Yohane 7:35 - BAIBLO ALOO NGMAMI KLƆUKLƆU Ɔ

³⁵ Yuda ma nimeli ɔmɛ bi mɛ nitsɛmɛ a he ke, “Jije po e yaa nɛ wa be lɛ nae hu ɔ? Anɛ e maa ho Hela ma nguaa amɛ a mi ya ngɛ wa nyɛmimɛ ɔmɛ a ngɔ, nɛ e ya tsɔɔ Hela bi ɔmɛ ní lo?

Somi He Ɔ

³⁵ Lɔ ɔ he ɔ Yudafo ɔmɛ bi a he ke: “Jije nɔ nɛ ɔ maa ya nɛ wa be lɛ nae? Anɛ nihi nɛ gbɛ fia Helabi ɔmɛ a kpɛti ɔ ngɔ e maa ya nɛ e ya tsɔɔ Helabi ɔmɛ a ni lo?

Yohane 7:35 ပူးပေါင်းရင်းမြစ်များ

La 147:2

Yawɛ ngɛ Yerusalem sisi toe ekohu; e ngɛ Israel bi ɔmɛ nɛ gbɛ fĩa a a nya buae kɛ ba.

Yesaya 11:10

Jamɛ a ligbi ɔ, matsɛ he nɛ je Ishai powu ɔ mi ɔ maa da si kaa okadi ko ha je ma amɛ. A ma bua a he nya kɛ maa ba e matsɛ ma a mi, nɛ a ma ba wo e hɛ mi nyami.

Yesaya 11:12

Yawɛ maa si aflangaa kɛ pee okadi kɛ tsɔɔ je ma amɛ kaa Israel, kɛ Yuda ma amɛ nɛ a gbɛ fĩa je ɔ mi tsuo ɔ, e ngɛ a nya buae ekohu, konɛ e kpale mɛ kɛ ba we.

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Yesaya 56:8

Nyɔmtsɛ Yawɛ nɛ ngɛ e ma Israel nya buae kɛ je ma se kɛ ma we ɔ, bɔ nɛ e ngɛ dee ji, “Ma bua ni kpahi a nya kɛ piɛ nihi nɛ a bua a nya momo ɔ a he.”

Zefania 3:10

Ye nihi nɛ gbɛ fĩa a maa ngɔ nike ní kɛ je tsitsaa Sudan po kɛ ba ha mi.

Mateo 12:21

Nɛ ma je li tsuo maa ngɔ a hɛ kɛ fɔ e nɔ.”

Luka 2:32

Lɛ ji la nɛ maa tsɔɔ ma je li ɔmɛ blɔ kɛ ba o ngɔ; nɛ e maa wo o ma Israel hɛ mi nyami.”

Yohane 12:20

Nihi nɛ ya Mawu jami ngɛ Yerusalem nyami be ɔ, Hela bi komɛ piɛ a he.

Yohane 7:1

Enɛ ɔ se ɔ, Yesu kpa si ngɛ Galilea pɛ, se e sume nɛ e ya Yudea zugba a mi, ejakaa Yuda bi ɔmɛ ngɛ lɛ hlae nɛ a gbe.

Yohane 8:22

Lɔ ɔ he ɔ, Yuda ma nimeli ɔmɛ bi ke, “Ke e de ke he nɛ e yaa a, wa be nyɛe maa ya a, kɛ e ngɛ tsɔɔe kɛɛ? E yaa gbe e he lo?”

Ni Tsumi 11:18

Benɛ a nu munyu nɛ ɔmɛ ɔ, a nya mi jɔ, nɛ a wo Mawu hɛ mi nyami mohu, nɛ a de ke, “Lɛɛ ma je li ɔmɛ hu Mawu ha mɛ he blɔ kaa a tsake a tsui, konɛ a he a yi wami!”

Ni Tsumi 11:20

Se a ti ni komɛ nɛ je Kipro kɛ Kirene lɛɛ a pue nɔ kɛ ho Antiokia ya ya fiɛ sane kpakpa a nɛ kɔɔ Nyɔmtsɛ Yesu he ɔ kɛ tsɔɔ Hela bi hulɔ.

