Yohane 7:4 - BAIBLO ALOO NGMAMI KLƆUKLƆU Ɔ

⁴ Ke nɔ ko suɔ kaa ma nɛ le lɛ saminya a, níhi nɛ e peeɔ ɔ, e laa we nɔ. Ní ɔmɛ tsuo nɛ o ngɛ pee ɔ, ha nɛ je ɔ tsuo nɛ nu he.”

Somi He Ɔ

⁴ Ejakaa nɔ nɛ hlaa kaa a le lɛ ɔ pee we nɔ́ ko ngɛ laami mi. Ke ni nɛ ɔmɛ o peɔ ɔ, je o he si ngɔ tsɔɔ je ɔ.”

Yohane 7:4 ပူးပေါင်းရင်းမြစ်များ

Yohane 18:20

Yesu he nɔ ke, “I tuɔ munyu paa kɛ haa nɔ tsuaa nɔ. Daa nɛ ɔ, i tsɔɔ ní ngɛ kpe he ɔmɛ, kɛ sɔlemi we ɔ he nɛ Yuda bi kulaa kpee ngɛ ɔ, nɛ i de we nɔ́ ko nɔ́ ko ngɛ laami mi gblee.

Luka 6:45

Nɔmlɔ kpakpa susuɔ ní kpakpahi a he ngɛ e yi mi, nɛ e tuɔ munyu kpakpa; nɔmlɔ yayami susuɔ ní yayamihi ngɛ e yi mi, nɛ e tuɔ munyu yaya. Susumihi nɛ hyi nɔ ko yi mi tɔtɔɔtɔ ɔ ji munyuhi nɛ jeɔ kpo ngɛ nɔ ɔ nya.

Mateo 23:5

Ke a ngɛ nɔ́ ko pee ɔ, kikɛ nɛ ɔ a hɛ ngɛ si poe nɛ a ngɛ hyɛe kaa nihi maa na mɛ lo. Lohwe he womihi nɛ a ngma Mawu munyu ngɛ a nɔ nɛ a fiɔ ngɛ a hɛ nya, kɛ a nine he ɔ, hyɛ bɔ nɛ a bli gbabagbabaa ha! Dekehi hu nɛ ngɛ a tade klɔii ɔmɛ a nya a, hyɛ bɔ nɛ lɔ ɔmɛ hu ka gagaaga ha!

Mateo 6:5

“Ke nyɛ ngɛ sɔlee ɔ, nyɛ ko pee nyɛ ní kaa osatotsɛmɛ ɔmɛ! A suɔ kaa a da kpe he ɔmɛ, kɛ gbɛjegbɛ ɔmɛ a kɔ nya kɛ sɔle, konɛ nihi nɛ na mɛ. Niinɛ, i ngɛ nyɛ dee ke a nine su a hiɔwo nɔ momo.

Mateo 6:16

“Jehanɛ ɔ, ke nyɛ ngɛ hwɔ hae ɔ, nyɛ ko pee nyɛ hɛ mi mɔbɔmɔbɔ kaa bɔ nɛ osatotsɛmɛ ɔmɛ peeɔ ɔ. A peeɔ a hɛ mi nyanyaanya, konɛ nihi nɛ a na kaa a ngɛ hwɔ hae. Niinɛ, i ngɛ nyɛ dee ke a nine su a hiɔwo nɔ momo.

Mateo 4:6

nɛ e de lɛ ke, “Ke Mawu Bi ji mo ɔ, hlu kɛ ya ma zugba, ejakaa ngmami ɔ ke, ‘Mawu ma ha nɛ e bɔfo ɔmɛ maa bu o he. A maa hɛɛ mo ngɛ a dɛ mi, nɛ o nane tete po be tɛ sie.’ ”

Matsɛmɛ I, 22:13

Tsɔlɔ ɔ nɛ ho Mikaya tsɛmi ya a de lɛ ke, “O nɛ, gbali ɔmɛ tsuo a nya sɔ nɛ a gba ke matsɛ ɔ maa ye kunimi. Lɔ ɔ he ɔ, mo hu gbaa ja nɔuu.”

Yohane 7:3

Yesu nyɛminyumu ɔmɛ de lɛ ke, “Jee hiɛ ɔ, nɛ o ya Yudea, konɛ o se nyɛɛli ɔmɛ nɛ a na níhi nɛ o ngɛ tsue ɔ.

Yohane 7:5

E nyɛminyumu ɔmɛ tete he we lɛ yi.