya si e piɛ Yesu, kɛ yo ɔ pɛ nɛ daa si ngɛ lejɛ ɔ kɛ mwɔɔ.

Somi He Ɔ

⁹ Se mɛɛ lɛɛ benɛ a nu ɔ, a bɔni kpo jemi kakaaka, kɛ je kekle nɔ ɔ nɔ kɛ ya si sekpɛ nɔ ɔ nɔ, nɛ e ba piɛ Yesu nɔ kake kɛ yo ɔ nɛ daa si ngɛ kpɛti.

Yohane 8:9 ပူးပေါင်းရင်းမြစ်များ

Matsɛmɛ I, 17:18

Kɛkɛ nɛ yo ɔ de Eliya ke, “Mawu nɔmlɔ, mɛni he je o pee mi nɔ́ nɛ ɔ? Pe o ba hiɛ ɔ nɛ o ba kai Mawu ye he yayami ɔmɛ, konɛ ye binyumu ɔ nɛ gbo lo?”

Matsɛmɛ I, 2:44

Mo nitsɛ o le yayamihi tsuo nɛ o je blɔ pee tsaatsɛ David. Yawɛ maa wo mo he hiɔ.

Hiob 20:27

Hiɔwe ma je nyumu nɛ ɔ yayami ɔ kpo, nɛ zugba maa ye odase kɛ si lɛ.

Hiob 20:5

yiwutsotsɛ hɛ mi nyami ɔ, e se kɛ we; nɛ nɔmlɔ nɛ li Mawu ɔ, e bua jɔmi peeɔ kuku kɛkɛ.

La 40:14

Nihi nɛ hlaa kaa a maa gbe mi ɔ, ha nɛ zo nɛ gbe mɛ nɛ a hɛ mi nɛ pee mɛ yaa. Ni nɛmɛ nɛ nyaa be mi nɛ i ngɛ nɔ́ nae ɔ, ha nɛ a kpale a se kɛ zo.

La 50:21

O pee ní nɛ ɔmɛ tsuo; se akɛnɛ i de we nɔ́ ko he je ɔ, o susu kaa i ngɛ kaa mo. Jehanɛ lɛɛ i ngɛ o hɛ mi kae; i ngɔ nɔ́ tsuaa nɔ́ kɛ ngɛ o hɛ mi mae paa.

La 71:13

Ha nɛ zo nɛ gbe ye he nyɛli ɔmɛ, nɛ a hɛ mi nɛ kpata pɛsɛpɛsɛ. Nihi nɛ a ngɛ hlae nɛ a pee mi yayami ɔ, ha nɛ zo nɛ gbe mɛ, nɛ ahlua hu nɛ bɔ mɛ.

Fiɛlɔ 7:22

Mo nitsɛ o le ngɛ o tsui mi kaa behi fuu ɔ, mo hu o gbiɛɛ ni komɛ.

Luka 13:17

Benɛ e de enɛ ɔ, zo gbe e he nyɛli ɔmɛ tsuo, nɛ ma a lɛɛ a na bua jɔmi ngɛ nyakpɛ níhi tsuo nɛ e pee ɔ a he.

Yohane 8:10

Jehanɛ ɔ, Yesu wo e yi nɔ ekohu, nɛ e bi yo ɔ ke, “Maa, nihi nɛ ba po o nya a, jije a ngɛ? A ti nɔ kake po bui mo fɔ lo?”

Yohane 8:12

Yesu, kɛ Farisi bi ɔmɛ tu munyu ekohu, nɛ e de mɛ ke, “Imi ji je ɔ la a nɛ. Nɔ tsuaa nɔ nɛ nyɛɛɔ ye se ɔ, e naa la a nɛ haa nɔ wami ɔ; nɛ e be diblii mi nyɛɛe kɔkɔɔkɔ.”

Yohane 8:2

E nɔ jena mɔtu mla a, e kpale e se kɛ ba sɔlemi we ɔ. Ni ɔmɛ tsuo ba bu e nɔ, nɛ e hi si, nɛ e bɔni mɛ ní tsɔɔmi.

Yohane 8:3

Mlaa tsɔɔli ɔmɛ, kɛ Farisi bi ɔmɛ ngɔ yo ko nɛ ya ngɛ ajuama bɔe nɛ a nu lɛ kɛ ba, nɛ a kɛ lɛ ba da ma a tsuo hɛ mi.

Yohane 8:8

Yesu kpale sɔ̃ si, nɛ e tsa ní ngmami ɔ nɔ ngɛ zugba.

Romabi 2:15

A ní peepee tsɔɔ kaa nɔ́ nɛ mlaa a ngɛ hlae kaa a pee ɔ, Mawu ngɔ wo a tsui mi momo; nɛ a he nile hu yeɔ enɛ ɔ he odase. Ejakaa be komɛ ɔ, a susumi deɔ mɛ ke nɔ́ nɛ a ngɛ pee ɔ dɛ, nɛ be komɛ hu e deɔ mɛ ke e da.

Romabi 2:22

Nyɛ deɔ ke a ko puɛ gba; se nyɛ puɛ we gba lo? Amagahi a he peeɔ nyɛ tai, se tse nyɛ ya juɔ ngɛ wɔ piɛhi a mi?

1 Yohane 3:20

Se ke wa he nile buɔ wɔ fɔ ɔ, wa le kaa Mawu kle pe wa he nile ɔ, nɛ e le nɔ́ tsuaa nɔ́ hulɔ.