Yohane 7:42 - BAIBLO ALOO NGMAMI KLƆUKLƆU Ɔ

⁴² Ejakaa a ngma ke Mesia a maa pee Matsɛ David nina; nɛ jehanɛ hu, Betlehem, he nɛ Matsɛ David hi ɔ, lejɛ ɔ a ma fɔ lɛ ngɛ.”

Somi He Ɔ

⁴² Anɛ ngmami ɔ de we ke: ‘David powu ɔ mi kɛ Betlehem ma, he nɛ David hi ɔ, lejɛ ɔ Kristo ɔ maa je’ lo?”

Yohane 7:42 ပူးပေါင်းရင်းမြစ်များ

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Mateo 2:5

A he nɔ ke, “Ngɛ Betlehem nɛ ngɛ Yudea a. Ejakaa bɔ nɛ gbalɔ ɔ ngma ji nɛ ɔ nɛ:

Luka 2:4

Yosef je Nazaret ma a mi ngɛ Galilea, nɛ e ya Betlehem ngɛ Yudea, he nɛ a fɔ Matsɛ David ngɛ ɔ. Yosef ya lejɛ ɔ, ejakaa David nina ji lɛ.

Yeremia 23:5

Yawɛ ke, “Be ma nɛ ma hla dalɔ ko kɛ je David nina a a kpɛti nɛ e ba ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Luka 2:11

Mwɔnɛ ligbi nɛ ɔ, a fɔ nyɛ yi wami helɔ, Nyɔmtsɛ Kristo ɔ ngɛ David ma a mi!

Mateo 1:1

Yesu Kristo, Abraham kɛ David nina a, e weku kpa ji nɛ ɔ nɛ.

Yesaya 11:1

Ishai, Matsɛ David tsɛ ɔ weku kpa ngɛ kaa tso ko nɛ a po ngɔ fɔ si. Se matsɛ he maa te si ngɛ David nina a mi kaa bɔ nɛ tso kpɔ nɛ ngɛ zu mi tsɛ̃ɔ kɔni ɔ.

La 132:11

Yawɛ, kita nɛ o ka David nɛ o be o nya se kpalee ji, “Ma wo o bimɛ ɔmɛ a ti nɔ kake matsɛ, nɛ e maa ye tsɛ ngɛ o se.

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”

La 89:4

‘Ma ha nɛ o nina maa ye matsɛ daa; o matsɛ yemi ɔ maa hi si kɛ maa ya neneene.’ ”

Samuel I, 16:18

Nihewi ɔmɛ a ti nɔ kake de lɛ ke, “I kpa mo pɛɛ, i le Ishai, Betlehem no ɔ binyumuyo ko nɛ le saku fiami saminya. Nyumu katsɛ kɛ ta hwulɔ ji lɛ. E nya mi tsɔ, nɛ e he ngɛ fɛu, nɛ Yawɛ kɛ lɛ ngɛ.”

Yohane 7:27

Kristo ɔ nɛɛ, anɛ nɔ ko maa le he nɛ e maa je lo? Tse wɔ tsuo wa le he nɛ nɔmlɔ nɛ ɔ je.”

Samuel I, 17:58

Saul bi lɛ ke, “Niheyo, mɛnɔ bi ji mo?” Nɛ David ha heto ke, “O tsɔlɔ Ishai, Betlehem no ɔ bi ji mi.”

Samuel I, 16:4

Samuel pee kaa bɔ nɛ Yawɛ de lɛ ɔ. E ya Betlehem, nɛ ma nimeli ɔmɛ kɛ lɛ ba kpe kɛ he domi, nɛ a bi ke, “O ba ngɛ tue mi jɔmi mi lo?”

Mateo 2:6

‘Mo Betlehem ma, ngɛ Yuda zugba a nɔ ɔ, mo ji ma nyafii pe kulaa ngɛ Yuda ma amɛ a kpɛti; se o mi lɛ matsɛ maa je kɛ ba ye ye ma Israel ɔ nɔ.’ ”

Kronika I, 2:51

E bi Salma ji nɔ nɛ to Betlehem ma a sisi. E bi hu ji Haref, nɔ nɛ to Betgader ma a sisi ɔ.