Yohane 7:41 - BAIBLO ALOO NGMAMI KLƆUKLƆU Ɔ

⁴¹ Ni komɛ hu de ke, “Lɛ ji Mesia a nɛ.” Se ni kpa komɛ lɛɛ a bi ke, “Mesia a, Galilea nɛ e maa je lo?

Somi He Ɔ

⁴¹ Ni komɛ ke: “Kristo ɔ ji nɛ ɔ nɛ.” Se ni kpa komɛ hu ke: “Anɛ Kristo ɔ, Galilea e maa je lo?

Yohane 7:41 ပူးပေါင်းရင်းမြစ်များ

Yohane 1:41

E kɛ we kulaa nɛ Andrea kɛ e nyɛmi Simon ba kpe. Andrea de Simon ke, “Wa na Mesia a.” (Mesia sisi ji Kristo).

Yohane 1:46

Se Natanael bi Filipo ke, “Anɛ nɔ́ kpakpa ko maa je Nazaret lo?” Filipo he nɔ ke, “Ba nɛ o ba hyɛ!”

Yohane 1:49

Natanael kpale he nɔ ke, “Tsɔɔlɔ, niinɛ, mo ji Mawu Bi ɔ! Mo ji Israel matsɛ ɔ nɛ!”

Yohane 4:25

Yo ɔ de lɛ ke, “I le kaa Mesia a nɛ a tsɛɛ lɛ Kristo ɔ ma, nɛ ke e ba a, e maa tsɔɔ wɔ nɔ́ tsuaa nɔ́.”

Yohane 4:29

“Nyɛɛ ba! Nyɛ ba hyɛ nyumu ko nɛ de mi níhi tsuo nɛ i pee hyɛ. Anɛ pi lɛ ji Kristo ɔ lo?”

Yohane 4:42

Kɛkɛ nɛ a de yo ɔ ke, “Jehanɛ lɛɛ pi o munyu ɔ nya hu nɛ wa heɔ yeɔ kaa nɔmlɔ nɛ ɔ ji je ɔ yi wami helɔ ɔ, se mohu nɔ́ nɛ wɔ nitsɛmɛ wa nu kɛ wa tue kɛ je lɛ nitsɛ e nya a he.”

Yohane 6:69

Amlɔ nɛ ɔ, wɔɔ lɛɛ wa he ye, nɛ wa na le hulɔ kaa mo ji Mawu Nɔ Klɔuklɔu ɔ nɛ.”

Yohane 7:27

Kristo ɔ nɛɛ, anɛ nɔ ko maa le he nɛ e maa je lo? Tse wɔ tsuo wa le he nɛ nɔmlɔ nɛ ɔ je.”

Yohane 7:31

Ma mi bi ɔmɛ a ti nihi babauu he Yesu ye, lɔ ɔ he ɔ, a bi ke, “Anɛ Mesia a nɛ maa ba a ma nyɛ to okadi pe nɔmlɔ nɛ ɔ lo?”

Yohane 7:52

A he nɔ ke, “Saminya! Tse mo hu Galilea no ji mo! Yaa kpa ngmami ɔmɛ a mi kaa o maa na gbalɔ ko nɛ je Galilea lo!”