Yohane 8:17 - BAIBLO ALOO NGMAMI KLƆUKLƆU Ɔ

¹⁷ A ngma ngɛ nyɛ mlaa a mi ke, ke ni enyɔ ye odase nɛ kɔɔ ɔ, e peeɔ anɔkuale.

Somi He Ɔ

¹⁷ Nɛ pohu nyɛ Mlaa a mi ɔ, a ngma ke: ‘Ni enyɔ a odase ɔ anɔkuale ʼi.

Yohane 8:17 ပူးပေါင်းရင်းမြစ်များ

Mose V, 19:15

“Nɔ kake pɛ ko ye odase kɛ si nɔ ko nɛ pee yayami ko. Loko a maa bu nɔ ko fɔ ɔ, a nu odase yeli enyɔ, loo nihi nɛ hiɛ pe ja a nya mi munyu.

Mose V, 17:6

Se kɛ̃ ɔ, odase yeli enyɔ, loo nihi nɛ hiɛ pe jã a we odase nɔ a maa da kɛ bu lɛ fɔ, loko a gbe lɛ; a ko nu odase yelɔ kake pɛ nya mi munyu.

Hebribi 10:28

Ke nɔ ko tɔ Mose mlaa a, nɛ a da ni enyɔ, loo etɛ a we odase nɔ kɛ bu lɛ fɔ ɔ, a nɛ́ lɛ mɔbɔ; pe a gbeɔ lɛ.

Mateo 18:16

Se ke e bui mo tue ɔ, ngɔɔ nɔ kake, loo ni enyɔ ngɔ piɛ o he. Kɛkɛ ɔ, ni enyɔ, loo etɛ ɔmɛ maa pee odase yeli kɛ ma munyu ɔ nɔ mi.

Galatabi 3:24

Lɔ ɔ he ɔ, mlaa a hɛɛ wɔ kɛ ya su be nɛ Kristo ba nɛ wa he lɛ ye, konɛ a dla waa kɛ Mawu wa kpɛti.

2 Korintobi 13:1

Enɛ ɔ ji si etɛne nɛ i ma nyɛ slaami. Ngmami ɔ ke, “Ni enyɔ, loo etɛ nɛ a ye odase loko a buá sane tsuaa sane he.”

Kpojemi 11:3

Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”

Galatabi 4:21

Nyɛ nihi nɛ nyɛ ngɛ hlae kaa mlaa a nɛ ye nyɛ nɔ ɔ, nyɛ ha ma bi nyɛ nɔ́ ko. Nɔ́ nɛ mlaa a deɔ ɔ be mi lo?

1 Yohane 5:9

Wa heɔ adesa we odase yeɔ, se Mawu we odase ɔ mi jiɔ kulaa pe adesa nɔ́. Nɛ Mawu ɔ nitsɛ lɛ ye odase nɛ ɔ ngɛ e Bi ɔ he.

Matsɛmɛ I, 21:10

Nyɛ ha yaka nimli enyɔ nɛ a da e hɛ mi paa nɛ a ye odase ngɔ si lɛ ke e jɛ Mawu, kɛ matsɛ ɔ. Lɔ ɔ se ɔ, nyɛɛ ngɔ lɛ kɛ je ma a mi, nɛ nyɛ ya fia lɛ tɛ nɛ nyɛɛ gbe.”

Yohane 15:25

Lɔ ɔ he ɔ, e sa nɛ e ba jã, konɛ nɔ́ nɛ a ngma ngɛ a mlaa a mi ke, ‘A nyɛ mi yaka gu’ ɔ nɛ ba mi.

Yohane 10:34

Yesu he nɔ ke, “A ngma ngɛ nyɛ mlaa a mi ke, Mawu de ke, ‘Mawuhi ji nyɛ.’

Mose IV, 35:30

“Ke nɔ ko gbe nɔ ko ɔ, a da odase yeli enyɔ, loo nɔ́ a nya mi munyu nɔ nɛ a kɛ kojo lɛ loko a gbe lɛ; a ko da odase yelɔ kake pɛ nya mi munyu nɔ kɛ gbe nɔ ko.