Ni Tsumi 14:1

Kikɛmɛ a nɔ́ nɛ ɔ ya nɔ ngɛ Ikoniom hulɔ. Paulo kɛ Barnaba ya Yuda bi ɔmɛ a kpe he ɔ, nɛ bɔ nɛ a tu munyu tsɔɔ ni ɔmɛ ɔ ha Yuda bi ɔmɛ, kɛ ma je li ɔmɛ a ti nihi babauu he Nyɔmtsɛ ɔ ye.

Ni Tsumi 17:4

Ni ɔmɛ a ti ni komɛ he ye kaa Paulo munyu ɔ ngɛ mi, nɛ a kɛ a he ya bɔ Paulo kɛ Sila a he. Hela bi Mawu gbeye yeli ɔmɛ a ti nihi babauu, kɛ yi komɛ nɛ a buu mɛ hu ya piɛ a he ja nɔuu.

Ni Tsumi 18:4

Daa Hejɔɔmi ligbi ɔ, e ya fiɛɔ Mawu munyu ngɔ tsɔɔ nihi ngɛ kpe he ɔ, nɛ e bɔɔ mɔde kaa e ma tsake Yuda bi, kɛ Hela bi tsuo.

Ni Tsumi 21:21

A nu kaa Yuda bi tsuo nɛ ngɛ ma je li ɔmɛ a kpɛti ɔ, nɔ́ nɛ o ngɛ mɛ dee ji kaa a ko ye Mose mlaa a nɔ, a ko po a bimɛ ɔmɛ, nɛ a ko tsu Yuda bi a kusumi hulɔ.

Ni Tsumi 22:21

Kɛkɛ nɛ Nyɔmtsɛ ɔ de mi ke, ‘Yaa, ejakaa ma tsɔ mo ma je li ɔmɛ a ngɔ ngɛ tsitsaa lokoo!’ ”

Romabi 1:16

Sane kpakpa a he pee we mi zo, ejakaa e ji Mawu he wami nɛ haa nɔ tsuaa nɔ nɛ heɔ yeɔ ɔ yi naa wami, Yuda bi kekle, lɔ ɔ se ɔ, ma je li hulɔ.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Kolosebi 1:27

Mawu suɔ kaa e ha mɛɛ a le kaa kikɛmɛ a laami sane nɛ he jua wa, nɛ hɛ mi ngɛ nyami nɛ ɔ ngɛ ní tsue ngɛ ma je li ɔmɛ hu a kpɛti. Nɛ laami sane ɔ ji, Kristo ngɛ nyɛ mi, nɛ tsɔɔ kaa nyɛ hɛ ngɛ nɔ kaa Mawu maa wo nyɛ hɛ mi nyami.

1 Timoteo 2:7

Enɛ ɔ he hu nɛ Mawu tsɔ mi kaa bɔfo, konɛ ma fiɛ sane kpakpa a ha ma je li ɔmɛ, nɛ ma tsɔɔ mɛ bɔ nɛ a he Kristo nɛ a ye anɔkuale mi. Nɔ́ nɛ i ngɛ dee nɛ ɔ, anɔkuale sisiisi; i yi lakpa.

2 Timoteo 1:11

Mawu pee mi bɔfo kɛ tsɔɔlɔ, konɛ ma fiɛ sane kpakpa a,

Yakobo 1:1

Imi Yakobo, Mawu kɛ Nyɔmtsɛ Yesu Kristo tsɔlɔ ɔ lɛ i ngɛ womi nɛ ɔ ngmae kɛ ya ha wɛtso nyɔngma kɛ enyɔ ɔmɛ nɛ gbɛ fĩa je ɔ mi tsuo. Nyɛ he manye!

1 Petro 1:1

Imi Petro, Yesu Kristo bɔfo ɔ, i ngɛ womi nɛ ɔ ngmae kɛ ngɛ nyɛ nihi nɛ Mawu hla, nɛ nyɛ gbɛ fĩa Ponto, Galatia, Kapadokia, Asia, kɛ Bitinia zugba amɛ a nɔ ɔ manee.