Yohane 8:20 - BAIBLO ALOO NGMAMI KLƆUKLƆU Ɔ

²⁰ Yesu de ní nɛ ɔmɛ tsuo, be mi nɛ e ngɛ ní tsɔɔe ngɛ sɔlemi we ɔ ngɛ tsu mi he nɛ a kɛ tó tsumi daka amɛ to ɔ. Se a nui lɛ, ejakaa e be ɔ sui.

Somi He Ɔ

²⁰ Yesu tu munyu nɛ ɔmɛ ngɛ nito he ɔ benɛ e ngɛ ni tsɔɔe ngɛ sɔlemi we ɔ; nɛ nɔ ko nui lɛ, ejakaa e ngmlɛfia a sui.

Yohane 8:20 ပူးပေါင်းရင်းမြစ်များ

Kronika I, 9:26

Agbo nya buli nikɔtɔma eywiɛ nɛ ɔmɛ ɔ, Levi bi ji mɛ, nɛ a dɛ mi nɛ a to ní tsumi ɔ kɛ wo. Mɛ nɔuu nɛ a hyɛɛ tsuhi kɛ níhi nɛ a to ngɛ a mi ɔ a nɔ ngɛ Yawɛ we ɔ.

Mateo 26:55

Jehanɛ ɔ, Yesu kɛ ma kpekpemi ɔ tu munyu nɛ e de ke, “Imi lɛ nyɛ ma numi kɛ klaatehi kɛ tso kpotihi kaa a nuu ojo fialɔ ɔ? Daa nɛ ɔ, i hii sɔlemi we ɔ, nɛ i tsɔɔ ní, se nyɛ nui mi.

Mateo 27:6

Osɔfo nikɔtɔma amɛ ya kukuɔ sika a, nɛ a de ke, “Muɔ sika ji nɛ ɔ nɛ; wa mlaa a ngmɛ́ blɔ kaa a kɛ toɔ sɔlemi we ɔ nito he ɔ.”

Marko 12:41

Benɛ Yesu ya hi si ngɛ tó tsumi he ɔ, e hyɛ bɔ nɛ ni ɔmɛ kɛ sika ngɛ daka a mi woe ɔ. Niatsɛmɛ babauu kɛ sika ba wo mi bɔ nɛ sa.

Marko 12:43

Kɛkɛ nɛ Yesu tsɛ e kaseli ɔmɛ kɛ ba, nɛ e de mɛ ke, “I ngɛ nyɛ dee anɔkuale mi ke, nɔ́ nɛ kikɛmɛ a yalɔyo ohiatsɛ nɛ ɔ kɛ ba wo daka a mi ɔ hiɛ kulaa pe nɔ́ nɛ ni ɔmɛ tsuo kɛ ba wo mi ɔ.

Luka 20:19

Mlaa tsɔɔli ɔmɛ, kɛ osɔfo nikɔtɔma amɛ hla kaa a maa nu Yesu jamɛ a ngmlɛfia a mi nɔuu; ejakaa a na kaa a he munyu lɛ e tu ɔ nɛ. Se a ya ye ma a gbeye.

Luka 21:1

Ligbi ko benɛ Yesu ya sɔlemi we ɔ mi ɔ, e na niatsɛmɛ nɛ ngɔ a nike ní kɛ ngɛ tó tsumi daka a mi woe.

Yohane 10:39

A ka ekohu kaa a maa nu Yesu, se a nyɛ we; nɛ e je a dɛ mi slɔkee.

Yohane 2:4

Se Yesu he nɔ ke, “Maa, mɛni he je o ngɛ ye nya dooe? Be nɛ ma tsu ní ɔ sui lolo.”

Yohane 7:14

Benɛ nyami ɔ ngɛ nɔ yae ɔ kɛkɛ nɛ Yesu ya hia si ngɛ sɔlemi we ɔ, nɛ e bɔni ní tsɔɔmi.

Yohane 7:30

Kɛkɛ nɛ a pee kaa a maa nu Yesu amlɔ nɔuu, se nɔ ko nɔ ko nyɛ we nɛ e ta e he, ejakaa e be ɔ sui lolo.

Yohane 7:44

Ni komɛ pee kaa a maa nu Yesu, se nɔ ko nɔ ko nyɛ we nɛ e ta e he.

Yohane 7:8

Nyɛɛ ya nɛ nyɛ ya ye nyami be ɔ. Imi lɛɛ i be yae, ejakaa be nɛ maa da mi ɔ na we nɛ e su.”

Yohane 8:2

E nɔ jena mɔtu mla a, e kpale e se kɛ ba sɔlemi we ɔ. Ni ɔmɛ tsuo ba bu e nɔ, nɛ e hi si, nɛ e bɔni mɛ ní tsɔɔmi.

Yohane 8:59

Kɛkɛ nɛ a kukuɔ tɛ nɛ a maa fia Yesu, se e laa e he, nɛ e je sɔlemi we ɔ.