Yohane 7:37 - BAIBLO ALOO NGMAMI KLƆUKLƆU Ɔ

³⁷ Nyagbe ligbi ɔ nɛ ji nyami ligbi nguaa pe kulaa a, Yesu te da si, nɛ e de kɛ ngmlaa ke, “Nɔ tsuaa nɔ nɛ kuma ngɛ lɛ yee ɔ, e ba ye ngɔ nɛ e ba nu nyu.

Somi He Ɔ

³⁷ Nyagbe ligbi nɛ ji nyami ligbi ɔmɛ a kpɛti ligbi ngua a nɔ ɔ, Yesu ya da si nɛ e wo e nya nɔ nɛ e de ke: “Ke kuma ngɛ nɔ ko tɔe ɔ, e ba ye ngɔ nɛ e ba nu nyu;

Yohane 7:37 ပူးပေါင်းရင်းမြစ်များ

Yesaya 55:1

Yawɛ ke, “Kuuwi, nyɛ nihi tsuo nɛ kuma ngɛ nyɛ yee, nyu babaaba ngɛ hiɛ ɔ ha nyɛ! Nyɛ nihi nɛ nyɛ be sika hu, nyɛɛ ba; nyɛ ba he niye ní nɛ nyɛɛ ye! Nyɛɛ ba nyɛ ba he dã, kɛ na nyɔ nyu e hia we sika; a jua we!

Yohane 4:14

se nɔ nɛ maa nu nyu nɛ imi ma ha lɛ ɔ, kuma be lɛ yee hu gblegbleegble. Ejakaa nyu nɛ ma ha lɛ ɔ ma plɛ nyu hɛngmɛ nɛ baa nyu nɛ haa nɔ wami kɛ yaa neneene ngɛ e mi.”

Yohane 6:35

Yesu de mɛ ke, “Imi ji abolo nɛ haa nɔ wami ɔ nɛ. Ke nɔ ko ba ye ngɔ ɔ, hwɔ be lɛ yee gblegbleegble; nɛ nɔ nɛ he mi ye ɔ, kuma be lɛ yee gblegbleegble.

Yesaya 12:3

Ke Mawu he e ma a yi wami ɔ, a bua maa jɔ kaa bɔ nɛ ke nɔ nu nyu mua nɛ e tsui he jɔɔ ɔ.”

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.

Yesaya 44:3

“Nihi nɛ kuma ngɛ mɛ yee ɔ, ma ha mɛ nyu nɛ a nu. Ma ha zugba gbigbli ɔ nyu, nɛ pahi maa hia. Ma ngɔ ye mumi ɔ kɛ wo o bimɛ ɔmɛ a mi, nɛ ma gbaa o nina a.

Yohane 4:10

Yesu de yo ɔ ke, “Ke o le nɔ́ kpakpa nɛ Mawu haa nɔ, kɛ nɔ nɛ ngɛ mo nyu bae nɛ ɔ, jinɛ mo mohu o maa ba lɛ eko, nɛ lɛɛ e ma ha mo nyu nɛ haa nɔ wami.”

Kpojemi 21:6

E ya nɔ nɛ e de mi ke, “A gbe nya! Imi ji kekleekle no kɛ nyagbe no, sisije kɛ nyagbe! Nɔ tsuaa nɔ nɛ kuma ngɛ lɛ yee ɔ, ma ha lɛ nyu nɛ je vu nɛ baa nyu nɛ haa nɔ wami ɔ mi nɛ e nu nɛ e be he hiɔ woe.

La 42:2

Mawu hɛngmengmletsɛ, o he kuma ngɛ mi yee. Mɛni be po ma ba su o ngɔ nɛ ma ja mo?

La 63:1

Mawu lee, niinɛ, mo ji ye Mawu; i ngɛ mo hlae kɛ ye tsui tsuo nɛ ma na; o he kuma ngɛ mi yee kaa zugba nɛ gbli kadokado nɛ ngɛ nyu hlae!

