Yohane 8:32 - BAIBLO ALOO NGMAMI KLƆUKLƆU Ɔ

³² Kɛkɛ ɔ, nyɛ maa le anɔkuale ɔ; nɛ anɔkuale ɔ ma ha nyɛ maa ye nyɛ he.”

Somi He Ɔ

³² nɛ nyɛ maa le anɔkuale ɔ, nɛ anɔkuale ɔ ma ha nyɛ maa ye nyɛ he.”

Yohane 8:32 ပူးပေါင်းရင်းမြစ်များ

La 119:45

nɛ ma hi si ngɛ he jɔmi mi; ejakaa o mlaa nɔ i hlaa kaa ma ye.

La 25:5

Tsɔɔ mi nɛ ma hi si ngɛ o we anɔkuale ɔ nya, ejakaa mo Mawu ɔ ji ye yi wami helɔ. Daa nɛ ɔ, o nɔ lɛ i ngɔɔ ye hɛ kɛ fɔɔ.

Abɛ Womi 1:23

Nyɛɛ bu tue nɛ ma ka nyɛ hɛ mi. Ma wo nyɛ ga kpakpa, nɛ i kɛ nyɛ maa tu nile munyu.

Abɛ Womi 1:29

Ejakaa nyɛ bui nile he akɔtaa; Yawɛ hu, nyɛ yi lɛ gbeye.

Abɛ Womi 4:18

Blɔ nɛ dali nyɛɛɔ nɔ ɔ ngɛ kaa mɔtu pu la nɛ ngɛ kpɛe hluu kɛ yaa si piani.

Yesaya 2:3

nɛ a ma de ke, “Nyɛ ha wa ya kuɔ Yawɛ yo ɔ kɛ ya Israel Mawu ɔ sɔlemi we ɔ. E maa tsɔɔ wɔ nɔ́ nɛ e suɔ kaa waa pee; nɛ wa maa pee bɔ nɛ e maa tsɔɔ wɔ ɔ pɛpɛɛpɛ. Ejakaa Yawɛ ní tsɔɔmi ɔ, Yerusalem e jee; e kɛ e ma a tuɔ munyu kɛ jeɔ Zion yo ɔ nɔ.”

Yesaya 30:21

Ke nyɛ ngɛ nyɛɛe, nɛ nyɛ gba kɛ je blɔ ɔ nɔ kɛ ya hiɔ nɔ, loo muɔ nɔ ɔ, nyɛ maa nu e gbi ngɛ nyɛ se nɛ ngɛ dee ke, “Blɔ ɔ ji nɛ oo! Nyɛɛ nyɛɛ blɔ ɔ nɔ.”

Yesaya 35:8

A maa je gbɛjegbɛ ko ngɛ lejɛ ɔ, nɛ a ma tsɛ lɛ ke “Blɔ klɔuklɔu.” Yayami peelɔ ko yayami peelɔ ko be nyɛe ngɛ jamɛ a blɔ ɔ nɔ gblegbleegble; nɛ blɔ hialɔ kuasia ko be tlae kɛ ba blɔ nɛ ɔ nɔ.

Yesaya 54:13

“Imi Yawɛ nitsɛ, ma tsɔɔ ye ma a ní, nɛ ma ha a ma na ní babauu.

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Yeremia 6:16

Yawɛ de e ma a ke, “Nyɛ ya da blɔ gbla nya nɛ nyɛɛ hyɛ. Nyɛ bi nɛ a tsɔɔ nyɛ blema nane blɔ kpakpa amɛ nɛ nyɛɛ nyɛɛ nɔ. Nyɛɛ pee ja, konɛ nyɛ na tue mi jɔmi.” Se ma a he nɔ ke, “Dɛbi, wa be pee fɛɛ!”

Hosea 6:3

Nyɛ ha waa bɔ mɔde nɛ waa le Yawɛ saminya. Kaa bɔ nɛ je naa daa ligbi, nɛ hiɔmi hu nɛɛɔ ngɔ pueɔ zugba daa gbo kɛ gbiɛ ɔ, ke wa hla Yawɛ se blɔ ɔ, lɛ hu e maa ba wa ngɔ.”

Mose III, 25:41

Ke Heyemi jeha a su ɔ, lɛ, kɛ e bimɛ tsuo nɛ a ngɛ o ngɔ ɔ ma nyɛ ma si mo kɛ ho mɛ nitsɛmɛ a weku li a ngɔ ya ngɛ a nɛmɛ a nɔ́ mi.

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Mateo 11:29

Nyɛɛ ngɔ ye kuɛpã tso ɔ ngɔɔ tloo, nɛ nyɛɛ kase mi; ejakaa ye he jɔ, nɛ i baa ye he si kɛ jee ye tsui mi. Ke nyɛ pee ja a, nyɛ ma na he jɔmi;

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yohane 16:13

Se ke Mumi ɔ nɛ haa a leɔ anɔkuale ɔ nɛ kɔɔ Mawu he ɔ ba a, e maa tsɔɔ nyɛ anɔkuale ɔ tsuo. Ejakaa Mumi ɔ be lɛ nitsɛ e yi mi toe kɛ de nɔ́ ko; mohu níhi nɛ e nu ɔ, a he munyu e maa tu; nɛ e ma de nyɛ níhi nɛ maa ba.

