Yohane 7:39 - BAIBLO ALOO NGMAMI KLƆUKLƆU Ɔ

³⁹ Blɔɔ, Mumi ɔ he Yesu de enɛ ɔ nɛ, ejakaa nɔ tsuaa nɔ nɛ heɔ lɛ yeɔ ɔ nine maa su Mumi ɔ nɔ. Se jamɛ a be ɔ, Mumi ɔ bɛ lolo, ejakaa a na we nɛ a wo Yesu hɛ mi nyami.

Somi He Ɔ

³⁹ Mumi ɔ nɛ nihi nɛ heɔ e nɔ yeɔ ɔ ma na a he nɛ e de enɛ ɔ ɔ nɛ; se Mumi Klɔuklɔu ɔ na we nɛ e ba, ejakaa a na we nɛ a wo Yesu hɛ mi nyami.

Yohane 7:39 ပူးပေါင်းရင်းမြစ်များ

La 68:18

O kuɔ yo gagaa a, nɛ o kpaka nihi nɛ a nuu mɛ ta nyɔguɛ kɛ nyɛɛ o se yuu. O he nike ní kɛ je nimli adesahi tsuo a dɛ; o he ngɛ atuã tsɔli tete po a dɛ, konɛ mo Yawɛ ɔ o hi a kpɛti ngɛ lejɛ ɔ.

Abɛ Womi 1:23

Nyɛɛ bu tue nɛ ma ka nyɛ hɛ mi. Ma wo nyɛ ga kpakpa, nɛ i kɛ nyɛ maa tu nile munyu.

Yesaya 12:3

Ke Mawu he e ma a yi wami ɔ, a bua maa jɔ kaa bɔ nɛ ke nɔ nu nyu mua nɛ e tsui he jɔɔ ɔ.”

Yesaya 32:15

Se wɔ lɛɛ, Mawu ma ha wɔ e mumi ɔ kɛ je hiɔwe ekohu, nɛ wa ma na niye ní babauu kɛ je ngmɔ ɔmɛ a mi.

Yesaya 44:3

“Nihi nɛ kuma ngɛ mɛ yee ɔ, ma ha mɛ nyu nɛ a nu. Ma ha zugba gbigbli ɔ nyu, nɛ pahi maa hia. Ma ngɔ ye mumi ɔ kɛ wo o bimɛ ɔmɛ a mi, nɛ ma gbaa o nina a.

Yoel 2:28

“Pee se ɔ, ma plɛ ye mumi ɔ kɛ pue nɔ tsuaa nɔ nɔ; nyɛ binyumu ɔmɛ kɛ nyɛ biyi ɔmɛ maa fiɛ ye sɛ gbi ɔ; nyɛ nimowi ɔmɛ maa nla nlamihi, nɛ nyɛ nihewi ɔmɛ maa na ninahi.

Mateo 16:14

A he nɔ ke, “Ni komɛ ke Yohane nɔ sɔlelɔ ɔ; ni komɛ ke Eliya, nɛ ni kpa komɛ deɔ ke Yeremia, aloo gbali ɔmɛ a ti nɔ kake.”

Mateo 21:11

Ma kpekpemi ɔ he nɔ ke, “Nɔ nɛ ɔ ji gbalɔ Yesu nɛ je Nazaret ngɛ Galilea a nɛ.”

Luka 24:49

nɛ ma ha Mumi Klɔuklɔu ɔ maa ba nyɛ nɔ kaa bɔ nɛ Tsaatsɛ wo si ɔ. Se nyɛɛ hi Yerusalem ma a mi kɛ yaa si he wami nɛ je hiɔwe ɔ maa ba nyɛ nɔ.”

Luka 3:16

Lɔ ɔ he ɔ, Yohane de mɛ ke, “Imi lɛɛ nyu nɛ i kɛ ngɛ nyɛ sɔlee, se nɔ ko ma ngɛ ye se nɛ pe mi, nɛ i sɛ kaa i pɛneɔ e tokota nya kpa po. Lɛɛ Mumi Klɔuklɔu, kɛ la nɛ e kɛ maa sɔle nyɛ.

