Yohane 8:2 - BAIBLO ALOO NGMAMI KLƆUKLƆU Ɔ

² E nɔ jena mɔtu mla a, e kpale e se kɛ ba sɔlemi we ɔ. Ni ɔmɛ tsuo ba bu e nɔ, nɛ e hi si, nɛ e bɔni mɛ ní tsɔɔmi.

Somi He Ɔ

² Nɛ mɔtu mla a, e ba sɔlemi we ɔ ekohu, nɛ ma a tsuo ba e ngɔ, nɛ e ya hi si, nɛ e tsɔɔ mɛ ni.

Yohane 8:2 ပူးပေါင်းရင်းမြစ်များ

Mateo 26:55

Jehanɛ ɔ, Yesu kɛ ma kpekpemi ɔ tu munyu nɛ e de ke, “Imi lɛ nyɛ ma numi kɛ klaatehi kɛ tso kpotihi kaa a nuu ojo fialɔ ɔ? Daa nɛ ɔ, i hii sɔlemi we ɔ, nɛ i tsɔɔ ní, se nyɛ nui mi.

Luka 21:37

Daa ligbi ɔ, Yesu ya tsɔɔ ní ngɛ sɔlemi we ɔ, nɛ ke je jɔ ɔ, e ya hwɔɔ Oliv yo ɔ nɔ.

Luka 4:20

Yesu nga womi ɔ, nɛ e kpale ngɔ ha sɔmɔlɔ ɔ, nɛ e ho ya hi si. Kɛkɛ nɛ ni ɔmɛ tsuo nɛ ngɛ kpe he ɔ bɔni lɛ hyɛmi too.

Luka 5:3

Yesu ya sɛ lɛ ɔ kake mi, nɛ e de Simon nɛ ji lɛtsɛ ɔ ke e tsɛ̃ lɛ ɔ yi se bɔɔ kɛ wo pa a mi. Yesu hi si ngɛ lɛ ɔ mi jehanɛ, nɛ e bɔni ma kpekpemi ɔ ní tsɔɔmi.

Yohane 8:20

Yesu de ní nɛ ɔmɛ tsuo, be mi nɛ e ngɛ ní tsɔɔe ngɛ sɔlemi we ɔ ngɛ tsu mi he nɛ a kɛ tó tsumi daka amɛ to ɔ. Se a nui lɛ, ejakaa e be ɔ sui.

Yohane 4:34

Yesu de mɛ ke, “Ye niye ní ji kaa ma pee nɔ nɛ tsɔ mi ɔ suɔmi nya ní; nɛ́ nɔ́ nɛ e tsɔ mi tsumi ɔ, ma gbe nya.

Yeremia 44:4

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ, nɛ a ba deɔ nyɛ ke nyɛ ko pee nɔ́ nɛ ɔ, ejakaa i hie.

Yeremia 25:3

“Kɛ je be nɛ Yuda matsɛ, Yosia, Amon bi ɔ na jeha nyɔngma kɛ etɛ ngɛ e sɛ ɔ nɔ hluu kɛ ba si mwɔnɛ ligbi nɛ ɔ, jeha nyingmi enyɔ kɛ etɛ sɔuu ji nɛ ɔ nɛ. Kikɛmɛ a be nɛ ɔ tsuo ɔ, be tsuaa be ɔ, i naa sɛ gbi kɛ jeɔ Yawɛ ngɔ kɛ haa nyɛ. I deɔ nyɛ nɔ́ tsuaa nɔ́ fitsofitso; se nyɛ bui tue.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Yeremia 32:33

A plɛ a se ngɔ wo mi, nɛ a kua a tsui tsakemi. I gbo dengme kɛ tsɔɔ mɛ ní be babauu, se a bui tue fɛɛ; nɔ́ ko hu a kase we.

Luka 21:38

Mɔtu mla a, ma a tsuo baa e ngɔ ngɛ sɔlemi we ɔ ba buɔ lɛ tue.

Yohane 8:3

Mlaa tsɔɔli ɔmɛ, kɛ Farisi bi ɔmɛ ngɔ yo ko nɛ ya ngɛ ajuama bɔe nɛ a nu lɛ kɛ ba, nɛ a kɛ lɛ ba da ma a tsuo hɛ mi.

Ni Tsumi 5:21

Bɔfo ɔmɛ pee bɔ nɛ a de mɛ ɔ. A pue nɔ mɔtu kɛ ho sɔlemi we ɔ ya ya tsɔɔ ní. Jehanɛ osɔfo nɔkɔtɔma pe kulaa a, kɛ e nikɔtɔma amɛ tsɛ Yuda ma nimeli ɔmɛ nɛ a ngɛ kpe ngua a mi ɔ kpe. A tsɔ nihi kɛ ya he nɛ a wo bɔfo ɔmɛ tsu ngɛ ɔ, konɛ a ya ngɔ mɛ kɛ ba.