Yohane 7:43 - BAIBLO ALOO NGMAMI KLƆUKLƆU Ɔ

⁴³ Benɛ a de nɔ́ nɛ ɔ, kɛkɛ nɛ ni ɔmɛ a mi gba enyɔ ngɛ Yesu he.

Somi He Ɔ

⁴³ Kɛkɛ nɛ migbami ba asafo ɔ mi ngɛ e he.

Yohane 7:43 ပူးပေါင်းရင်းမြစ်များ

Mateo 10:35

I ba nɛ ma ba ha nɛ binyumuhi nɛ a te si kɛ wo a tsɛmɛ, biyihi nɛ a te si kɛ wo a nyɛmɛ, nɛ nganyɛmɛ nɛ a te si kɛ wo nganyɛmɛ.

Luka 12:51

Nyɛ susu kaa i ngɔ he jɔmi kɛ ma je ɔ mi lo? Dɛbi, pi he jɔmi, se mi gbami mohu.

Yohane 10:19

Munyu nɛ ɔmɛ hu ha nɛ Yuda bi ɔmɛ a mi gba ekohu.

Yohane 7:12

Ma a tsuo tu Yesu he munyu kusikusi. Benɛ ni komɛ de ke, “Nɔmlɔ kpakpa ji lɛ” ɔ, ni komɛ hu de ke, “Dɛbi, e ngɛ ma a nane tɔtɔe”.

Yohane 9:16

Farisi bi ɔmɛ a ti ni komɛ de ke, “Nɔmlɔ nɛ pee nɔ́ nɛ ɔ, pi Mawu ngɔ nɛ e je; ejakaa e bui Hejɔɔmi ligbi ɔ.” Se a ti ni komɛ lɛɛ a de ke, “Kɛ nɔmlɔ nɛ peeɔ yayami ma plɛ kɛ to okadihi kaa kikɛ nɛ ɔ kɛɛ?” Kɛkɛ nɛ ni ɔmɛ a mi gba.

Ni Tsumi 14:4

Ma a mi bi ɔmɛ a mi gba enyɔ; ni fa ngɛ Yuda bi ɔmɛ a se, nɛ fa hu ngɛ bɔfo ɔmɛ a se.