Luka 7:16

Gbeye nu ni ɔmɛ tsuo, nɛ a je Mawu yi, nɛ a de ke, “Gbalɔ nguaa ko te si ngɛ wa kpɛti! Mawu ba, konɛ e ba kpɔ wɔ, e ma a!”

Yohane 1:21

A bi lɛ ke, “Mɛnɔ ji mo mɔ? Eliya lo?” Yohane he nɔ ke, “Tsa pi imi ji Eliya.” A bi lɛ ekohu ke, “Mo ji gbalɔ ɔ lo?” Yohane he nɔ ke, “Dɛbi!”

Yohane 1:25

kpale bi lɛ ke, “Ke pi mo ji Kristo ɔ, pi Eliya ji mo, nɛ pi mo ji gbalɔ ɔ hulɔ ɔ, lɛɛ mɛni he nɛ o ngɛ nihi sɔlee mɔ?”

Yohane 1:33

Imi hu jinɛ i li lɛ, se Mawu, nɔ nɛ tsɔ mi ke ma ba sɔle nihi ngɛ nyu mi ɔ lɛ de mi ke, ‘Nɔ nɛ nɔ nɛ Mumi ɔ ma ba ma a, lɛ ji nɔ nɛ maa ngɔ Mumi Klɔuklɔu ɔ kɛ sɔle nihi.’

Yohane 12:16

Jamɛ a be ɔ, e kaseli ɔmɛ nui nɔ́ nɛ ɔ sisi; se benɛ a tle Yesu si, nɛ a wo e hɛ mi nyami se ɔ, a kai kaa a ngma nɔ́ nɛ ɔ ngɛ Yesu he, nɛ e ba mi.

Yohane 12:23

Yesu he nɔ ke, “Jehanɛ lɛɛ be ɔ su nɛ a maa wo Nɔmlɔ Bi ɔ hɛ mi nyami babauu.

Yohane 14:13

Ke nyɛ kpa nɔ́ ko he pɛɛ ngɛ ye biɛ mi ɔ, ma pee; kɛkɛ ɔ, kɛ gu Bi ɔ nɔ ɔ, a maa wo Tsɛ ɔ hɛ mi nyami.

Yohane 14:26

Tsɛ ɔ maa wo Mumi Klɔuklɔu ɔ blɔ kɛ ba nyɛ ngɔ. Hepiɛlɔ nɛ ɔ maa ba ngɛ ye biɛ mi, nɛ nɔ́ tsuaa nɔ́ nɛ hia kaa nyɛɛ le ɔ, e maa tsɔɔ nyɛ; nɛ nihi tsuo nɛ i de nyɛ ɔ, e ma kai nyɛ.

Yohane 16:14

E maa wo ye hɛ mi nyami, ejakaa níhi nɛ i wo nɔ ta a, e maa tsɔɔ nyɛ.

Yohane 16:7

I ngɛ nyɛ dee anɔkuale mi ke e hi kɛ ha nyɛ mohu kaa ma je, ejakaa ke i ji ɔ, Hepiɛlɔ ɔ be nyɛ ngɔ bae. Ke i je ɔ lɛɛ ma wo lɛ blɔ kɛ ba nyɛ ngɔ.

Yohane 17:1

Benɛ Yesu de ní nɛ ɔmɛ se ɔ, e wo hɛ nɔ kɛ hyɛ hiɔwe, nɛ e ke, “Tsaatsɛ, be ɔ su. Ha nɛ a wo o Bi ɔ hɛ mi nyami, konɛ Bi ɔ hu nɛ wo o hɛ mi nyami.

Yohane 17:5

Tsaatsɛ, ha nɛ ye hɛ mi nɛ ba nyami amlɔ nɛ ɔ kaa bɔ nɛ i ngɛ momo ngɛ o hɛ mi benɛ a na we nɛ a bɔ je ɔ.

Yohane 20:22

Kɛkɛ nɛ e mu ngɔ pue a nɔ, nɛ e de mɛ ke, “Nyɛ he Mumi Klɔuklɔu ɔ.

Yohane 6:14

Nihi nɛ na okadi nɛ ɔ nɛ Yesu pee ɔ de ke, “Niinɛ, gbalɔ ɔ nɛ ma je ɔ mi ɔ ji nɛ ɔ nɛ.”

