Yohane 8:44 - BAIBLO ALOO NGMAMI KLƆUKLƆU Ɔ

⁴⁴ Nyɛ tsɛ nɛ fɔ nyɛ ji Abosiami; nɛ nyɛ suɔ kaa nyɛ maa pee e suɔmi nya ní. Kɛ je sisije ɔ, nɔ gbelɔ ji lɛ, nɛ e kɛ anɔkuale yi gblegbleegble, ejakaa anɔkuale be e mi. Ke e ye lakpa a, e tsɔɔ bɔ nɛ e su ngɛ, ejakaa lakpatsɛ kpanaku ji lɛ.

Somi He Ɔ

⁴⁴ Nyɛɛ lɛɛ, nyɛ tsɛ nɛ nyɛ je e mi ji abosiami, nɛ nyɛ tsɛ ɔ tsui nya ni nyɛ suɔ kaa nyɛɛ pee. Lɛɛ nɔ gbelɔ ji lɛ kɛ je blema, nɛ e hi si ngɛ anɔkuale ɔ mi, ejakaa anɔkuale be e mi. Ke e ngɛ lakpa yee ɔ, lɛ nitsɛ e nihi a he munyu e tuɔ, ejakaa lakpatsɛ kɛ nya ngɔli a tsɛ ji lɛ.

Yohane 8:44 ပူးပေါင်းရင်းမြစ်များ

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Matsɛmɛ I, 22:22

Yawɛ bi lɛ ke, ‘Kɛ o maa pee kɛ mlɔɔ lɛ kɛɛ?’ Mumi ɔ he nɔ ke, ‘Ma ya nɛ ma ya ha nɛ Ahab gbali ɔmɛ tsuo maa ye lakpa.’ Yawɛ de lɛ ke, ‘Yaa nɛ o ya mlɔɔ lɛ; o maa ye manye.’ ”

Kronika I, 21:1

Abosiami ba te si ngɔ wo Israel, nɛ e wo David ga yaya ke e kane Israel ma a.

Hiob 1:11

Moo lɛɛ mo he ní ɔmɛ ngɛ e dɛ kaa e be mo gbiɛe ngɛ o hɛ mi lo!”

Mateo 12:34

Nyɛ sinɔhi a nina! Nyɛ nimli yayamihi! Kɛ nyɛ maa pee kɛ tu munyu kpakpa kɛɛ? Ejakaa nɔ́ nɛ hyi tsui mi tɔ ɔ, lɔ ɔ nya deɔ.

Mateo 13:15

Nimli nɛ ɔmɛ kplii a tsui; A wa tue, konɛ a ko nu nɔ́. A ma a hɛngmɛ, konɛ a ko hyɛ nɔ́. A pee kikɛ nɛ ɔ, konɛ a ko nu níhi a sisi; nɛ a ba kpale kɛ ba ye ngɔ nɛ ma tsa mɛ.’

Mateo 13:38

Ngmɔ ɔ ji je ɔ; wu kpakpa a ji matsɛ yemi mi bimɛ ɔmɛ; hu ɔ ji nɔ yayami ɔ bimɛ.

Yohane 6:70

Yesu bi mɛ ke, “Anɛ pi imi nɛ i hla nyɛ ni nyɔngma kɛ enyɔ ɔmɛ lo? Lɛ kɛ pee kɛɛ nɛ nyɛ ti nɔ kake peeɔ Abosiami ɔ?”

Yohane 7:17

Nɔ tsuaa nɔ nɛ suɔ kaa e maa pee Mawu suɔmi nya ní ɔ, e maa na kaa nɔ́ nɛ i ngɛ tsɔɔe ɔ je Mawu ngɔ, se pi imi nitsɛ ye he wami nya.

Yohane 8:38

Imi lɛɛ níhi nɛ Tsaatsɛ tsɔɔ mi ɔ, lɔ ɔmɛ i deɔ; se nyɛɛ lɛɛ níhi nɛ nyɛ tsɛ ɔ de nyɛ ɔ, lɔ ɔmɛ nyɛ peeɔ.”

Yohane 8:41

Níhi nɛ nyɛ tsɛ peeɔ ɔ, lɔ ɔmɛ ngɛ peeɔ ɔ nɛ.” A he nɔ ke, “Wɔɔ lɛɛ pi ajuama mi bimɛ ji wɔ. Wa ngɛ tsɛ kake. Wa tsɛ ji Mawu.”

Yohane 8:55

Imi le lɛ, se nyɛɛ lɛɛ nyɛ li lɛ. Ke i de ke i li lɛ ɔ, lɛɛ lakpatsɛ ji mi kaa nyɛ nɔuu. Se i le lɛ, nɛ i buɔ lɛ tue.

