Yohane 8:26 - BAIBLO ALOO NGMAMI KLƆUKLƆU Ɔ

²⁶ I le nyɛ he sanehi babauu nɛ ma kɛ kojo nyɛ. Se nɔ nɛ tsɔ mi ɔ, anɔkualetsɛ ji lɛ, lɔ ɔ he ɔ, nɔ nɛ i nu kɛ je e nya a, lɔ ɔ i deɔ je ɔ.”

Somi He Ɔ

²⁶ I ngɛ nyɛ he sanehi fuu nɛ ma de nɛ ma kɛ kojo nyɛ; se kɛ̃ ɔ, nɔ nɛ tsɔ mi ɔ anɔkualetsɛ ʼi, nɛ imi lɛɛ nihi nɛ i nu kɛ je e nya a, lɔ ɔmɛ nɔuu i deɔ ngɔ tsɔɔ je ɔ nɛ.”

Yohane 8:26 ပူးပေါင်းရင်းမြစ်များ

Yohane 15:15

Jehanɛ i tsɛ we nyɛ tsɔli hu, ejakaa tsɔlɔ li nɔ́ nɛ e nyɔmtsɛ tsuɔ. I tsɛɔ nyɛ ye huɛmɛ mohu, ejakaa níhi tsuo nɛ i nu kɛ je Tsaatsɛ nya a, i de nyɛ.

Yohane 16:12

“I ngɛ níhi fuu nɛ piɛ nɛ ma de nyɛ, se nyɛ be nyɛe he maa pɛtɛ amlɔ nɛ ɔ.

Yohane 17:8

Sɛ gbi nɛ o ha mi ɔ, i kɛ ha mɛ nɛ a ngɔ, nɛ a le kaa niinɛ i je o ngɔ, nɛ mo nɛ o tsɔ mi.

Yohane 18:20

Yesu he nɔ ke, “I tuɔ munyu paa kɛ haa nɔ tsuaa nɔ. Daa nɛ ɔ, i tsɔɔ ní ngɛ kpe he ɔmɛ, kɛ sɔlemi we ɔ he nɛ Yuda bi kulaa kpee ngɛ ɔ, nɛ i de we nɔ́ ko nɔ́ ko ngɛ laami mi gblee.

Yohane 3:11

I ngɛ mo dee anɔkuale mi ke wɔɔ lɛɛ nɔ́ nɛ wa le ɔ, lɔ ɔ wa deɔ, nɛ wa yeɔ nɔ́ nɛ wa na a he odase. Se nyɛ sume nɛ nyɛɛ ngɔ munyu nɛ wa fiɛ ha nyɛ ɔ.

Yohane 7:16

Yesu he nɔ ke, “Nɔ́ nɛ i ngɛ nyɛ tsɔɔe ɔ ji imi nitsɛ ye yi mi; nɔ nɛ tsɔ mi ɔ nɛ ngɔ ha mi.

Yohane 7:28

Jehanɛ, benɛ Yesu ngɛ ní ɔ tsɔɔe ngɛ sɔlemi we ɔ, e kpa ngmlaa kɛ bi ke, “Anɛ nyɛ le mi tutuutu? He nɛ i je ɔ, nyɛ le? Pi imi nitsɛ ye he wami nya nɛ i ba. Nɔ nɛ tsɔ mi ɔ, anɔkualetsɛ ji lɛ; nyɛɛ nyɛ li lɛ.

Yohane 8:25

A bi lɛ ke, “Mɛnɔ ji mo?” Yesu he nɔ ke, “Sisije ɔ, mɛni i de nyɛ ɔ?

Yohane 8:27

Se mɛɛ lɛɛ a li kaa Tsɛ ɔ he munyu Yesu kɛ mɛ ngɛ tue ɔ.

Yohane 8:40

Imi lɛɛ anɔkuale ɔ nɛ i nu kɛ je Tsaatsɛ Mawu nya a, lɔ ɔ i deɔ nyɛ; se nyɛ ngɛ mi hlae nɛ nyɛɛ gbe. Abraham pee we nɔ́ ko kaa kikɛ nɛ ɔ.

2 Korintobi 1:18

Mawu yeɔ anɔkuale, lɔ ɔ he ɔ, nɔ́ nɛ wa de nyɛ ɔ, pi “Ee” kɛ “Dɛbi” nɛ a deɔ be kake too ji lɔ ɔ.