La 143:6

I woɔ ye nine nɔ kɛ yaa hiɔwe kɛ faa kue. Bɔ nɛ zugba gbigbli hlaa nyu kɛ jɔɔ e he ɔ, ja o he kuma ngɛ mi yee.

Kpojemi 22:1

Jehanɛ ɔ, bɔfo ɔ tsɔɔ mi pa kɛ e mi nyu nɛ haa nɔ wami ɔ; e mi tsɔ keikei kaa ahuhuɛ. Pa a hia kɛ je Mawu, kɛ To bi ɔ matsɛ sɛ ɔ he

1 Korintobi 12:13

Mawu ngɔ mumi kake ɔ nɔuu ngɔ wo wa tsui mi, nɛ wa ti nɔ tsuaa nɔ ba plɛ pee Kristo he nɔ́ ko, Yuda no jio, ma je no jio, nyɔguɛ jio, nɔ nɛ ye e he jio.

Yohane 6:55

Ejakaa ye he lo ɔ ji niye ní nɛ sa nɛ a ye, nɛ ye muɔ ɔ, nɔ́ nɛ sa nɛ a nu.

Mateo 11:28

“Nyɛ nihi tsuo nɛ nyɛ tloo tlomi nɛ pɔ tɔ nyɛ, nyɛɛ ba ye ngɔ, nɛ ma ha nɛ nyɛɛ jɔɔ nyɛ he.

Mose IV, 29:35

“Ligbi nɛ ji kpaanyɔ ɔ, nyɛ bua nyɛ he nya nɛ nyɛ ja Mawu; nyɛ ko tsu ní tsumi ko nɛ he wa.

1 Korintobi 10:21

Nyɛ be nyɛe maa nu Nyɔmtsɛ ɔ kplu ɔ, nɛ́ nyɛ ma ya nu mumi yayamihi hu a kplu. Nyɛ be nyɛe maa ye ní ngɛ Nyɔmtsɛ ɔ we okplɔɔ ɔ he, nɛ nyɛɛ kɛ mumi yayamihi hu ma ya ye ní.

1 Korintobi 10:4

nɛ mɛ tsuo a nu mumi mi nyu kake ɔ nɛ je mumi mi tɛ sa nɛ nyɛɛ a se ɔ mi. Jamɛ a tɛ sa a ji Kristo.

Yesaya 58:1

Yawɛ ke, “Kpa ngmlaa boboobo bɔ nɛ o ma nyɛ; ha nɛ o nya nɛ wa wawɛɛ kaa titimati! Jaje ye ma Israel tɔmi ɔmɛ kɛ tsɔɔ mɛ!

Mose III, 23:36

Daa ligbi ɔ, nyɛɛ sã niye ní bɔ nɛ a kɛ la sãã. Nyɛɛ pee enɛ ɔ ligbi kpaago. Ligbi nɛ ji kpaanyɔ ɔ, nyɛ bua nyɛ he nya ekohu nɛ nyɛ ja Mawu, nɛ nyɛɛ ngɔ niye ní bɔ nɛ a kɛ la sãã kɛ ba ha Yawɛ. E ji jami ligbi; nyɛ ko tsu ní tsumi kpakpataa ko jamɛ a ligbi ɔ.

Efesobi 5:18

Nyɛ ko de dã, ejakaa e kɛ sakasaka peemi lɛ nyɛɛɔ. Mohu ɔ, nyɛ ha nɛ mumi ɔ nɛ hyi nyɛ.

1 Korintobi 11:25

Ja nɔuu e wo kplu ɔ hu benɛ a ye ní ɔ ta a, nɛ e de ke, “Kplu nɛ ɔ ji Mawu somi he ɔ nɛ a kɛ ye muɔ sɔu nya. Nyɛɛ pee enɛ ɔ, be tsuaa be nɛ nyɛ maa nu ɔ, nɛ nyɛ kɛ kai mi.”

