Yohane 8:21 - BAIBLO ALOO NGMAMI KLƆUKLƆU Ɔ

²¹ Yesu kpale de ni ɔmɛ ke, “Imi lɛɛ i yaa! Nyɛ ma hla mi, se nyɛ ma gbo kɛ nyɛ he yayami. He nɛ i yaa a, nyɛ be nyɛe maa ba.”

Somi He Ɔ

²¹ Kɛkɛ nɛ Yesu kpale de mɛ ekohu ke: “Imi lɛɛ i yaa, se nyɛ ma hla mi, nɛ nyɛ he yayami mi nyɛ ma gbo ngɛ. He nɛ i yaa a, nyɛ be lejɛ ɔ nyɛe maa ba.”

Yohane 8:21 ပူးပေါင်းရင်းမြစ်များ

Matsɛmɛ I, 18:10

I na Yawɛ, o Mawu ɔ kaa e píɛ ma ko, loo zugba ko nɔ nɛ matsɛ ɔ tsɔɛ kɛ yɛ nɛ a ya hla mo. Be tsuaa be nɛ matsɛ, aloo zugba a nɔ yelɔ ngɛ he nɛ a tsɔ kɛ ya a ha a nu sisi kaa o be lejɛ ɔ, Ahab ha nɛ jamɛ a matsɛ ɔ, aloo zugba a nɔ yelɔ ɔ ka kita ke o be lejɛ ɔ niinɛ.

Hiob 20:11

Nɔmlɔ tso kɛ e he nihe nyu tsuaa a ma plɛ pee zu.

Abɛ Womi 11:7

Ke nɔmlɔ yayami gbo pɛ kɛkɛ nɔ́ ko nɛ e ngɔ e hɛ ngɔ fɔ nɔ ɔ hu laa. Nɔmlɔ nɛ li Mawu ɔ, ke e ngɛ nɔ kpakpa ko blɔ hyɛe ɔ, e peeɔ yaka.

Abɛ Womi 14:32

Yayami peelɔ ɔ, lɛ nitsɛ e ní yayamihi nɛ ngɔɔ lɛ kɛ woɔ haomi mi. Se nɔmlɔ kpakpa lɛɛ gbenɔ mi tete po e ngɛ hɛ nɔ kami.

Yesaya 65:20

Ma he nɛ ɔ mi ɔ, bimwɔyo be gboe hu; nɔmoyo hu be gboe loko e be maa su. Ke a fɔ nɔ ko ɔ, ja e ye jeha lafa loko e ma gbo. Yayami peelɔ pɛ nɛ lɛɛ e be nae ja.

Mateo 23:39

I ngɛ mo dee ke, kɛ je be nɛ ɔ mi kɛ yaa a, o be mi nae hu kɛ yaa si be nɛ o ma de ke, ‘A gbaa nɔ nɛ ma ngɛ Nyɔmtsɛ ɔ biɛ mi ɔ.’ ”

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

Yohane 12:33

Munyu nɛ e tu nɛ ɔ tsɔɔ nɔ gbenɔ nɛ e ma gbo.

Yohane 12:35

Yesu he nɔ ke, “Be bɔɔ ko pɛ nɛ e piɛ nɛ la a kɛ nyɛ maa hi si kɛ yaa si. Be mi nɛ la a ngɛ nɛ ɔ, nyɛɛ nyɛɛ blɔ ɔ nɔ, konɛ diblii ɔ nɛ ko ba na nyɛ, ejakaa nɔ nɛ nyɛɛɔ diblii mi ɔ, e li he nɛ e yaa.

Yohane 13:33

Ye bimɛ, be nɛ i kɛ nyɛ maa hi si kɛ yaa si ɔ pi saasaa. Nyɛ ma hla mi, se kaa bɔ nɛ i de Yuda ma nimeli ɔmɛ ɔ, ‘He nɛ i yaa a, nyɛ be nyɛe maa ba.’

Yohane 7:34

Nyɛ ma hla mi, se nyɛ be mi nae; ejakaa he nɛ i yaa a, nyɛ be nyɛe maa ba lejɛ ɔ.”

Yohane 7:36

E de ke, wa ma hla lɛ, se wa be lɛ nae; nɛ he nɛ e yaa hu, wa be nyɛe maa ya. Kɛ e ngɛ tsɔɔe kɛɛ?”

Yohane 8:24

Enɛ ɔ he nɛ i de nyɛ ke nyɛ ma gbo kɛ nyɛ he yayami ɔ nɛ. Niinɛ, nyɛ ma gbo kɛ nyɛ he yayami ɔmɛ ke nyɛ he we yi kaa imi ji nɔ nɛ i ji ɔ.”

Efesobi 2:1

Sa a, nyɛ ngɛ kaa nihi nɛ gbo, ejakaa nyɛ gbo Mawu tue, nɛ nyɛ pee yayami kɛ si lɛ.