Ni Tsumi 13:10

nɛ e de ke, “Abosiami nitsɛnitsɛ ji mo! Nɔ́ kpakpa tsuaa nɔ́ kpakpa he nyɛlɔ! Ní yayamihi pɛ a he o susuu! Be tsuaa be ɔ, o bɔɔ mɔde kaa o ma tsake Nyɔmtsɛ ɔ anɔkuale munyu ɔ hɛ mi kɛ pee lakpa!

Ni Tsumi 24:9

Yuda bi ɔmɛ hu fia Tertulo nɔ́ ɔ se pɛpɛɛpɛ kaa bɔ nɛ e de ɔ.

Ni Tsumi 5:3

Kɛkɛ nɛ Petro de lɛ ke, “Anania, mɛni he je Satan ba sɛ o mi nɛ o ye Mumi Klɔuklɔu ɔ lakpa kikɛ nɛ ɔ? Sika nɛ o na benɛ o jua zugba a, o ngɔ fa ngɔ to, pi jã?

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

1 Petro 5:8

Nyɛ hɛ nɛ ka si; nyɛɛ pee klaalo! Nyɛ he nyɛlɔ, Abosiami ɔ ngɛ nyɛɛe kɛ ngɛ yae kɛ ngɛ bae kaa jata nɛ ngɛ huae, nɛ ngɛ nɔ ko hlae nɛ e tsɔtslɔɔ e mi.

2 Petro 2:4

Bɔfohi nɛ pee yayami ɔ, Mawu ngɔɛ a he ngɔ ki mɛ, se mohu e tsitsɛɛ mɛ ngɔ wo gbeje muɔ mi. A fi mɛ ngɔ wo diblii mi, nɛ a maa hi mlɛe ngɛ lejɛ ɔ hluu kɛ yaa si kojomi ligbi ɔ.

1 Yohane 1:8

Ke wa de ke yayami ko be wa he ɔ, wɔ nitsɛmɛ wa he wa ngɛ sisie; nɛ Mawu we anɔkuale ɔ be wa mi.

1 Yohane 2:21

Pi kaa anɔkuale ɔ nɛ nyɛ li nɛ i ngɛ nyɛ womi nɛ ɔ ngmae. Dɛbi! Akɛnɛ nyɛ le anɔkuale ɔ, lɔ ɔ he mohu nɛ i ngɛ nyɛ womi ɔ ngmae ɔ nɛ; nɛ nyɛ le hu kaa anɔkuale ɔ, lakpa be mi.

1 Yohane 2:4

Ke nɔ ko ke e le Mawu, se e yi e mlaa amɛ a nɔ ɔ, lakpatsɛ ji lɛ; e tu we anɔkuale.

1 Yohane 3:12

Wa ko pee kaa bɔ nɛ Kain pee ɔ; ejakaa Abosiami mumi ngɛ e mi, nɛ e gbe lɛ nitsɛ e nyɛmi Habel. Mɛni he je Kain gbe e nyɛmi ɔ? Ejakaa níhi nɛ e tsu ɔ, ní ɔmɛ dɛ, se e nyɛmi ɔ lɛɛ níhi nɛ e tsu ɔ da.

1 Yohane 3:15

Nɔ tsuaa nɔ nɛ nyɛɔ e nyɛmi ɔ, nɔmlɔ gbelɔ ji lɛ; nɛ nyɛ le kaa nɔmlɔ gbelɔ ko nɔmlɔ gbelɔ ko be neneene wami nae.

Yuda 1:6

Nyɛ kai Mawu bɔfohi nɛ hɛɛ blɔ nya sa a, nɛ pee se ɔ, a tsɔ atuã kɛ je mɛ nitsɛmɛ a si himi he ɔ. Amlɔ nɛ ɔ, a kɛ kɔsɔkɔsɔ fi mɛ, nɛ Mawu ngɔ mɛ ngɔ to gbogboehi a je ngɛ diblii nɛ mi ti mi. Lejɛ ɔ nɛ a maa hi hluu kɛ yaa si ligbi ngua a maa su, nɛ a maa kojo mɛ.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Kpojemi 13:14

Mawu ngmɛ lohwe awi yelɔ enyɔne ɔ blɔ nɛ e pee nyakpɛ níhi ngɛ kekleekle lohwe ɔ hɛ mi. Kɛ gu nyakpɛ ní nɛ ɔmɛ a nɔ ɔ, e sisiɔ nihi tsuo nɛ ngɛ je ɔ mi ɔ, nɛ e haa a peeɔ yayami. E nyɛ a nɔ nɛ a puɛ amaga nɛ ngɛ kaa lohwe awi yelɔ kake ɔ nɛ a kɛ klaate plaa lɛ wawɛɛ se e gbo we ɔ.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

Kpojemi 9:11

Matsɛ nɛ yeɔ a nɔ ji bɔfo ɔ nɛ ngɛ muɔ voo ɔ nya a. Hebri gbi mi ɔ, e biɛ ji Abadon, se Hela gbi mi lɛɛ a tsɛɛ lɛ Apolion.