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yohane 6:37

Nɔ tsuaa nɔ nɛ Tsaatsɛ ngɔ ha mi ɔ maa ba ye ngɔ. Nɔ tsuaa nɔ nɛ baa ye ngɔ ɔ, i be lɛ fiee kɔkɔɔkɔ.

Yohane 5:40

Se nyɛ sume kaa nyɛ maa ba ye ngɔ, konɛ nyɛ na wami.

Yohane 1:23

Yohane he nɔ ke, “Imi ji nɔ nɛ ngɛ fiɛe ngɛ nga a nɔ ke, ‘Nyɛ dla blɔ ngɔ to Nyɔmtsɛ ɔ,’ kaa bɔ nɛ gbalɔ Yesaya de ɔ nɛ.”

Zakaria 9:15

Yawɛ Tabohiatsɛ ɔ maa bu e ma a he, a maa naa amlami fɔli ɔmɛ a nɔ, nɛ a ma kpata a hɛ mi. Muɔ ma pue si kaa wai nɛ hyi kplu. A ma pue a he nyɛli a muɔ si basaa kaa bɔ nɛ a kpaa muɔ kɛ pueɔ bɔ sami la tɛ nɔ ɔ.

Mika 6:9

E hi kaa a ye Yawɛ gbeye. Yawɛ ngɛ Yerusalem dee ke, “Nyɛ nihi nɛ nyɛ ba bua nyɛ he nya ngɛ ma a mi, nyɛɛ bu tue!

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Yeremia 2:2

ma fiɛ ha nɔ tsuaa nɔ ngɛ Yerusalem ke, “I kai kaa be nɛ nyɛ ngɛ nihe mi ɔ, nyɛ ye mi anɔkuale, nɛ nyɛ je nyɛ suɔmi kpo kɛ tsɔɔ mi kaa bɔ nɛ ayɛflo suɔ e huno ɔ; nyɛ nyɛɛ ye se kɛ ya gu nga kplanaa nɔ ngɛ zugba nɛ a du we ní ngɛ nɔ ɔ nɔ.

Yesaya 55:3

“Ye ma, nyɛ ta tue, nɛ nyɛɛ ba ye ngɔ; nyɛɛ ba ye ngɔ, konɛ nyɛ yi nɛ na wami. I kɛ nyɛ maa so somi ko nɛ maa hi si kɛ maa ya neneene; nɛ gbaami nɛ i wo David si ke ma ha e nina a, ma kɛ ha nyɛ.

Yesaya 40:6

Gbi ko ngɛ pɛe ke, “Moo fiɛ!” I bi ke, “Kɛ ma fiɛ kɛɛ?” Moo fiɛ ke, “Nimli adesahi tsuo ngɛ kaa nga, nɛ a he fɛu tsuo ngɛ kaa mɔmɔ ngɛ nga nɔ.

Nehemia 8:18

Kɛ je kekleekle ligbi ɔ nɔ kɛ ya si be nɛ a gbe nyami be ɔ nya a, a kaneɔ Mawu mlaa a fa ko daa ligbi. A ye Gbasisihimi nyami be nɛ ɔ ligbi kpaago, nɛ ligbi kpaanyɔne ɔ, a pee nyagbe kpe kaa bɔ nɛ mlaa a tsɔɔ ɔ.

Mose III, 23:39

Ke nyɛ kpa nyɛ ngmɔ ní ɔmɛ gbe nya a, nyɛɛ ye nyami be ha Yawɛ ligbi kpaago, kɛ je nyɔhiɔ kpaagone ɔ we ligbi nyɔngma kɛ enuɔne ɔ. Kekleekle ligbi ɔ, kɛ ligbi kpaanyɔne ɔ nɛ a pee he jɔɔmi ligbihi ha nyɛ.