Yohane 17:17

Ngɔɔ o we anɔkuale munyu ɔ kɛ tsu a he.

Yohane 6:45

Nɔ́ nɛ gbali ɔmɛ ngma ji nɛ ɔ nɛ: ‘Mawu maa tsɔɔ nɔ tsuaa nɔ ní.’ Munyu nɛ Tsɛ ɔ tu ɔ, nɔ tsuaa nɔ nɛ maa nu, nɛ e maa kase ní kɛ je mi ɔ maa ba ye ngɔ.

Yohane 7:17

Nɔ tsuaa nɔ nɛ suɔ kaa e maa pee Mawu suɔmi nya ní ɔ, e maa na kaa nɔ́ nɛ i ngɛ tsɔɔe ɔ je Mawu ngɔ, se pi imi nitsɛ ye he wami nya.

Yohane 8:36

Lɔ ɔ he ɔ, ke Bi ɔ ha nyɛ ye nyɛ he ɔ, nyɛ maa ye nyɛ he niinɛ.

Romabi 6:22

Se jehanɛ lɛɛ Mawu kpɔ nyɛ kɛ je yayami dɛ mi, nɛ nyɛ ba pee e nyɔguɛhi. Lɔ ɔ he ɔ, nyɛ ba pee nihi nɛ a he tsɔ, nɛ neneene wami fɔɔ si ha nyɛ.

Romabi 8:15

Mawu ha we nyɛ mumi nɛ peeɔ nɔ nyɔguɛ, nɛ nyɛ ma pa hi gbeye yee; se mohu e peeɔ nyɛ Mawu bimɛ. Mumi ɔ lɛ woɔ wɔ he wami, nɛ wa nyɛɔ faa kue kɛ ngmlaa ke, “Tsaatsɛ! Tsaatsɛ!”

Romabi 8:2

Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

1 Korintobi 7:22

Ejakaa nyɔguɛ nɛ Nyɔmtsɛ ɔ tsɛ lɛ ɔ ba peeɔ Nyɔmtsɛ ɔ nɔmlɔ nɛ ye e he. Jã kɛ̃ ke nɔ ko ye e he, nɛ Kristo tsɛ lɛ ɔ, e ba peeɔ Kristo nyɔguɛ.

Galatabi 5:1

Wa ye wa he. Ee, Kristo ha wa ye wa he. Nyɛɛ da si kpitikplii, konɛ nɔ ko kó ye nyɛ nyɔguɛ hu.

Galatabi 5:13

Ye nyɛmimɛ, nyɛɛ lɛɛ pe a hla nyɛ, konɛ nyɛ ba ye nyɛ he. Nyɛ he nɛ nyɛ ye nɛ ɔ, nyɛ ko ngɔ lɛ kaa blɔ nya nɛ nyɛ na nɛ nyɛɛ kɛ maa pee níhi nɛ nyɛ nɔmlɔ tso ɔ suɔ. Mohu ɔ, nyɛ ha nɛ nyɛ suɔmi ɔ nɛ je kpo ngɛ nyɛmimɛ a sɔmɔmi mi.

2 Timoteo 3:7

Daa nɛ ɔ, yi nɛ ɔmɛ bɔɔ mɔde kaa a maa kase ní, se anɔkuale ɔ lɛɛ a be lee gblegbleegble.

Yakobo 1:25

Sane kpakpa a ji Mawu mlaa nɛ hi kɛ pi si, nɛ haa nɔ yeɔ e he. Ke nɔ ko kase sane kpakpa a mi tsɔɔmi ɔmɛ saminya, nɛ e mia e hɛ mi nɛ e hɛ ji nɔ́ nɛ e kase ɔ nɔ, se mohu e ye nɔ ɔ, a maa gbaa lɛ saminya ngɛ nɔ́ tsuaa nɔ́ nɛ e ngɛ tsue ɔ mi.

Yakobo 2:12

Nyɛ munyu tumi, kɛ nyɛ ní peepee tsuo nɛ tsɔɔ kaa mlaa nɛ haa wa yeɔ wa he ɔ nɛ a kɛ maa kojo wɔ.

1 Petro 2:16

Nyɛɛ hi si kaa nihi nɛ ye a he, se nyɛ ko ngɔ he yemi nɛ ɔ kɛ pee yayami nɛ nyɛɛ laa nɔ. Mohu ɔ, nyɛɛ hi si kaa Mawu tsɔli.

2 Yohane 1:1

Imi nɔkɔtɔma a, i ngɛ womi nɛ ɔ ngmae kɛ ha mo awenyɛ nɛ a hla mo ɔ, kɛ o bimɛ ɔmɛ nɛ i suɔ nyɛ akɛnɛ nyɛ hɛɛ anɔkuale ɔ mi ɔ. Pi imi nɔ kake too nɛ i suɔ nyɛ; nɔ tsuaa nɔ nɛ le anɔkuale ɔ suɔ nyɛ.