Yohane 8:53 - BAIBLO ALOO NGMAMI KLƆUKLƆU Ɔ

⁵³ Tsaatsɛ Abraham nɛ gbo ɔ, o pe lɛ lo? Jehanɛ ɔ hu, gbali ɔmɛ nɛ gbo ɔ nɛɛ? Kɛ moo lɛɛ o buɔ o he kɛɛ?”

Somi He Ɔ

⁵³ Anɛ o pe wa tsɛ Abraham nɛ gbo ɔ? Nɛ gbali ɔmɛ hu gbo. Kɛ o ngɛ o he tsɛe kɛɛ nɛ ɔ?”

Yohane 8:53 ပူးပေါင်းရင်းမြစ်များ

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Mateo 12:6

I ngɛ nyɛ dee ke, nɔ́ ko ngɛ hiɛ ɔ nɛ pe sɔlemi we ɔ.

Mateo 3:9

Nyɛ ko susu kaa ke nyɛ de kɛkɛ ke nyɛ nɛ̃ ji Abraham ɔ, nɛ tue gblami ko be nyɛ nɔ bae. I ngɛ nyɛ dee ke, Mawu ma nyɛ ngɔ tɛ nɛ ɔmɛ kɛ pee Abraham nina!

Yohane 10:33

Yuda bi ɔmɛ he nɔ ke, “Tsa pi kpakpa nɛ o pee ɔ he nɛ wa maa fia mo tɛ ɔ, se mohu musu nɛ o bɔ ɔ he. Nɔmlɔ adesa kɛkɛ ji mo, se o peeɔ o he Mawu.”

Yohane 12:34

Ma kpekpemi ɔ he nɔ ke, “Wa mlaa a de ke Kristo ɔ maa hi si kɛ maa ya neneene. Kɛ pee kɛɛ nɛ moo lɛɛ o deɔ ke a ma wo Nɔmlɔ Bi ɔ nɔ ɔ? Mɛnɔ ji kikɛmɛ a Nɔmlɔ Bi nɛ ɔ?”

Yohane 19:7

Yuda bi ɔmɛ he nɔ ke, “Wɔɔ lɛɛ wa ngɛ mlaa, nɛ wa mlaa a nya a, e sa gbenɔ, ejakaa e pee e he Mawu Bi.”

Yohane 4:12

Wa nɛ̃ Yakob nɛ ha wɔ kikɛmɛ a vu nɛ ɔ; nɛ lɛ nitsɛ, kɛ e bimɛ, kɛ e lohwehi tsuo nu e mi nyu. Anɛ o ngɛ hlae nɛ o tsɔɔ kaa moo o pe Yakob ɔ lo?”

Yohane 5:18

Nɔ nɛ e de nɛ ɔ mohu ha Yuda ma nimeli ɔmɛ a hɛ dɔ pe kekle ɔ po, nɛ a to kaa ja a gbe lɛ. Ejakaa pi mlaa a nɛ kɔɔ Hejɔɔmi ligbi ɔ he ɔ kɛkɛ nɛ e tɔ̃; se e de hu ke e tsɛ ji Mawu, nɛ́ tsɔɔ kaa e kɛ Mawu sɔ.

Yohane 8:58

Yesu he nɔ ke, “I ngɛ nyɛ dee anɔkuale mi ke i ngɛ loko a fɔ Abraham.”

Romabi 9:5

A mi nɛ wa nɛmɛ ɔmɛ je, nɛ Kristo ɔ tete a nina ji lɛ ngɛ he lo nya. Kristo ɔ ji Mawu Ope ɔ nɛ yeɔ nihi tsuo a nɔ ɔ nɛ. A je e yi kɛ ya neneene! Amen.