Yohane 8:48 - BAIBLO ALOO NGMAMI KLƆUKLƆU Ɔ

⁴⁸ Yuda bi ɔmɛ bi Yesu ke, “Ke wa de ke Samaria no ji mo, nɛ mumi yayami ngɛ o mi ɔ, wa tɔ lo?”

Somi He Ɔ

⁴⁸ Kɛkɛ nɛ Yudafo ɔmɛ he nɔ nɛ a de Yesu ke: “Anɛ e be mi kaa wa ke Samariano ji mo, nɛ mumi yayami hu ngɛ o mi ɔ lo?”

Yohane 8:48 ပူးပေါင်းရင်းမြစ်များ

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

Mateo 10:25

Lɔ ɔ he ɔ, ke kaselɔ, kɛ e tsɔɔlɔ ba sɔ ɔ, lɔ ɔ kɛkɛ hiɛ ha lɛ. Nyɔguɛ hu, ke e kɛ e nyɔmtsɛ ba sɔ ɔ, lɛ hu lɔ ɔ kɛkɛ hiɛ ha lɛ. Ke a tsɛ wetsɛ ɔ Beelzebul ɔ, e we mi bi ɔmɛ lɛɛ a ma tsɛ mɛ biɛ yaya pe jã po!

Mateo 10:5

Yesu tsɔ ni nyɔngma kɛ enyɔ nɛ ɔmɛ, nɛ e fa mɛ ke, “Nyɛ ko ya ma je li a zugba ko nɔ, nɛ nyɛ ko sɛ Samaria ma ko mi hulɔ.

Mateo 11:18

Benɛ Yohane ba a, e yi ní, nɛ e nui nɔ́ ko hulɔ. Se nɔ́ nɛ nihi tsuo de ngɛ e he ji, ‘Mumi yayami ngɛ e mi!’

Mateo 12:24

Benɛ Farisi bi ɔmɛ nu he ɔ, a de ke, “Mumi yayamihi a tsɛ Beelzebul ɔ biɛ mi pɛ nyumu nɛ ɔ ngɛ mumi yayami ɔmɛ hiae ngɛ ɔ nɛ.”

Mateo 12:31

Lɔ ɔ he ɔ, i ngɛ nyɛ dee ke, yayamihi nɛ nihi pee, kɛ musuhi nɛ a bɔ ɔ, a kɛ lɛ tsuo maa pa mɛ. Se nɔ nɛ maa bɔ musu kɛ si Mumi Klɔuklɔu ɔ, a kɛ be lɛ pae.

Mateo 15:7

Osatotsɛmɛ! Nɔ́ nɛ Yesaya gba ngɛ nyɛ he ɔ, anɔkuale sisiisi! Yesaya ngma ke,

Yohane 1:19

Yuda ma nimeli ɔmɛ nɛ ngɛ Yerusalem ɔ tsɔ osɔfo komɛ, kɛ Levi bi komɛ Yohane ngɔ. A ba bi lɛ ke, “Mɛnɔ ji mo?”

Yohane 10:20

A ti nihi fuu de ke, “Mumi yayami ngɛ e mi. Nɔmlɔ nɛ ngɛ godo nue ɔ, mɛni he je nyɛ ngɛ lɛ tue bue ɔ?”

Yohane 13:13

Tse nyɛ tsɛɔ mi Tsɔɔlɔ, nɛ nyɛ tsɛɔ mi Nyɔmtsɛ hulɔ! Saminya, e ngɛ mi jã.

Yohane 4:9

Yo ɔ bi Yesu ke, “Pi Yuda no ji mo lo? Nɛ kɛ pee kɛɛ nɛ o ngɛ imi Samaria no nyu bae nɛ o nu ɔ?” (Yuda bi kɛ Samaria bi yi.)

Yohane 7:20

Ma a tsuo he nɔ ke, “Mo nɔmlɔ nɛ ɔ, mumi yayami ngɛ o mi! Mɛnɔ ngɛ mo hlae nɛ e gbe?”

Yohane 8:22

Lɔ ɔ he ɔ, Yuda ma nimeli ɔmɛ bi ke, “Ke e de ke he nɛ e yaa a, wa be nyɛe maa ya a, kɛ e ngɛ tsɔɔe kɛɛ? E yaa gbe e he lo?”

Yohane 8:52

Yuda bi ɔmɛ de lɛ ke, “Jehanɛ lɛɛ wa ná nɔ mi mami kaa mumi yayami ngɛ o mi. Abraham gbo, nɛ gbali ɔmɛ hu gbo, se moo lɛɛ o ngɛ dee ke nɔ tsuaa nɔ nɛ buu o tsɔɔmi tue ɔ be gboe gblegbleegble.

Romabi 15:3

Ejakaa Kristo hu pee we lɛ nitsɛ e suɔmi nya ní; se mohu ngmami ɔ ke, “Níhi nɛ a de kɛ bɔ mo ahlua a, imi mohu ye hɛ mi si a pue.”

Hebribi 13:13

Lɔ ɔ he ɔ, nyɛ ha nɛ waa ya e ngɔ ngɛ ma sito he ɔ se, nɛ a bɔ wɔ ahlua ngɛ lejɛ ɔ kaa bɔ nɛ a pee lɛ ɔ.

Yakobo 2:19

Nyɛ heɔ yeɔ kaa Mawu kake pɛ lɛ ngɛ! Saminya! Mumi yayami ɔmɛ po heɔ yeɔ ja nɔuu. Nɛ lɔ ɔ haa a nuɔ sawale, nɛ a he doɔ blibliibli.