Yohane 8:42 - BAIBLO ALOO NGMAMI KLƆUKLƆU Ɔ

⁴² Yesu de mɛ ke, “Mawu ji nyɛ Tsɛ niinɛ jinɛ nyɛ maa suɔ mi, ejakaa Mawu nɛ tsɔ mi; se pi imi nitsɛ ye yi mi nɛ i to kɛ ba. Mawu ngɔ nɛ i je kɛ ba nyɛ ngɔ.

Somi He Ɔ

⁴² Kɛkɛ nɛ Yesu de mɛ ke: “Mawu ji nyɛ tsɛ jinɛ nyɛ maa suɔ mi, ejakaa imi lɛɛ, Mawu ngɔ i je kɛ ba; nɛ pohu i to we imi nitsɛ ye yi mi kɛ bɛ, se mohu lɛ nɛ tsɔ mi.

Yohane 8:42 ပူးပေါင်းရင်းမြစ်များ

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 12:49

Anɔkuale munyu ji nɛ ɔ nɛ, ejakaa níhi tsuo nɛ i de ɔ, pi imi nitsɛ ye yi mi nɛ i to kɛ de ekoeko. Tsɛ ɔ nɛ tsɔ mi ɔ lɛ fa ke ma de.

Yohane 13:3

Yesu nitsɛ le kaa Tsɛ ɔ ha lɛ he wami tsuo nɛ e kɛ pee nɔ́ tsuaa nɔ́. E le hu kaa Mawu ngɔ nɛ e je kɛ ba, nɛ Mawu ngɔ nɔuu e kpale kɛ yaa.

Yohane 14:10

Filipo, anɛ o he we yi kaa i ngɛ Tsɛ ɔ mi, nɛ Tsɛ ɔ ngɛ ye mi lo? Munyuhi nɛ i kɛ nyɛ tu ɔ, pi imi nitsɛ ye yi mi nɛ i to kɛ de. Mohu Tsɛ ɔ nɛ guu ye nɔ kɛ peeɔ ní nɛ ɔmɛ.

Yohane 16:30

Amlɔ nɛ ɔ lɛɛ wa na kaa o le nɔ́ tsuaa nɔ́, nɛ e hia we nɛ nɔ ko nɛ bi mo sane ko. Jehanɛ lɛɛ wa he ye kaa Mawu ngɔ nɛ o je kɛ ba.”

Yohane 17:25

Tsaatsɛ nɛ peeɔ nɔ́ nɛ da! Je ɔ li mo, se imi lɛɛ i le mo; nɛ ye nyɛmimɛ nɛ ɔmɛ le kaa mo nɛ o tsɔ mi.

Yohane 17:8

Sɛ gbi nɛ o ha mi ɔ, i kɛ ha mɛ nɛ a ngɔ, nɛ a le kaa niinɛ i je o ngɔ, nɛ mo nɛ o tsɔ mi.

Yohane 3:17

Mawu tsɔ we e Bi ɔ kɛ bɛ je ɔ mi nɛ e ba kojo; se mohu e ba, konɛ e ba he nihi a yi wami.

Yohane 5:23

Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.

Yohane 5:43

I ba ngɛ Tsaatsɛ biɛ mi po nyɛ he we mi; se nɔ ko nɛ maa ba ngɛ lɛ nitsɛ e suɔmi nya a lɛɛ nyɛ ma he lɛ.

Yohane 8:14

Yesu he nɔ ke, “E ngɛ mi mohu kaa imi nitsɛ i ngɛ ye he odase yee lɛɛ, se ye odase ɔ ngɛ mi, ejakaa i le he nɛ i je, kɛ he nɛ i yaa. Nyɛɛ lɛɛ nyɛ li he nɛ i je kɛ ba; nɛ he nɛ i yaa hu nyɛ li.

1 Korintobi 16:22

Nɔ tsuaa nɔ nɛ sume Nyɔmtsɛ ɔ, a gbiɛ lɛ! Wa Nyɔmtsɛ, ba!

Galatabi 4:4

Se Mawu tsɔ lɛ nitsɛ e bi ɔ kɛ ba ngɛ be nɛ sa mi; yo nɛ fɔ lɛ, nɛ e ye Yuda bi a mlaa a hu nɔ.

1 Yohane 4:14

Wa na enɛ ɔ, nɛ wa ngɛ odase yee kaa Tsɛ ɔ tsɔ e Bi ɔ kɛ ba kaa je ɔ yi wami helɔ.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.

Kpojemi 22:1

Jehanɛ ɔ, bɔfo ɔ tsɔɔ mi pa kɛ e mi nyu nɛ haa nɔ wami ɔ; e mi tsɔ keikei kaa ahuhuɛ. Pa a hia kɛ je Mawu, kɛ To bi ɔ matsɛ sɛ ɔ he