Yohane 7:12

Ma a tsuo tu Yesu he munyu kusikusi. Benɛ ni komɛ de ke, “Nɔmlɔ kpakpa ji lɛ” ɔ, ni komɛ hu de ke, “Dɛbi, e ngɛ ma a nane tɔtɔe”.

Yohane 8:54

Yesu he nɔ ke, “Kaa imi nitsɛ nɛ i woɔ ye hɛ mi nyami ɔ, lɛɛ lɔ ɔ pi nɔ́ ko; se hyɛ, Tsaatsɛ nɛ nyɛ tsɛɔ ke nyɛ Mawu ɔ, lɛ nɔuu nɛ woɔ ye hɛ mi nyami.

Ni Tsumi 19:2

nɛ e bi mɛ ke, “Benɛ nyɛ he ye ɔ, anɛ nyɛ na Mumi Klɔuklɔu ɔ lo?” A de lɛ ke, “Wa nui hyɛ tete kaa Mumi Klɔuklɔu ko ngɛ.”

Ni Tsumi 2:17

‘Mawu ke, Nyagbe be ɔ, ma ngɔ ye Mumi ɔ kɛ wo nɔ tsuaa nɔ mi. Nyɛ binyumu ɔmɛ, kɛ nyɛ biyi ɔmɛ maa fiɛ ye sɛ gbi ɔ; nihewi maa na nina, nɛ nikɔtɔmahi maa nla.

Ni Tsumi 2:33

A wo e nɔ kɛ ho e Tsɛ Mawu ɔ hiɔ nɔ ya, nɛ e ná Mumi Klɔuklɔu nɛ a wo he si ɔ kɛ je e dɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ngɛ nue nɛ ɔ, Yesu lɛ ha nɛ e ba.

Ni Tsumi 2:38

Petro de mɛ ke, “Nyɛ tsake nyɛ tsui, nɛ nyɛ ti nɔ tsuaa nɔ nɛ ha nɛ a sɔle lɛ ngɛ Yesu Kristo biɛ mi, kɛkɛ, a maa ngɔ nyɛ he yayami ɔmɛ ngɔ pa nyɛ, nɛ nyɛ ma na Mawu nɔke nɔ́ nɛ ji Mumi Klɔuklɔu ɔ.

Ni Tsumi 2:4

Mumi Klɔuklɔu ɔ ba mɛ tsuo a nɔ saminya, nɛ a bɔni gbi slɔɔtoslɔɔtohi tumi ngɛ Mumi Klɔuklɔu ɔ he wami nya.

Ni Tsumi 3:13

Wa nɛmɛ Abraham, Isak, kɛ Yakob a Mawu ɔ wo e tsɔlɔ Yesu hɛ mi nyami. Se nyɛɛ lɛɛ nyɛ je lɛ ngɔ ha, nɛ nyɛ kua lɛ ngɛ Pilato hɛ mi, be mi nɛ lɛɛ e pee e juɛmi kaa e maa ngmɛɛ e he ɔ.

Ni Tsumi 4:31

Benɛ a sɔle kikɛ ɔ, he nɛ a bua ngɛ ɔ mimiɛ, nɛ Mumi Klɔuklɔu ɔ ba mɛ tsuo a nɔ saminya, nɛ a ngɔ kã kɛ jaje Mawu munyu ɔ.

Romabi 8:9

Ke Mawu mumi ɔ ngɛ nyɛ mi ɔ, he lo ɔ be nyɛ nɔ he wami; mumi ɔ mohu lɛ tsɔɔ nyɛ blɔ. Ke nɔ ko be Kristo mumi ɔ, pi Kristo nɔ ji lɛ.

2 Korintobi 3:8

lɛɛ be nɛ ɔ mi nɛ Mumi Klɔuklɔu ɔ ngɛ ní tsue ɔ, anɛ Mawu hɛ mi nyami ɔ be kpɛe kulaa pe kekle ɔ lo?

Efesobi 4:30

Nyɛ ko wo Mawu Mumi Klɔuklɔu ɔ mi mi la. Ejakaa mumi ɔ ngɛ kaa so ko nɛ Mawu ngɔ kɛ kadi nyɛ kɛ tsɔɔ kaa be ma nɛ Mawu ma ha nɛ nyɛ maa ye nyɛ he.