Yohane 7:28

Jehanɛ, benɛ Yesu ngɛ ní ɔ tsɔɔe ngɛ sɔlemi we ɔ, e kpa ngmlaa kɛ bi ke, “Anɛ nyɛ le mi tutuutu? He nɛ i je ɔ, nyɛ le? Pi imi nitsɛ ye he wami nya nɛ i ba. Nɔ nɛ tsɔ mi ɔ, anɔkualetsɛ ji lɛ; nyɛɛ nyɛ li lɛ.

Yesaya 40:2

Nyɛɛ wo Yerusalem ma a bua. Nyɛ de nɛ a nu kaa jehanɛ lɛɛ a nɔ́ nami babauu ɔ se po, nɛ a ngɔ a he yayami ɔmɛ ngɔ pa mɛ. I gbla a tue saminya ngɛ a tɔmi ɔmɛ tsuo a he.”

Lahi 5:1

Ye nyɛmiyo; ye we ayɛflo nɛ i suɔ mo saminya, i ba ye we abɔɔ ɔ mi. I ngɛ ye tsopa kɛ e he via, kɛ mimɛ nya buae. I ngɛ ye hwo kɛ hwo gbaku yee. I ngɛ ye wai kɛ nyɔ nyu nue. Huɛmɛ, nyɛɛ ye ní nɛ nyɛɛ nu ní. Nyɛ suɔmi ɔ nɛ de nyɛ kaa dã!

Abɛ Womi 8:3

E ngɛ ngmlaa kpae gegeege ngɛ ma a nya; e ngɛ kpae ngɛ ma a agbo ɔmɛ a nya ke,

Mateo 3:3

Yohane ji nɔ nɛ gbalɔ Yesaya de ngɛ e he ke, “Nɔ ko ngɛ ngmlaa kpae ngɛ nga a nɔ ke, ‘Nyɛɛ je blɔ kɛ ha Nyɔmtsɛ ɔ; nyɛ ha e blɔ ɔ nɛ da tlɔmɔɔ.’ ”

Abɛ Womi 9:3

E tsɔ e mawayi ɔmɛ ke a ya da ma a mi he nɛ ya hiɔwe pe kulaa a, nɛ a kpa ngmlaa ke,

Abɛ Womi 8:1

Nyɛɛ bu tue! Nile ngɛ ngmlaa kpae. Nyɛɛ bu tue! Juɛmi gbi ngɛ pɛe.

Abɛ Womi 1:20

Nile ngɛ ngmlaa kpae boboobo ngɛ gbɛjegbɛ nɔ, kɛ jua mi.

Abɛ Womi 8:17

Nihi nɛ suɔ mi ɔ, imi hu i suɔ mɛ; nɔ tsuaa nɔ nɛ hlaa ye se blɔ ɔ, e maa na mi.

Ezekiel 47:9

He tsuaa he nɛ pa nɛ ɔ maa be ngɛ ɔ, lohwe nane eywiɛɛywiɛtsɛmɛ slɔɔtoslɔɔtohi maa bɔ ngɛ lejɛ ɔ, nɛ a ma na pa mi lo babauu. Ke e ya sɛ Ngo wo ɔ mi ɔ, Ngo wo ɔ ma plɛ pee nyu mua, nɛ wami he maa ba he tsuaa he nɛ pa nɛ ɔ maa be ngɛ ɔ.

Mateo 5:6

“A gbaa ni nɛmɛ nɛ hlaa kaa be tsuaa be ɔ, a pee nɔ́ nɛ da, ejakaa Mawu ma ha a ma na bua jɔmi babauu.

Yohane 4:11

Yo ɔ de lɛ ke, “Nyɔmtsɛ, vu ɔ mi kuɔ, nɛ o be nɔ́ ko hulɔ nɛ o kɛ maa yɛ nyu ɔ. Nyu nɛ haa nɔ wami ɔ, jije o ma ná kɛ je?