Yohane 8:39 - BAIBLO ALOO NGMAMI KLƆUKLƆU Ɔ

³⁹ A he nɔ ke, “Wɔɔ lɛɛ wa tsɛ ji Abraham.” Yesu de mɛ ke, “Abraham nina ji nyɛ jinɛ nyɛ maa pee níhi nɛ Abraham pee ɔ nɔuu.

Somi He Ɔ

³⁹ A he nɔ nɛ a de lɛ ke: “Wa tsɛ ji Abraham.” Yesu de mɛ ke: “Abraham bimɛ ji nyɛ jinɛ nyɛ ma tsu Abraham ni tsumihi.

Yohane 8:39 ပူးပေါင်းရင်းမြစ်များ

Galatabi 3:7

Lɔ ɔ he ɔ, nyɛ ná nyɛɛ le kaa nihi nɛ heɔ Mawu yeɔ ɔ, mɛ ji Abraham nina.

Romabi 9:7

Nɛ jehanɛ hu pi Abraham nina tsuo ji Abraham bimɛ. Mohu ɔ, Mawu wo Abraham si ke, “Isak nɔ nɛ o nina maa gu kɛ ba.”

Yohane 8:37

I le kaa Abraham nina ji nyɛ! Mɛni he je mɔ nɛ nyɛ ngɔɛ ye tsɔɔmi ɔ, nɛ nyɛ ngɛ mi hlae nyɛɛ gbe mohu ɔ.

Mateo 5:45

konɛ nyɛɛ pee nyɛ Tsɛ nɛ ngɛ hiɔwe ɔ bimɛ. Ejakaa e haa e pu ɔ jee ngɛ nimli yayamihi, kɛ nimli kpakpahi a nɔ; nɛ e haa hiɔmi nɛɛ ha nihi nɛ peeɔ nɔ́ nɛ da, kɛ nihi nɛ peeɔ nɔ nɛ dɛ tsuo.

Mateo 3:9

Nyɛ ko susu kaa ke nyɛ de kɛkɛ ke nyɛ nɛ̃ ji Abraham ɔ, nɛ tue gblami ko be nyɛ nɔ bae. I ngɛ nyɛ dee ke, Mawu ma nyɛ ngɔ tɛ nɛ ɔmɛ kɛ pee Abraham nina!

Galatabi 3:29

Ke Kristo we bi ji nyɛ ɔ, lɛɛ Abraham nina ji nyɛ, nɛ si nɛ Mawu wo ɔ nya a, nyɛ peeɔ gbosi ní yeli.

Romabi 4:16

Lɔ ɔ he ɔ, Abraham hemi kɛ yemi nɔ Mawu da kɛ wo si ɔ. Mawu pee enɛ ɔ, konɛ siwo ɔ nɛ ba pee dloomi nɔ́ ko nɛ a fi kɛ fɔ nɔ kpɛii kɛ ha Abraham nina tsuo. Pi kɛ ha nihi nɛ yeɔ mlaa a nɔ kɛkɛ, se mohu kɛ ha ni nɛmɛ nɛ mɛ hu a hɛɛ hemi kɛ yemi ɔ mi kpɛii kaa bɔ nɛ Abraham he ye ɔ, ejakaa Abraham ji wɔ tsuo wa tsɛ.

Romabi 4:12

Lɛ nɔuu kɛ̃ e peeɔ nihi nɛ a po mɛ ɔ a tsɛ; pi ngɛ pomi nɛ a po mɛ ɔ kɛkɛ he, se mohu kaa hemi kɛ yemi nɛ wa tsɛ Abraham hɛɛ mi benɛ a na we nɛ a po lɛ tete ɔ, a hɛɛ jamɛ a hemi kɛ yemi ɔ nɔuu mi.

Yohane 8:33

A he nɔ ke, “Abraham nina ji wɔ, nɛ wɔɔ lɛɛ wa yi nyɔguɛ ha nɔ ko hyɛ. Ke o de ke, ‘Nyɛ maa ye nyɛ he’ ɔ, kɛ o ngɛ tsɔɔe kɛɛ?”

Yohane 8:43

Munyu nɛ i kɛ nyɛ tu ɔ, nyɛ nɛ nya, ejakaa nyɛ bui ye munyu ɔ.

Yohane 8:56

Nyɛ tsɛ Abraham hla nɛ e na ye bami be ɔ kɛ bua jɔmi. E na hulɔ, nɛ e nya.”