Yohane 8:16 - BAIBLO ALOO NGMAMI KLƆUKLƆU Ɔ

¹⁶ Se ke i kojo tete po ɔ, e da, ejakaa pi imi nɔ kake nɛ i ngɛ enɛ ɔ pee. Tsɛ ɔ nɛ tsɔ mi ɔ piɛ ye he.

Somi He Ɔ

¹⁶ Nɛ ke i kojoɔ tete po hu ɔ, ye kojomi ɔ anɔkuale ʼi, ejakaa pi ye nɔ kake ʼi, se mohu i kɛ Tsɛ nɛ tsɔ mi ɔ.

Yohane 8:16 ပူးပေါင်းရင်းမြစ်များ

La 98:9

ejakaa e ma nɛ e ba kojo je ɔ. Yawɛ maa kojo je ɔ ngɛ dami, kɛ anɔkuale nya.

La 99:4

Matsɛ kpetekpleenyɛ, mo nɛ o suɔ nɔ́ nɛ da! O to anɔkuale, kɛ dami sane yemi si ngɛ Israel.

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Yohane 16:32

Be ma, nɛ e su ta; nyɛ tsuo nyɛ maa gbɛ fĩa. Nɔ tsuaa nɔ maa ya lɛ nitsɛ e we mi, nɛ e maa piɛ imi nɔ kake too. Se pohu pi imi nɔ kake nɛ maa piɛ, ejakaa i kɛ Tsɛ ɔ ngɛ.

Yohane 8:29

Tsɛ ɔ nɛ tsɔ mi ɔ kɛ mi ngɛ; e si we imi nɔ kake too, ejakaa i peeɔ e suɔmi nya ní.”

Ni Tsumi 17:31

Ejakaa e to be pɔtɛɛ ko, nɛ e hla nɔ ko nɛ e maa gu e nɔ kɛ kojo je ɔ tsuo ngɛ dami sane yemi nya, ejakaa e tle jamɛ a nɔmlɔ ɔ si kɛ je gbeje kɛ ma enɛ ɔ nɔ mi.”

Kpojemi 19:11

Jehanɛ ɔ, i na nɛ a bli hiɔwe nya, kɛkɛ nɛ ma hyɛ ɔ, okpɔngɔ hiɔ ko ji nɛ. Nɔ nɛ hii si ngɛ nɔ ɔ biɛ ji Anɔkualetsɛ kɛ Dalɔ; dami nya e kojoɔ, nɛ e hwuɔ ta.

Samuel I, 16:7

Se Yawɛ de Samuel ke, “Koo hyɛ e kami, loo e he fɛu; i sume lɛ, ejakaa i hyɛ we nɔ́ kaa bɔ nɛ nɔmlɔ hyɛɛ nɔ́ ɔ. Nɔmlɔ lɛɛ nɔ hɛ mi e hyɛɛ; se imi Yawɛ lɛɛ tsui mi i hyɛɛ.”